По 11 месеци минати, денес повторно се запали штрково гнездо во кичевската населба „Горица“, потточно на далеководот на ул. „Кленоечка“. Жителите на оваа населба секоја година апелираат за решавање на овој проблем, бидејќи секое лето стравуваат од активирање на пожарот, а покрај стравот од евентуален пожар по покуќнината, како што велат често страдале и нивните електрични апарати за домаќинство итн..

Според стручните лица од кои зедовме информација, пожарот во овој случај се активира со допирање на седелото по изолаторите на инсталацијата, така што после пороен дожд доаѓа до краток спој кој е доволен за избувнување и запалување на гнездото.

Екипите на ТППЕ и ЕВН Кичево комплетно по брза постапка и навремено го ставија во мирување пожарот и го обезбедија далеководот, вратен во употреба, но се чини дека овој проблем нема да биде решен во понатамошниот период, бидејќи како што знаеме штрковите во овој период од годината се населуваат и бараат засолниште.

Луѓето кои живеат во овој дел од градот уште еднаш апелираат да се реши овој проблем и ако ништо друго да се конструира корпа отпорна на струјни удари, каде штрковите ќе бидат безбедни, бидејќи како што изјавија, друго решение низ годините назад нема, истите секогаш ќе се враќаат на старото место за да ги изгледаат своите младенци кои угинуваат и жална слика претставува самата ситуација.

ОВР Кичево исто така беше на терен и се запознати со случајот во координација со надлежните.