Спорт
(ФОТО+ВИДЕО) Ќе гледаме кичевско финале во мал фудбал за „Илинден“, „Кеди Дизајн“ & „Асан“ најуспешни екипи на овогодинешниот турнир

Вчера во одлична атмосфера, со гости до последно столче, се одиграа полуфиналните мечеви на големиот турнир во мал фудбал кој се организира традиционално по 55-ти пат по повод големиот празник „Илинден“. Во првиот меч се сретнаа екипите на „Викса Маркети“ и „Кеди Дизајн“, каде црните ја имаа играта во свои раце и доминираа, со тоа што го добија натпреварот со 2:0.
Вториот меч беше нешто со по динамичен ритам, односно на самиот старт од натпреварот гостите од „Охрид“ веднаш почнаа со атак врз домаќините. Многу шутеви, шанси за гол, но и неколку стартови на домаќините кои беа забележани и санкционирани од супериорниот судија Дејаноски.
– По првата акција на домаќините пред гостинскиот гол, екипата на „Охрид“ во добра дефанзива го сопре нападот и со контра поведе со 1:0, но за кратко, екипата на „Асан“ не дозволи долго водство, така што радоста кратко траеше, имено по една мешаница на шест метри гостите го израмнија резултатот со што остана турбулентно до самиот крај, каде одлучуваа пеналите, а домаќините во старо-добар ритам со старо-добри шутери без грешка, го искористија промашувањето на гостите и отпатуваа директно во финале кое ќе се игра утре, среда 2-ри август, со почеток од 19:00 часот.
Да потсетиме, после завршувањето на големото финале и прогласувањето на победниците кои добиваат парични награди од 60,000 ден за прво место, 40,000 ден за второ и 20,000 ден за трето место следува музичка програма со естрадниот уметник Дарко Стојаноски и „Харизма Бенд“ во живо.
Во прилог официјално видео од изведување на пеналите, како и неколку фотографии преку нашиот објектив.
Ве покануваме утре да бидете дел од големото финале, покрај ладниот пијалок и највкусната скара на жар која веднаш ќе ви ги освои симпатиите, Спортски поздрав!
Спорт
Фудбалската федерација на Македонија истакна дека поради честите судиски грешки во иднина ќе воведе „ВАР“

Вчерашниот натпревар Струга Т.Љ. – Воска Спорт јасно илустрираше колку е критично отсуството на технологијата за видео асистент судија (ВАР) во нашиот фудбал. Сериозните судиски грешки доведоа до значителна неправда за тимовите во МФЛ и не само што предизвика разочарување и гнев, туку ја потенцираше потребата за брзи дејствија во насока на подобрување на судењето и спроведување на праведноста.
Во текот на сезоната, се соочивме со судиски грешки кои директно влијаеа на интегритетот на фудбалската играта. Последните судиски грешки, но и грешките во изминатите кола од МФЛ, не принудуваат да се движиме побрзо кон подобрување и праведност во македонскиот фудбал.
Фудбалската федерација на Македонија (ФФМ) е цврсто решена да не дозволи неправда во фудбалот, без разлика на цената.
Со тоа на ум, ФФМ активно работи на воведување на технологијата за видео асистент судија (ВАР) во нашите лиги. Свесни сме за предизвиците кои ги носи овој процес, особено во наоѓањето на соодветна продукциска куќа за емитување на натпреварите, што беше и клучен проблем и покрај нашата решеност веќе оваа сезона да имаше достапна ВАР технологијата тоа да не се оствари, бидејќи овој чекор е критичен за ефективното воведување и функционирање на ВАР технологијата. Нашата цел е да овозможиме оваа технологија што е можно побрзо да биде достапна, иако се соочуваме со комплексни логистички и технички барања за имплементација на истата и на кои интензивно работиме да ги надминеме.
Фудбалот не е само игра, туку симбол на спортска правда и рамноправност. Во срцето на секој натпревар е желбата за фер-плеј, каде секој тим има еднакви шанси за успех.
Паралелно со овие напори, ФФМ континуирано инвестира во професионалниот развој на нашите судии. Редовно ги испраќаме на обуки и семинари во рамките на УЕФА со цел подобрување на нивните вештини и способности за правилно судење.
Ние сме посветени на обезбедување на највисоки стандарди во нашиот фудбал и веруваме дека овие чекори ќе придонесат кон правичен и квалитетен фудбалски исход, истакна Фудбалската федерација на Македонија
Спорт
Јакимовски: „Се наоѓаме во добра група, мотивацијата ни е на високо ниво, се надевам дека ќе успееме да обезбедиме пласман на следното ЕП“

Младата репрезентација на Македонија до 19 години ги доби противниците во Елитната рунда квалификации за Европското првенство кое следната година од 15 до 25 јули ќе се оддржи во Северна Ирска.
Генерацијата која ја предводи селекторот Тони Јакимовски се наоѓа во групата 7 со селекциите на Швајцарија, Украина и Летонија.
Селекторот на младата репрезентација на Македонија до 19 години, Тони Јакимовски даде свое видување и кратка анализа за групата од Елитната рунда на квалификации за пласман на ЕП.
– Задоволен сум од ждрепката, се наоѓаме во добра група. Реално можевме да добиеме и потешки противници. Меѓутоа во денешниот фудбал модерен фудбал, нема слаби и јаки репрезентации, сите располагаат со одреден квалитет и умеат да играат фудбал на високо највисоко ниво.
– Се надевам дека на претстојните квалификации во рамките на Елитната рунда за пласман на Европско првенство, пред се ќе успееме да го задржиме континуитетот на добри игра и позитини резултати. Нема да биде нималку лесно, но подготвени сме за овој предизвик.
– Мотивацијата кај моите фудбалери и целиот стручен тим е на едно високо ниво. Ќе дадеме се од себе за да успееме да отидеме чекор понапред и обезбедиме пласман на Европско првенство.
– Постои голема жеба за докажување и надигурвање кај моите фудбалери. Се надевам дека нема да изостане и ќе успееме да се прикажеме во добро светло во март. Да го заокружиме овој тригодишен циклус со успех.
– Се надевам дека во следниот период на подготовки, сите фудбалери ќе бидат здрави и ќе ги имам на располагање. Не очекуваат два контролни мечеви во Скопје против селекцијата на БиХ на 27 и 29 февруари. Тоа ќе биде и нашата последна проверка пред почетокот на квалификациите за пласман на ЕП.
– Максимално верувам во оваа генерација на фудбалери. Покажавме карактер, одлучност и голема желба за успех. Очекувам дека можеме да направиме и постигнеме нешто повеќе, се надевам дека ќе успееме да обезбедиме пласман на следното Европско првенство.
Елитната рунда квалификации се игра од 18. до 26. март 2024 година.
Спорт
Македонија до 19 години во група со Швајцарија, Украина и Летонија за пласман на ЕП 2024 – Ајде наши!

Младата репрезентација на Македонија до 19 години ги доби противниците во Елитната рунда квалификации за Европското првенство кое следната година од 15 до 25 јули ќе се оддржи во Северна Ирска.
Генерацијата која ја предводи селекторот Тони Јакимовски се наоѓа во групата 7 со селекциите на Швајцарија, Украина и Летонија.
Елитната рунда квалификации се игра од 18. до 26. март 2024 година.
-
Хороскоп24 часа
Хороскоп за петок (8 декември)
-
Хороскоп2 дена
Хороскоп за четврток (7 декември)
-
Кичево4 часа
Вчера во сообраќајни контроли на подрачјето од СВР Охрид во Кичево најмногу санкции за возачи кои возеле побрзо од дозволеното
-
Временска прогноза10 часа
Продолжениот викенд стабилно и суво, студено ќе биде на утро и во вечерните часови
-
Спорт1 ден
Фудбалската федерација на Македонија истакна дека поради честите судиски грешки во иднина ќе воведе „ВАР“
-
Кичево1 ден
(ФОТО) Внесете ја новогодишната магија во вашиот дом со новогодишните украси од „АТВА Маркети“
-
Култура17 часа
Денес го празнуваме Свети Климент Охридски, наш најголем просветител и учител.
-
На денешен ден2 дена
На денешен ден – 7 декември