Следете не

Спорт

Прес на финалистите, Македонија ЃП како бранител на Купот, додека Струга ТЛ за прв пат во историјата ќе добие шанса за тронот

Објавено пред

на

Пред нас е 30-то јубилејно финале на Купот на Македонија. Во него се среќаваат МакедонијаЃП и Струга ТЛ, екипи кои покажаа најмногу во оваа сезона во ова натпреварување и затоа заслужено се најдоа во завршниот меч кој одлучува кој ќе го добие пехарот.

Македонија ЃП е бранител на купот, додека Струга Трим Лум за првпат вo својата историја ќе биде дел од овие финални мечеви. Значи тимот од Ѓорче ќе оди по својот трет пехар, додека стружани во својот деби финален меч го очекуваат првиот трофеј.

Во пресрет на утрешниот финален меч од Купот на Македонија, прес-конференција оддржаа тренерите и капитените на двата тима.

Горан Симов – тренер на Македонија Ѓ.П.

– „Ќе играме на добар терен, против силен противник и нè очекува убаво време. Се надеваме дека тоа ќе води кон убав натпревар, вистинско финале. Струга Трим Љум го освои трофејот во Прва МФЛ и имаат одлични играчи, дел од нив многу искусни кои ги освоиле сите домашни трофеи. Ние сме максимално подготвени за финалето, мислам дека притисокот ќе биде врз противникот. Македонија Ѓорче Петров ќе направи се за да го задржи пехарот“.

Филип Мишевски – капитен на Македонија Ѓ.П.

– „Сметам дека фактот што имаме одиграно повеќе финалиња е предност за нас. Ќе биде тешко, трите нерешени средби сезонава се доказ дека ќе биде неизвесно. Македонија Ѓ.П како клуб има повеќе финалиња, но Струга Трим Љум е искусна и многу квалитетна екипа. Ќе дадеме сè од себе да го одраниме трофејот, не криеме дека одиме на победа“

Шпетим Дуро – тренер на Струга Трим Љум

– „Чест и задоволство е да се игра, да се биде учесник, да се биде тренер во едно големо куп финале за една земја. И двете екипи според она што го покажаа досега во ова натпреварување и тоа како заслужија. Кога ќе се пласираш во едно финале значи имаш квалитет, тука нема никакви дилеми. Струга Трим Лум стана шампион, тоа за нас е голема работа, го донесовме пехарот во градот Струга. Ова за нас беше историски момент. Сега ни се дава шанса да дојдеме до двојната круна и ќе се обидеме да ја искористиме оваа шанса. Очекувам добар меч, добро финале, секако очекувам триумф на нашиот тим, на Струга Трим Лум“.

Бенјамин Шабани – капитен на Струга Трим Љум

– „Кога се игра еден ваков натпревар не ти треба дополнителна мотивација, значењето на самиот меч е доволно да те мотивира. Јас сум дел од најголемите успеси на Струга Трим Лум и затоа сум горд што пред некој ден станавме шампиони во првенството, сега на ред е двојната круна. Тимот од Ѓорче заслужува голем респект. Во првенството одигравме три меча и сите завршија без победник, веројатно тоа гарантира едно неизвесно финале. Сепак, ние сме шампиони и секако дека посакувам уште еден трофеј“.

Спорт

74 конгрес на ФИФА во Бангкок: Светското првенство за жени во 2027 да се одржи во Бразил, како најважна точна на дневниот ред

Објавено пред

на

©ФФМ

На 74. Конгрес на Светската фудбалска организација, ФИФА беше донесена одлука Светското првенство за жени во 2027 година да се одржи во Бразил. Изборот на домаќин на Светското првенство за жени беше најважната точка на дневниот ред на Конгресот на ФИФА што се одржа во Бангкок.

Земјите членки на ФИФА одлучија домаќинот да му го доделат на Бразил, кој со 119 гласа победи пред кандидатурата на Белгија, Германија и Холандија кои добија поддршка од 78 земји. Десеттото издание на женското светско првенство за првпат ќе се одржи во Јужна Америка, а титулата светски првак ќе ја брани репрезентацијата на Шпанија.

Конгресот го усвои и годишниот извештај за 2023 година, предлог-буџетот за 2025 година и измените на Статутот на ФИФА.

– „ФИФА го финансира фудбалот ширум светот. Приходите што ги генерираме не одат за одреден број клубови, туку одат во сите 211 земји членки. Нашата мисија е да го развиваме фудбалот ширум светот, бидејќи 70 отсто од земјите членки не би имале доволен приход без придонес на ФИФА“, истакна претседателот на ФИФА, Џани Инфантино.

Делегацијата на Фудалската федерација на Македонија ја предводеше претседателот Муамед Сејдини, потпретседателот Лазар Ракиџиев и генералниот секретар Наталиа Божиновска Илиевска.

https://www.youtube.com/watch?v=1fucSuUI1lY

Прочитај повеќе...

Спорт

Фудбалските судии во првата, односно втората македонска фудбалска лига супериорни во 32-то коло од првенството

Објавено пред

на

Судиска комисија ги разгледа спорните моменти од 32 коло на ПРВА МФЛ, и ги донесе следните заклучоци:

На натпреварот Фк.Тиквеш-Фк.Воска одигран на 12.05.2024 година, анализирана е ситуацијата од 14 минута.

„Главен судија: Димтар Пилешков. Помошни судии: Даниел Василевски и Слаѓан Марковски.

14 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)

Играч на гостинската екипа додаде топка до свој соиграч во 16-сетникот на домашната екипа и пред да ја прими топката минимално беше повлечен за рака од противнички играч, по што падна.

Исправна одлука на главниот судија што дозволи играта да продолжи бидејки влечењето беше минимално, без интензитет и недоволно за пенал.

На натпреварот Фк.Шкупи-Фк.Брера одигран на 12.05.2024 година, анализирана е ситуацијата од 29 минута.

„Главен судија: Крумислав Ѓорѓиев. Помошни судии: Кристијан Џонов и Ристе Ѓорѓиев.

29 минута: ИСПРАВНА ПРОЦЕНКА НА ВТОРИОТ ПОМОШЕН СУДИЈА ( За сигнализирано офсајд позиција на домашен играч и поништен гол на домашната екипа, при резултат 0:0)

Играч на домашната екипа центрираше во 16-сетникот на гостиснаката екипа, топката дојде до друг ирач на домашната екипа и постигна гол.

Исправна одлука на вториот помошен судија што сигнализираше офсајд и што го поништи голот бидејки во момент на центаршутот од својот соиграч, играчот на домакините се наоѓаше во недозволена позиција (позади  предпоследниот играч на екипата на гостите).

Помошниот судија во оваа ситуација беше добро поставен, во линија со предпоследниот играч на гостинската екипа и имаше исправна проценка на оваа тешка ситуација.

На останатите натпревари од ПРВА МФЛ немаше спорни ситуации за судиска анализа, додека на натпреварите од ВТОРA МФЛ немаше спорни ситуации за судиска анализа.

Прочитај повеќе...

Спорт

ЖФК Љуботен втора година по ред освојувач на Купот на Македонија во фудбал

Објавено пред

на

©ФФМ

Женскиот фудбалски клуб Љуботен втора година по ред е освојувач на Купот на Македонија, откако денеска на градскиот стадион во Велес, во реприза на минатогодишното финале успеа да издвојува минимална победа со 1:0 над екипата на Каменица Саса.

Aлександра Марковска е стрелецот на единствениот погодок и тоа директно од корнер на денешната финална средба во 90. минута.

ЖФК Каменица Саса: Фереира Да Силва, Гонзалс Руеда, Делгадо Бенедито, Иригучи Наноска, Ана Димитровска, Радица Велкова, Стефанија Маринковска, Драгана Костова, Фрагосо Туане, Елена Панеска, Стефанија Ристова

Тренер: Зоран Златковски

ЖФК Љуботен: Магдалена Лекоска, Ива Јованоска, Павлинка Николовска, Александра Марковска, Елена Симјанова, Наталиа Луана, Кармо Мартинс, Елена Петровска, Бојана Петкова, Христина Јошевска, Алваренга Диас

Тренер: Елена Петровска

Прочитај повеќе...

Facebook

Последни објави

Магазин2 часа

Како да деинсталирате игра на PlayStation 5

PlayStation 5 е една од најнапредните гејмерски конзоли достапни денес. Некои од најдобрите AAA наслови се репродуцираат на PS5, обезбедувајќи...

Временска прогноза5 часа

Времето денес ќе биде променливо овлачно, наместа со пороен дожд и силен ветер

Времето денеска ќе биде променливо облачно со повремени врнежи од дожд. Попладне ќе има локална нестабилност со пороен дожд, грмежи...

Хороскоп14 часа

Хороскоп за недела (19 мај)

ОВЕН Околу Овенот ќе владее мир и ќе донесе хармонија во вашиот дом. Можеби се расправате со член на семејството...

Занимливости14 часа

(ВИДЕО) Дукати го претстави новиот модел „Монстер“ во чест на легендарниот Аиртон Сена

Најновата „играчка“ на легендарниот Аиртон Сена доаѓа од Ducati, која го претстави специјалното издание Monster. Мотоциклот има шарена графика инспирирана...

Свет16 часа

YouTube ја послуша кинеската влада и ја блокира протестната песна од Хонг Конг

Одлуката доаѓа откако судот ја забрани протестната песна „Слава на Хонг Конг“, која владата ја означи како закана за националната...

Магазин1 ден

Samsung Galaxy Z Fold 6 се појави во листата на Geekbench

Претстојниот телефон на преклопување Samsung Galaxy Z Fold6 ќе биде официјално претставен на 10 јули, а денешната листа на Geekbench...

Магазин1 ден

Доаѓа iPhone Slim и ќе биде најскапиот модел во серијата

Веќе претходно дознавме дека Apple ќе ја освежи својата линија на iPhone за следната година, па моделот Plus ќе биде...

Магазин1 ден

Граѓаните предупредени да не користат TikTok: „Сите податоци одат кај кинеската влада“

Шефот на канадската безбедносна разузнавачка служба Дејвид Вињо денеска ги предупреди канадските граѓани да не ја користат апликацијата TikTok. Тој...

Магазин1 ден

Apple ќе ги продава Vision Pro надвор од САД

Според извештајот на Блумберг, Apple се подготвува да ги продаде своите слушалки Vision Pro надвор од САД. Цена 3.499 долари...

Хороскоп2 дена

Хороскоп за сабота (18 мај)

Овен Стравовите се вовлекоа во твоето срце. Не сте сигурни дали ве сакаат затоа што вредите како личност или затоа...

НАЈЧИТАНИ