Следете не

Магазин

(ФОТО) Шпаркасе Банка организираше завршна хуманитарна аукција на сликарски дела, овие 10 имиња се одбраните талентирани финалисти на конкурсот

Објавено пред

на

Поддршката на сликарството и мотивирање на младите сликари во државата да продолжат да творат, продолжува да е еден од главните столбови на корпоративната стратегија на Шпаркасе Банка АД Скопје.

Во склоп на „Шп-Арт-Клубот“ на Шпаркасе Банка, 10 одбрани талентирани финалисти на Конкурсот за млади сликари 2023, со поддршка од банката создаваа оригинална уметност во природните убавини во Општина Вевчани, за време на 12. Меѓународна ликовна колонија „Вевчански видувања“ во 2023 година.

Откриената Шп-Арт-Уметност, годинава ја доби својата завршница во форма на хуманитарна аукција на уметнички дела на овие 10 млади сликари, којашто на 29.02.2024 година во Скопје се реализираше во присуство на влијателни личности од општеството и соработници на банката.

Аукцијата, во организација на Шпаркасе Банка АД Скопје, беше реализирана под капата на платформата за оддржливост на банката, препознатлива како „Sparkasse Life“. Овозможувањето на младите сликари во државата да креираат без никакви бариери е појдовната точка и причина за реализација на овој настан, а воедно и на конкурсот преку којшто беа и одбрани 10те финалисти за да творат за време на минатогодишното издание на колонијата, којашто банката постојано ја поддржува низ годините.

Надавањето на сликарските оригинални дела, привлече голем интерес од страна на присутните на аукцијата. На настанот беа собрани вкупно 421.582,00 денари, а износот целосно ќе биде дониран во хумантирани цели на ДСУЛУД „Лазар Личеноски“ – Скопје, за набавка на професионална опрема, од страна на Шпаркасе Банка АД Скопје.

– „Младите се срцето на идниот развој во една држава, а главната премиса на Шпаркасе Банка е токму тоа, – „Верувај во иднината“. Согласно корпоративната платформа за одржливи цели на банката, ние сме и повеќе од инспирирани од оригиналноста и креативноста на младите сликари, кои нѐ потсетуваат за важноста за укажување на поддршка, бидејќи токму тоа е она, кое им е потребно со цел да креираат без ограничувања. За Шпаркасе Банка тој вид на поддршка е можеби една од најомилените инвестиции, што банката може да ги направи. Сепак, инвестирањето во младите го отвора патот кон иднината. Навистина сум воодушевен од разновидноста на тематиката на сликарските дела. А воедно и од собраните финансиски и донирани средства од аукцијата, коишто целосно ќе бидат донирани за младите таленти од Државното средно училиште за ликовна уметност и дизајн „Лазар Личеноски“ од Скопје да можат продолжат да творат слободно без никакви бариери,“ изјави Санел Кустурица, Претседател на Управниот Одбор на Шпаркасе Банка АД Скопје.

Елена Попоска, Никола Станковски, Андреј Антевски, Арта Лимани, Тамара Трајковска, Благица Трајкоска, Елена Петковска, Евгенија Кузманоска, Никола Тренов и Ристе Мицевски се 10те млади сликари, кои со своите дела влеваат голема надеж за иднината на македонското сликарство и оставање на оригинален печат во историјата на истата.

На самата аукција беа одбрани и најдобри тројца односно четворица сликари од 10те, со здобиена највисока вредност на аукцијата, согласно кое им беше доделена дополнителна поддршка од Шпаркасе Банка АД Скопје, во форма на откуп на по три други нивни дела, во вредност од 1.200 евра за првиот (Никола Тренов), 1.000 евра за вториот (Елена Попоска), а по 800 евра им беа доделени на двајца од сликарите, кои со ист износ го делат третото место (Благица Трајкоска и Тамара Трајковска).

А преостанатите шест сликари, кои не се рангираа со највисоки износи на своите дела за време на аукцијата, Шпаркасе Банка ги изненади и тоа со поддршка во износ од по 400 евра, во форма на откуп на по едно нивно дело.

Шпаркасе Банка АД Скопје, преку платформата „Sparkasse Life“ поддржува разни проекти во општеството во повеќе области, како музиката, уметноста, спортот, заштитата на животната средина, културата, младите, промовирање на здрав живот и здрави навики, образованието, здравството, хуманитарни активности и поддршка на ранливи групи, а секако и инвестирање во своите вработени.

/ПР

Во прилог повеќе фотографии:

Lifestyle

Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher

Објавено пред

на

ФОТО: Dean Mickoski @ Official

Нашиот кичевчанец, добро познатиот Деан Мицкоски гостува во сабота во „Република Клуб“ заедно со „Fecky Farris“ & „Punisher“. Нашиот промотор по светот Dean Mickoski, има настапувано заедно со познатите „Hugel, John Summit, MoBlack, Roger Sanchez, Chus, Harry Romero“ и многу други.

Официјална соработка во неговото портофлио ќе најдете и со 10 а можеби и повеќе артисти од топ 100 рангирани во светски рамки, како што се: „Nicole Moudaber, Roger Sanchez, Chus, Frencis Mercier, Emanuel Jal, Eran Hersh, Lee Cabrera, MistaJam, Roland Clark, Idd Aziz, Tom & Collins“ и многу други, додека како гостин често настапувал на светски реномираните фестивали по светот, како што се „Miam Music Conference“, редовно е на сцената во светската метропола New York и Мексико.

Неговите изданија можат да се погледнат на светско познатите музички продуценски куќи, како што се „Armada“ на „Armin Van Buren, Mo Black, Stealth, Redolent, Glasgow Underground, Toolroоm“ и многу други.

Повелете во Република во сабота / 18.10, 21:00ч, ќе биде одлично!

Спонзор на вечерта „Players.Mk“, специјални цени:

  • Gray Goose 0,7L – 4500 ден
  • Jamison 0,7L – 2600 ден
  • 6 sense London Dry Gin 0,7L – 1500 ден
  • Влез: 200 ден.
Прочитај повеќе...

Магазин

OpenAI овозможува извршување на апликации во рамките на ChatGPT

Објавено пред

на

Фото: Solen Feyissa @ unsplash
Фото: Solen Feyissa @ unsplash

OpenAI претстави нов начин за програмерите да креираат и извршуваат апликации директно во рамките на ChatGPT. Со оваа новина, корисниците ќе можат да пристапат до интерактивни апликации како Booking.com, Expedia, Spotify, Figma, Coursera, Zillow и Canva – без да ја напуштат платформата.

Покрај тоа, OpenAI го претстави и Apps SDK, алатка наменета за програмери, со која тие ќе можат да создаваат сопствени апликации што функционираат во ChatGPT.

Целта на компанијата е да изгради екосистем од апликации околу својот водечки производ за вештачка интелигенција. Ова лансирање доаѓа по претходниот обид на OpenAI да им овозможи на програмерите да креираат интерактивни GPT-апликации преку посебна продавница. За разлика од тој модел, новиот систем овозможува апликациите да бидат директно интегрирани во разговорите, со што корисниците можат да повикуваат алатки од трети страни во реално време.

На овој начин, се создаваат подобри услови за програмерите при дистрибуцијата на нивните апликации, а корисниците добиваат побогато и поинтерактивно искуство во ChatGPT.

Платформата ќе прикажува релевантни апликации кога тие се корисни за барањето на корисникот. На пример, ако некој побара листа за репродукција за забава, ChatGPT може автоматски да ја повика апликацијата Spotify во разговорот. OpenAI најавува дека во иднина ќе бидат достапни и апликации како Uber, AllTrails, Instacart и DoorDash.

Новиот систем е изграден врз основа на Model Context Protocol (MCP), кој им овозможува на програмерите да ги поврзат своите извори на податоци со системот на вештачка интелигенција. Благодарение на тоа, ChatGPT-апликациите ќе можат да обработуваат податоци, да прикажуваат интерактивни интерфејси и дури да репродуцираат видеа во рамките на разговорот, кои ќе се менуваат според потребите на корисникот.

OpenAI најави дека новите функции ќе бидат достапни за корисниците ширум светот во наредниот период.

Извор: techcrunch

Прочитај повеќе...

Технологија

Денес по десет години завршуваат безбедносните надградби за „Windows 10“

Објавено пред

на

ФОТО: Unsplash.com @ Clint Patterson

По една деценија постоење, Windows 10 официјално ја заврши својата ера. Од денес, Microsoft повеќе нема да обезбедува безбедносни надградби, нови функции или техничка поддршка за овој оперативен систем. Иако уредите со Windows 10 и натаму ќе функционираат, секое понатамошно користење ќе претставува сè поголем ризик за безбедноста на податоците и заштитата од кибер напади.

Кога беше објавен во 2015 година, Microsoft најави дека ова ќе биде „последниот Windows“, но времето покажа поинаку. Денес фокусот е целосно насочен кон Windows 11, додека милиони корисници ширум светот остануваат на систем кој повеќе не е сигурен за секојдневна работа на интернет, пренесува „ТheGuardian“

Експертите предупредуваат дека користењето на Windows 10 за онлајн банкарство, работа со чувствителни документи или деловна комуникација веќе не е препорачливо, бидејќи потенцијалните безбедносни пропусти нема да бидат поправани. Што можете да направите?

Надградба на Windows 11
Најлогичен чекор е премин кон Windows 11, но тоа зависи од техничките можности на вашиот компјутер. Новиот систем бара понова генерација процесори и поддршка за TPM 2.0, што значи дека постарите уреди можеби нема да бидат компатибилни. Проверете во системските поставки дали надградбата е достапна и задолжително направете резервна копија на сите важни датотеки пред процесот.

Премин кон Linux
Доколку вашиот компјутер не ги исполнува барањата, добра алтернатива е Linux. Современи верзии како Ubuntu или Linux Mint нудат лесна и стабилна средина, со високо ниво на безбедност и бесплатни надградби. Денешните Linux системи се далеку попријателски за корисниците и овозможуваат извршување на сите вообичаени секојдневни задачи.

Купување нов уред
Ако вашиот компјутер е застарен, можеби е време за промена. Новите лаптопи и десктопи доаѓаат со претинсталиран Windows 11 и нудат подобри перформанси. Доколку сепак сакате да го задржите стариот уред, можете да го користите офлајн — за гледање филмови, пишување текстови или складирање документи, но без интернет конекција.

Без оглед на изборот, не заборавајте да направите безбедносна копија на вашите податоци, било на надворешен диск или во облак. Секое преминување на нов систем носи ризик од губење на информации, па подобро е да бидете подготвени.

Прочитај повеќе...

Facebook

Последни објави

Lifestyle16 часа

Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher

Нашиот кичевчанец, добро познатиот Деан Мицкоски гостува во сабота во „Република Клуб“ заедно со „Fecky Farris“ & „Punisher“. Нашиот промотор...

Фото: Remy Lovesy @ unsplash Фото: Remy Lovesy @ unsplash
Автомобили18 часа

Volvo го прекинува производството на моделот V90 — последниот примерок оди во музеј

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country....

Фото: Solen Feyissa @ unsplash Фото: Solen Feyissa @ unsplash
Магазин18 часа

OpenAI овозможува извршување на апликации во рамките на ChatGPT

OpenAI претстави нов начин за програмерите да креираат и извршуваат апликации директно во рамките на ChatGPT. Со оваа новина, корисниците...

Технологија18 часа

Денес по десет години завршуваат безбедносните надградби за „Windows 10“

По една деценија постоење, Windows 10 официјално ја заврши својата ера. Од денес, Microsoft повеќе нема да обезбедува безбедносни надградби,...

Хроника20 часа

ТАЖНА ВЕСТ: Панчо ја загуби животната битка како последица од пожарот во Кочани, почивај во мир наш „Шорти“

По долгата и тешка борба со последиците од повредите здобиени во трагедијата во Кочани, почина Владимир Блажев – Панчо. Тој...

Здравје и убавина20 часа

Неколку совети за слабеење и покрај слабо поседување на време и внимание за себе

Ако постојано сте во движење, зафатени со работа и секогаш во брзање, веројатно тешко наоѓате време да се посветите на...

Хороскоп1 ден

Хороскоп за вторник (14 октомври)

ОВЕН Само кога ќе помислите дека сте сфатиле сè, ќе откриете како се појави нешто ново. Слободно обрнете внимание на...

Спорт1 ден

Македонија одигра „реми“ со Казахстан на „Тодор Проески“, Барди нè спаси од сигурен пораз

Избраниците на Благоја Милевски сега ќе имаат клучен дуел со следната селекција, кој ќе реши кој тим ќе го заземе...

Спорт1 ден

(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!

Енис Барди го „матираше“ противничкиот голман на Казахстан. Од слободен удар максимално прецизен и силен донесе израмнување на мечот 1:1...

Временска прогноза1 ден

Пред нас динамична Есен, снегот може да подрани оваа година

Ни започнува есента, според она што можам да го кажам за пртстојната есен 2025, според Европскиот модел за Среднорочна прогноза...

НАЈЧИТАНИ