Кичево
(ФОТО) Денес и официјално во просториите на кичевската болница беше направено примопредавање на функцијата директор
Денес во просториите на административниот дел при ЈЗУ „Општа Болница“ – Кичево, во пријатна и колегијална атмосфера се изврши примопредавање на функцијата Директор на Установата. Од денес од досегашниот директор и официјално е предадена должноста на новиот в.д. директор Д-р Маја Цветановска-Трајкоска.
Во еден свечен амбиент, на официјална покана навистина беше пријатно да се гледаат дел од најбитните луѓе за нашето здравје ведри и спремни за работа, посакувајќи успешна работа на новото раководство.
– За мене ова е еден посебен момент, нов почеток. Нема сомнеж дека овој колегиум ќе работи според сите стандарди. Овој нов почеток значи и продолжување на посветеноста кон квалитетна здравствена нега и конечно да го вратиме задоволството кај пациентите, а во иднина ќе се потрудиме сите процеси на надградба на квалитетната здравствена заштита да биде приоритет во иднина, со првичен фокус на иновации и одговорност кон заедницата.
– Исто така, ја користам оваа прилика да ви се заблагодарам на вашиот медиум и на сите за упатените честитки. Во периодот кој следи, лично ветувам дека кичевската болница ќе се заложам да го добие вистинското лице, медицинскиот персонал да ја почитува личноста, авторитетот, титулата и функцијата на вработените, да ја подигне љубезноста кон пациентите, членовите на нивните семејства и посетителите. Кичево и кичевчани тоа го заслужуваат, за Порта.мк истакна новата Директорка.
Галерија од мини-коктелот со дел од колегиумот на ЈЗУ „Општа Болница“ – Кичево, за топло добредојде:
Кичево
(ФОТО) Вандализам во Кичево, непотребно оштетени сообраќајните знаци
На 16.09.2024 во 15:40 часот во ОВР Кичево е пријавено оштетување со спреј во боја на 11 сообраќајни знаци кои се поставени покрај коловозната лента од улицата „Магистрален пат“ до „Битолска крстосница“ во близина на кичевското село Другово.
– Според членот 190 од Законот за безбедност во сообраќајот на патиштата „на сообраќајниот знак и на столбот на кој е поставен знакот, забрането е да се става нешто што не е во врска со значењето на сообраќајниот знак и забрането е неовластено поставување, преместување, отстранување и оштетување на сообраќајните знаци и на опремата на патот или измена на значењето на сообраќајните знаци“.
ОВР Кичево презема мерки за расчистување на настанот, по што ќе биде поднесена соодветна пријава, информира портпаролот на СВР Охрид, Стефан Димоски.
Кичево
Покана и распоред за главната Манастирска слава на Свештената Пречистанска Обител
Во пресрет на главната манастирска слава на Свештената Пречистанска Обител, во спомен на раѓањето на Богомајката, нашата застапничка пред Бога, ја имаме честа да ве поканиме:
петок, 20ти септември
18:00ч. – празнична Вечерна богослужба, на која ќе началствува Неговото Високопреосвештенство Митрополитот Дебарско-кичевски г. Тимотеј, а ќе претстојат Митрополитот Повардарски г.Агатангел и секако нашиот највозљубен Старец и Епископ Антаниски – г.Партениј.
Во текот на богослужбата, една искушеничка( Душица) од нашето сестринство ќе биде вброена кон рамноангелскиот монашки чин.
сабота, 21 септември
7:00ч. – утрена богослужба.
8:45ч. – пречек на Архиереите: Митрополитот Дебарско-кичевски г. Тимотеј, Митрополитот Повардарски г. Агатангел, Митрополит г.Илија од Финска и Старецот и Епископ Антаниски г. Партениј.
9:00ч. – Света архиерејска Златоустова Литургија.
Потпирајќи се со цврста вера на Онаа Која е поширока од Небесата и Која Го роди Спасителот наш, ве очекуваме со голема радост заеднички да го прославиме роденденот на Мајката Божја и Мајката наша! Воедно, ќе учествуваме заеднички и во молитвите при чинот на монашкиот потстриг на нашата сестра. А за сето тоа да биде целосно исполнето со најубавото источно православно пеење, ќе помогнат нашите најдраги пријатели од Света Гора: архимандритите о. Матеј, о. Антипа, о. Херувим, монаси, псалти и други гости.
Преку нашиот медиум, ве посакуваме да го понесете со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева и повторно да доживееме духовно и телесно исцеление и обновување!
Кичево
Утре овие кичевски села поради работа на ЕВН ќе бидат без електрична енергија
Како што информираат од ЕВН за нашиот медиум, поради зафати на електродистрибутивната мрежа утре на ден 18.09 – среда, ЕВН КЕЦ Кичево ќе работи на терен, така што прекини во снабдување на електрична енергија ќе имаат домаќинствата на следните кичевски села:
* с.Извор, с.Кленоец, с.Попоец, с.Малкоец, с.Иванчишта, с.Душегубица, Луис Гемстон, Трансмет и ХПП Ехлоец (Од 08:30 до 15:00ч)
- Напомена: Времетраењето „од-до“ може да зависи од ефикасноста на работата.
-
Хороскоп2 дена
Хороскоп за вторник (17 септември)
-
Кичево1 ден
(ФОТО) Вандализам во Кичево, непотребно оштетени сообраќајните знаци
-
Кичево1 ден
Утре овие кичевски села поради работа на ЕВН ќе бидат без електрична енергија
-
Хороскоп17 часа
Хороскоп за среда (18 септември)
-
Кичево1 ден
Покана и распоред за главната Манастирска слава на Свештената Пречистанска Обител
-
Мобилни уреди1 ден
Пристигна „iOS 18“, до сега најголемата надградба во историјата на „iPhone“, овие уреди ќе ги добијат новостите кои ги носи новиот систем
-
Магазин1 ден
Австралија ја затвора 3G мрежата
-
Магазин1 ден
Amazon инвестира 8 милијарди фунти во центри за податоци во Велика Британија