Спорт
(ФОТО) Кадетите на Вардар и младинците на Работнички победија во Купот на Македонија во фудбал одигран вчера во Кичево

Вардар е освојувач на Купот на Македонија во кадетска конкуренција. Во финалето на градскиот стадиот вчера во Кичево, Вардар славеше убедлива победа против Шкендија со 4:1.
Во 21. минута со гол од пенал, Вардар поведе со 1:0. Горјан Цветков беше реализатор на најстрогата казна по фаулот над Бундалевски во шеснаесетникот на Шкендија.
Составот од Тетово израмни во 31. минута со голот на Даут Каримани.
Пред крајот на полувремето, нова предност за Вардар донесе Ѓорги Дошев. Во 43. минута постигна прекрасеен погодок за 2:1.
Во вториот дел, Филип Јовановски во 76. минута ја зголеми предноста на Вардар на 3:1, а конечниот резултат го постави Зоран Фидановски во последната минута од мечот.
ФК ВАРДАР: Никола Филевски, Влатко Кулуковски, Нуман Ајетовиќ, Симеон Здравковски, Марко Стојилевски, Тино Спасиќ, Филип Јовановски, Горјан Цветков, Ѓорѓи Дошев, Филип Радевски, Максим Бундалески;
Играа уште: Леонид Илиевски, Виктор Стефановиќ, Зоран Фидановски, Лука Јакимовски, Никола Уневски, Михаил Кузмановски, Матеј Митревски;
ФК ШКЕНДИЈА: Фатлум Јусуфи, Флорим Асани, Арѓент Аљија, Алмир Адили, Даут Каримани, Веби Ислами, Алтин Зибери, Ендрит Алија, Индрит Саќипи, Амин Шаќири;
Играа уште: Бехар Серани, Јонус Џафери, Бесник Зубери, Бесјан Шабани, Бљенди Хусеини, Фљакрон Мемиши, Ебубекир Азизи;
Што се однесува до младинците вчера исто така на градскиот стадион во Кичево во попладневниот термин беше одиграна последната финална средба од предвидените 4 во младинските категории. Младинците на Работнички успеаа да издвојуваат победа на екипата на Шкендија, освојувајќи го трофејот од Куп натпреварувањето.
Во Кичево, екипата на Работнички победи со 3:1. Уште во првиот дел Работнички имаше водство од 2:0, потоа и со 3:0 но Шкендија сепак успеа да го ублажи поразот на конечни 3:1.
Во денешното прво финале на градскиот стадион во Кичево, во категоријата кадети, екипата на Вардар беше подобар од Шкендија со 4:1.
Спорт
Србија официјално остана без „АТП“ турнирот

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси, не беа исполнети условите за организација на настанот во предвидениот термин и формат. Поради тоа, организаторите решија да го откажат овогодинешното издание. Овој викенд се потврди веста дека годинашното издание на АТП турнирот нема да се одржи во Белград.
Од 2021 година, организаторите имаа успешно портфолио од девет професионални тениски турнири, меѓу кои пет АТП 250 настани, еден WTA 250, еден WTA 125, еден ATP Challenger 125, како и еден турнир под покровителство на ITF. Овие турнири привлекоа бројна домашна и меѓународна публика, позиционирајќи го Белград како важна дестинација на тениската мапа.
Дефинитивно ништа од АТП турнира у Београду. Нису могли да се обезбеде услови.
Једина прилика за уживо тенис у Србији биће Дејвис куп септембра у Нишу. pic.twitter.com/YgT6jrwHox— Стефан Милић (@StefanMilic00) August 4, 2025
Организаторите изразија гордост за сето досега постигнато и упатија благодарност до сите кои дадоа поддршка — партнери, спонзори и верната публика.
Тие нагласуваат дека остануваат посветени на развојот на тенисот во Србија и дека ќе продолжат да работат на создавање услови за враќање на професионалните турнири во Белград во иднина.
Планираниот турнир требаше да се одржи од 2 до 8 ноември во ОАКА Арената во Атина, каде што инаку настапува кошаркарскиот клуб Панатинаикос. Со оваа одлука, Белград останува без АТП турнир, што претставува значителен удар за тениската сцена во градот.
Посетата на Новак Ѓоковиќ на Атина во јуни се поврзува токму со испитување на можноста за организирање на турнир во Грција, со цел истиот да се премести од Белград.
Спорт
Во петок започнува новата сезона на првата македонска фудбалска лига, првото дерби ќе се одигра во Тетово, подоцна Вардар го дочекува Пелистер

Новата сезона во Првата македонска фудбалска лига започнува во петок, на 8 август, и веднаш носи возбудливи натпревари. Првото дерби ќе се одигра во Тетово, каде што Шкендија и Шкупи 1927 ќе се соочат од 17:00 часот. Ова е еден од најочекуваните дуели од првото коло, истакна Фудбалската федерација на Македонија.
Подоцна истиот ден, на Националната арена „Тодор Проески“ во Скопје, ќе се одржи уште еден голем натпревар – Вардар против Пелистер, со почеток од 20:00 часот.
Целосниот распоред на првото коло од сезоната 2025/26 изгледа вака:
Петок, 8 август:
- Шкендија – Шкупи 1927 | 17:00 | Тетово
- Вардар – Пелистер | 20:00 | Скопје
Сабота, 9 август:
- Башкими 1947 – Аресими 1973 | 17:30 | Куманово
- Струга Трим Лум – Македонија ЃП 1932 | 17:30 | Струга
Недела, 10 август:
- Тиквеш 1930 – Работнички | 17:30 | Кавадарци
Понеделник, 11 август:
- Силекс – АП Брера Струмица | 17:30 | Кратово
Фановите со нетрпение ја очекуваат новата сезона и возбудувањата што ги носи уште од првото коло.
Извор: ФФМ
Спорт
Германската Бундеслига воведува камери на судиите и јавни објаснувања за „VAR“

Германската фудбалска лига (DFL) воведува важни новини во начинот на користење на ВАР технологијата за претстојната сезона. Почнувајќи од 22 август, судиите во Бундеслигата ќе ги соопштуваат причините за сите ВАР одлуки јавно пред публиката. Истата практика ќе започне и во Втората лига од 17 октомври.
Дополнително, гледачите на стадионите и преку телевизија ќе добијат пристап до повеќе информации, вклучувајќи и снимки направени со камери поставени на телото на судиите. Оваа технологија, која досега се користеше само на ФИФА натпревари, сега е одобрена од Меѓународниот одбор за фудбалски правила (IFAB) и може да се користи и на домашни лиги ако организаторите го побараат тоа.
Со овие новини, судиите во Бундеслигата ќе ги објаснуваат своите одлуки директно пред публиката по консултација со ВАР и преглед на снимките, овозможувајќи поголема транспарентност и разбирање на судиските интервенции.
-
Хроника2 дена
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка
-
Кичево19 часа
Викендов во Кичево СВР Охрид и ОВР Кичево реализираа „Соседска патрола“
-
Хороскоп1 ден
Хороскоп за недела (4 август)
-
Кичево14 часа
(ФОТО) Во с. Челопеци кичевско изгаснат бил избувнат пожар на стрниште речиси до живеалишта
-
Македонија18 часа
Предмалку земјотрес регистриран во западна Македонија, кај Тетово
-
Македонија2 дена
СВР Охрид истакна детали за приведувањето на српскиот пејач
-
Хороскоп11 часа
Хороскоп за вторник (5 август)
-
Македонија1 ден
Кичево, 122 година од битката на „Ѓурѓејца“, 4-ти август 1903 година, симбол на храброст и пожртвуваност