Следете не

Спорт

(ФОТО) Првата Маратонска велосипедска тура во Македонија – „ВЕРА ТУР 2022“ успешно финишираше

Објавено пред

на

Првата Маратонска велосипедска тура „ВЕРА ТУР 2022“ успешно финишираше во Македонија

По изминати 2.500 километри, првата Маратонска велосипедска тура „ВЕРА ТУР 2022“ успешно финишираше во Македонија.
Велосипедистот Александар Стојков и пратечкиот стручен и медицински тим во Македонија влегоа преку граничниот премин „Ќафасан“.

По Охрид, велосипедската тура стигна до Свети Николе од каде и тргна на самиот почеток.

Александар Стојков е успешен деловен човек со потекло од Македонија, кој вело турата ја организира во чест кон неговата мајка Вера Стојкова и како датум за финиш на трката беше избран 5 април затоа што тоа е денот кога од Ковид 19, таа починала.
Стојков вели дека трката значи „почит и кон сите оние што ги загубиле животите од злото Ковид-19, во чест на сите што не се со нас, но и во знак на почит на сите блиски околу нас, на сите родители, деца, семејства, колеги, пријатели“.

Инаку, велосипедската турнеја „ВЕРА ТУР 2022“ започна на 21 март оваа година од Св.Николе-Македонија, родното место на Вера Стојкова и се возеше низ Србија, Хрватска, БиХ, Црна Гора и Албанија при што, велосипедистите за 15 дена или 15 етапи, најчесто по ладно време, поминале околу 2.500 километри или околу 170 километри при секоја етапа.

Притоа, на велосипедистите им се придружувале и бајкери од земјите низ кои поминувале а имале само два дена пауза меѓу етапите, што е подвиг еднаков на големите велосипедски натпреварувања.
Според Стојков, „единствената разлика меѓу големите трки и оваа тура, е ревијалниот карактер кој го има ВЕРА ТУР во оваа година, меѓутоа работиме и се надеваме, дека од следната година ВЕРА ТУР ќе прерасне во традиционална трка, пред се поради карактерот, меѓутоа и затоа што на овие простори нема таква слична гранд- велосипедска тура“.

Возејќи низ Хрватска, велосипедистите од Македонија имале официјален пречек на споменикот на Тоше Проески во Нова Градишка каде положиле свежо цвеќе, ја посетиле и новозавршената Македонска црква во Загреб а биле и на спомен местото кај Ротимље-БиХ, каде во авионска несреќа загина претседателот Борис Трајковски со екипажот.

Велосипедистите возеле со специјално дизјнирана опрема за овој настан-официјален дрес, со знамињата на државите низ кои минувале, официјални маици и спортски дуксери за учесниците и за фановите, како и сета потребна професионална опрема што е потребна за организација на една ваква тура.
Според Стојков, „целта на оваа велосипедска тура е возобновување на човечките вредности, подзаборавени или изместени во последно време, враќање на соработката, разбирањето и љубовта од секаков вид, кои некогаш ги имаа, а денес помалку ги практикуваат народите кои живеат на овие простори“.

Меѓу поддржувачите на турата е и СН Осигурителен брокер АД Битола.

– Да се посветиме на здрав живот, на спорт, на толеранција, да ги почитуваме различностите како дополнителна вредност што не прави побогати, да покажеме дека границите може да ограничат еден простор или држава, но не можат да не делат и да не спречат да се почитуваме, вели Стојков според кој, „вело турата треба да прерасне во голема натпреварувачка трка на овие простори, пандан на француската (Тур де Франс), италијанската (Џиро д’Италиа) и шпанската (Вуелта а Еспања).
Велосипедистите на финишот беа пречекани со торта со фотографија од големиот вело предизвик во кој уживаа изминатите денови.
ВЕРА ТУР е повеќе од настан, ВЕРА ТУР е движење, порача Стојков.

Спорт

Нова победа на македонската репрезентација до 18 години на силниот меѓународен турнир „Анталија Куп 2024″

Објавено пред

на

ФФМ

Младата репрезентација на Македонија до 18 години одигра нов добар натпревар и ја забележа втората победа во рамките на силниот меѓународен турнир „Анталија Куп 2024″.

Избраниците на селекторот Вујадин Станојковиќ, по победата над Естонија зеблежаа нов убедлив триумф со 3:0 над ФК Анталиаспор.

Нашите млади фудбалери одиграа феноменално прво полувреме надигрувајќи го противникот во секој сегмент од играта. Во првите 30. минута успеавме да постигнеме три погодоци и многу рано да го решиме прашањето на победникот на оваа средба.

На самиот старт на средбата, Силјановски постигнува гол за водство на Македонија. Три минути подоцна Гаштаров ја зголемува нашата предност. Матески во 30. минута се запишува во листата на стрелците и ги поставува конечните 3:0.

МАКЕДОНИЈА: Амар Хаџибулиќ, Андреј Љубевски, Габриел Крстевски, Нуман Ајетовиќ, Милот Синани, Адриан Незир, Давид Ристовски, Никола Манојлов, Давид Матески, Матеј Гаштаров,  Андреј Силјаноски;

Селектор: Вујадин Станојковиќ.

Во претходното коло, Македонија забележа убедлива победа над Естонија со 3:0.

Во воведното коло од силниот меѓународен турнир во турска Анталија, нашите млади фудбалери незаслужено беа поразени од Молдавија со минимални 1:0.

Прочитај повеќе...

Спорт

Репрезентацијата на Македонија во фудбал до 19 и 21 година одиграа мечеви против Летонија односно против Шведска

Објавено пред

на

©ФФМ

Младата репрезентација на Македонија до 19 години одигра нерешено 1:1 против соодветната селекција на Летонија во рамките на третото коло од мини квалификацискиот турнир (Елитна фаза) за пласман на Европско првенство.

Избраниците на селекторот Тони Јакимовски беа подобар противник од самиот старт на овој натпревар, но на крајот не успеаа да ја остварат првата победа во овој квалификациски циклус што се одржа во Скопје.

Ѓоргиевски и Зенделовски ги имаа првите прилика за Македонија на оваа средба, но без реализација. Величковски ја имаше најсериозната можност во првото полувреме.
На почетокот на второто полувреме, Летонија погодува за предност од 1:0. Межсаргс беше стрелец на погодокот за противникот.

Димитар Данев во 76. минута погоди за израмнување на резултатот и поставување на конечните 1:1. За Македонија настапија:

Македонија: Џеков, Аризанкоски, Стојилевски, Џеков, Велков, Нухија, Зенделовски, Ѓоргиевски, Цаноски, Величковски, Назифи;

Селектор: Тони Јакимовски

Додека пак репрезентацијата на Македонија до 21 година загуби со 2:0 од Шведска во натпревар од квалификациите за пласман на Европско првенство кое ќе се одржи во Словачка 2025 година.

Избраниците на селекторот Драги Канатларовски речиси цело второ полувреме играа со играч помалку. Десниот бек Михаил Димитриевски во 47. минута заработи директен црвен картон откако невнимателно и остро стартуваше врз противнички играч.

Противникот успеа да го скрши нашиот отпор и во 67. минута го постигна првиот погодок. Розенгард со доза на среќа успеа да ја затресе нашата мрежа. Вихелмсон во последните моменти од средбата ги постави конечните 2:0.

Македонија и со играч помалку одигра добар натпревар, особено во дефанзивниот дел, но не можеше ништо повеќе со играч помалку.  Марио Илиевски и Хамза Рамани ги имаа двете најдобри можности на оваа средба за постигнување на погодок.

Швеѓаните со оваа победа се вратија во трката за пласман на Европското првенство. Македонија во досегашниот тек од квалификациите има забележано две победи и четири порази.

Македонија – Шведска 0:2 (0:1)

МАКЕДОНИЈА: Марко Алчевски, Михаил Димитриевски, Андреј Стојчевски, Решат Рамадани, Стефан Деспотовски, Иван Николов, Марио Илиевски, Лука Станковски, Имран Фетси, Алекс Златков, Хамза Рамани;

Резерви: Стефан Митрев, Берат Калкан, Џемиљ Јахји, Матеј Ангелов, Ардијан Цилафи, Луан Абази, Ване Крстевски, Шабавн Зенку, Еркан Семовски;

Селектор: Тони Јакимовски

Извор: ФФМ

Прочитај повеќе...

Спорт

Македонската А селекција загуби од Црна Гора на контролниот меч во Анталија

Објавено пред

на

©ФФМ

Македонската А репрезентација загуви со 1:0  од Црна Гора на контролниот натпревар. Првото полувреме на стадионот „Мардан“ во Анталија мина во наша доминација, но за жал во завршницата на полувремето попушти концентрацијата.

Првата закана по црногорскиот гол ја упати Миовски во 6. минута. Продолжи добрата игра на нашиот тим. Од околу дваесеттина метри се обиде Елмас, изнудувајќи интервенција на црногорскиот голман. Елмас до полувремето имаше уште два обида. Црногорците упатија еден удар од далечина преку Чамај.

Енис Барди имаше опасен обид од слободен удар, меѓутоа биеше крај голот на Црна Гора. Пред паузата, Црна Гора имаше два корнери и ги опомена нашите фудбалери, меѓутоа ударите завршија во блокот и над пречката. Црногорците не казнија за неефикасноста во финишот на полувремето. Водечки погодок постигна Стеван Јоветиќ кој во 45. минута со глава по корнер го матира Димитриевски.

Многу замени беа направени во вториот дел. Трајковски влезе на местото од Елмас. Нашата деветка веднаш се најде во позиција да го загрози противничкиот гол, но тоа го направи непрецизно.

Шанса во второто полувреме добија Ристовски, Димоски, Митровски, Серафимов и Ќамили, но немавме посериозна прилика да го израмниме резултатот.

Прочитај повеќе...

Facebook

Последни објави

Хороскоп2 часа

Хороскоп за четврток (28 март)

ОВЕН Некој ве иритира со своето однесување и ја нарушува вашата концентрација. Бидете сталожени, не ви е потребен дополнителен проблем....

Кичево3 часа

„Преку глава ми е од корупцијата“: Караванот доаѓа во Кичево, овој петок на градскиот плоштад граѓаните ќе се сретнат со различни активности во борба против корупцијата

Граѓаните против корупцијата во рамките на програмата овој петок на 29-ти март во Кичево потточно пред Музеј на „НОБ Запад“...

Lifestyle13 часа

Дали знаете што значи WC?

Дали некогаш сте застанале да размислите за значењето на буквите „WC“ на знакот за јавен тоалет? Иако е вообичаена глетка...

Кичево13 часа

ССНМ во Кичево организира работен состанок со новинари од локални медиуми

Самостојниот синдикат на новинари и медиумски работници организира работен состанок во Кичево кој ќе се одржи на 3-ти април (среда)...

Автомобили13 часа

Гигантот оди во заслужена „пензија“: Audi R8 повеќе нема да се произведува

Во ноември минатата година Audi го прекина производството на моделот ТТ по 26 години и произведени над 660.000 примероци, а...

Магазин13 часа

Драмата продолжува: TikTok под истрага, му се заканува тужба

Американската Федерална трговска комисија (FED) го истражува TikTok за наводно кршење на приватноста и безбедноста на податоците на корисниците. Доколку...

Магазин13 часа

iPhone конечно добива функција која Android ја има веќе 15 години

Иако иконите сè уште ќе бидат ограничени на мрежниот распоред, веќе нема да има автоматско пополнување празни места Во технолошките...

Магазин13 часа

Apple сè уште е резервиран кон Кина

Неодамнешната посета на Тим Кук на Кина покажа дека Apple не се иселува од Кина. Кина и Хуавеи се на...

Магазин13 часа

iOS 18 станува официјален на 10 јуни – закажаната конференција на Apple WWDC

Apple официјално ја објави својата годишна програмерска конференција WWDC за периодот од 10-14. јуни кога меѓу другото ќе го претстават...

Магазин13 часа

HBO Max наскоро го менува името во Европа

Warner Bros. Discovery (WBD) одлучи да го промени името на својата услуга за стриминг HBO Max во Европа. Оваа услуга...

НАЈЧИТАНИ