Спорт
(ФОТО) Првата Маратонска велосипедска тура во Македонија – „ВЕРА ТУР 2022“ успешно финишираше

Првата Маратонска велосипедска тура „ВЕРА ТУР 2022“ успешно финишираше во Македонија
По изминати 2.500 километри, првата Маратонска велосипедска тура „ВЕРА ТУР 2022“ успешно финишираше во Македонија.
Велосипедистот Александар Стојков и пратечкиот стручен и медицински тим во Македонија влегоа преку граничниот премин „Ќафасан“.
По Охрид, велосипедската тура стигна до Свети Николе од каде и тргна на самиот почеток.
Александар Стојков е успешен деловен човек со потекло од Македонија, кој вело турата ја организира во чест кон неговата мајка Вера Стојкова и како датум за финиш на трката беше избран 5 април затоа што тоа е денот кога од Ковид 19, таа починала.
Стојков вели дека трката значи „почит и кон сите оние што ги загубиле животите од злото Ковид-19, во чест на сите што не се со нас, но и во знак на почит на сите блиски околу нас, на сите родители, деца, семејства, колеги, пријатели“.
Инаку, велосипедската турнеја „ВЕРА ТУР 2022“ започна на 21 март оваа година од Св.Николе-Македонија, родното место на Вера Стојкова и се возеше низ Србија, Хрватска, БиХ, Црна Гора и Албанија при што, велосипедистите за 15 дена или 15 етапи, најчесто по ладно време, поминале околу 2.500 километри или околу 170 километри при секоја етапа.
Притоа, на велосипедистите им се придружувале и бајкери од земјите низ кои поминувале а имале само два дена пауза меѓу етапите, што е подвиг еднаков на големите велосипедски натпреварувања.
Според Стојков, „единствената разлика меѓу големите трки и оваа тура, е ревијалниот карактер кој го има ВЕРА ТУР во оваа година, меѓутоа работиме и се надеваме, дека од следната година ВЕРА ТУР ќе прерасне во традиционална трка, пред се поради карактерот, меѓутоа и затоа што на овие простори нема таква слична гранд- велосипедска тура“.
Возејќи низ Хрватска, велосипедистите од Македонија имале официјален пречек на споменикот на Тоше Проески во Нова Градишка каде положиле свежо цвеќе, ја посетиле и новозавршената Македонска црква во Загреб а биле и на спомен местото кај Ротимље-БиХ, каде во авионска несреќа загина претседателот Борис Трајковски со екипажот.
Велосипедистите возеле со специјално дизјнирана опрема за овој настан-официјален дрес, со знамињата на државите низ кои минувале, официјални маици и спортски дуксери за учесниците и за фановите, како и сета потребна професионална опрема што е потребна за организација на една ваква тура.
Според Стојков, „целта на оваа велосипедска тура е возобновување на човечките вредности, подзаборавени или изместени во последно време, враќање на соработката, разбирањето и љубовта од секаков вид, кои некогаш ги имаа, а денес помалку ги практикуваат народите кои живеат на овие простори“.
Меѓу поддржувачите на турата е и СН Осигурителен брокер АД Битола.
– Да се посветиме на здрав живот, на спорт, на толеранција, да ги почитуваме различностите како дополнителна вредност што не прави побогати, да покажеме дека границите може да ограничат еден простор или држава, но не можат да не делат и да не спречат да се почитуваме, вели Стојков според кој, „вело турата треба да прерасне во голема натпреварувачка трка на овие простори, пандан на француската (Тур де Франс), италијанската (Џиро д’Италиа) и шпанската (Вуелта а Еспања).
Велосипедистите на финишот беа пречекани со торта со фотографија од големиот вело предизвик во кој уживаа изминатите денови.
ВЕРА ТУР е повеќе од настан, ВЕРА ТУР е движење, порача Стојков.
Спорт
Младиот шпанец Карлос Алкараз обезбеди место во финалето на Ролан Гарос

Шпанскиот тенисер Карлос Алкараз, кој е втор на АТП ранг-листата, денеска обезбеди место во финалето на Ролан Гарос, откако неговиот противник Лоренцо Мусети од Италија се повлече од мечот поради повреда во четвртиот сет.
Мусети, кој се наоѓа на седмото место на светската листа, го прекина натпреварот по два часа и 29 минути игра. Првиот сет помина без брејкови сè до десеттиот гем, кога Мусети успеа да ја искористи својата прва сет-топка на сервисот на Алкараз и поведе со 1:0.
Во вториот сет двајцата играчи направија по два брејка, а конечниот победник се реши во тај-брејк, каде Алкараз настапи сигурно и славеше со 7:3, израмнувајќи ги сетовите на 1:1. Во третиот сет, Алкараз беше доминантен и со три брејка во вториот, четвртиот и шестиот гем не му дозволи ниту еден гем на Мусети, поведувајќи со 2:1 во сетови.
На почетокот од четвртиот сет, при резултат 2:0 за Алкараз, Мусети се откажа поради повреда.
Во финалето, Алкараз ќе се сретне со победникот од полуфиналниот дуел помеѓу Јаник Синер и Новак Ѓоковиќ, а ќе се обиде да ја освои својата петта Гренд слем титула и втора на Ролан Гарос.
Спорт
Македонија има потенцијал кој претходно го докажала. Милевски верува дека вечер играчите ќе го дадат својот максимум!

Македонската фудбалска репрезентација вечерва ќе се сретне со Белгија во третото квалификациско коло за Светското првенство. Пред натпреварот што ќе се игра во Скопје, селекторот Благоја Милевски и капитенот Енис Барди се обратија на прес-конференција.
– Селекторот Милевски истакна дека е свесен за квалитетот на белгискиот тим, кој долги години е меѓу најдобрите во Европа. Сепак, според него, Македонија има потенцијал и претходно докажала дека може да се носи со силни противници. Тој верува дека ако играчите го дадат својот максимум, може да се постигне добар резултат. Милевски додаде дека јуни традиционално е тежок период за тимот, но атмосферата и пристапот на фудбалерите овојпат му влеваат оптимизам.
– Иако неколку играчи се под знак прашалник поради повреди – како Алими, Димоски и Трапановски – тој се надева дека ќе бидат подготвени да настапат. Важно е, рече, да се смени менталитетот и физичката подготвеност да биде на повисоко ниво.
Капитенот Барди, пак, изрази уверување дека тимот е подготвен да се соочи со силниот ривал. Според него, играњето на домашен терен е голема предност, и секој играч треба да ја преземе својата одговорност. Тој нагласи дека иако Белгија е фаворит, фудбалот е непредвидлив и Македонија има квалитет и искуство да изненади. Барди повика на заедништво и максимална ангажираност, бидејќи тимската игра секогаш носела резултати, истакнаа од Фудбалската федерација на Македонија.
Дополнително предмалку ФФМ исто така истакна важна информација, истата гласи вака:
Важни ИНФОРМАЦИИ за сите НАВИВАЧИ на МАКЕДОНИЈА во пресрет на вечерашниот натпревар против Белгија на Националната арена „Тодор Проески“!
Ве повикуваме сите да пристигнете навреме и да ја поддржиме нашата репрезентација!
Вратите се отвораат во 18:45 часот. Дојдете порано за да избегнете метеж и навреме да си го заземете вашето место.
Лица со жолти маички ќе ги проверуваат / скенираат билетите на влезот.
Подгответе ги однапред за побрза и полесна проверка.
На билетите се наведени предметите кои не се дозволени за внесување.
Ве молиме почитувајте ги правилата за ваша и заедничка безбедност.
Понесете го вашето знаме или шал и сите заедно да ја обоиме арената во црвено-жолто и да навиваме за Македонија!
Спорт
ФФМ на дечињата кои учествуваа во финалниот турнир во „Детската лига“ ќе им овозможи бесплатно да го следат мечот Македонија-Белгија од трибините на „Тодор Проески“

Фудбалската федерација на Македонија ќе им овозможи бесплатен влез на источната трибина на Националната арена „Тодор Проески“ на сите деца кои учествуваа на финалниот турнир во Детската лига и на проектот „Ајде на фудбал“, за време на натпреварот меѓу Македонија и Белгија.
– Оваа одлука, иницирана од претседателот на ФФМ, г-дин Масар Омерагиќ е знак на благодарност и признание за вложениот труд и посветеност на над 2000 деца од 96 екипи кои се натпреваруваа во Детската лига, како и речиси 1000 ученици што беа дел од училишниот фудбалски проект.
Со оваа акција, ФФМ испраќа јасна порака за поддршка на младите фудбалски надежи, со цел да се зајакне љубовта кон спортот и да се мотивираат новите генерации да бидат дел од македонските репрезентации.
Источната трибина ќе биде наменета за овие млади спортисти, кои не се само гледачи, туку и симбол на иднината на македонскиот фудбал, пренесуваат од Фудбалската федерација на Македонија за јавноста.
Извор: ФФМ
-
Хороскоп1 ден
Хороскоп за петок (6 јуни)
-
Хороскоп12 часа
Хороскоп за сабота (7 јуни)
-
Кичево2 дена
(ФОТО) ТППЕ Кичево: Се гаси дива депонија зад „Стара централа“
-
Кичево22 часа
Кичевското архиерејско намесништво истакна соопштение по повод „Духовденска задушница“
-
Македонија1 ден
СВР Охрид: Армијата на Република Македонија ќе реализира тактичко-технички активности
-
Култура13 часа
(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат
-
Македонија2 дена
На граница кај бугарин во возило пронајдени биле електрошок и солзавец, бил веднаш лишен од слобода
-
Спорт21 час
Македонија има потенцијал кој претходно го докажала. Милевски верува дека вечер играчите ќе го дадат својот максимум!