Следете не

Автомобили

Гигантот оди во заслужена „пензија“: Audi R8 повеќе нема да се произведува

Објавено пред

на

Во ноември минатата година Audi го прекина производството на моделот ТТ по 26 години и произведени над 660.000 примероци, а деновиве Audi го прекина производството на уште едно спортско купе – R8!

Да потсетиме дека првата генерација беше претставена во Париз на 30 септември 2006 година, додека втората генерација беше претставена во Женева во 2015 година.

Овој спортски модел во втората генерација не се продаваше повеќе од 4.000 примероци годишно, со 1.679 продадени примероци во 2021 година, а само 1.097 примероци во 2022 година.

Интересно е да се види дека во САД во текот на 2023 година овој модел доживеа раст на продажбата од дури 101 отсто, но продадени се само 631 примерок.

Најновиот пример е R8 Performance Quattro Edition Vegas Yellow во комбинација со 20-инчни алуминиумски тркала во бронзена боја. Секако, веќе подолго време се шпекулира за можен наследник, а доколку го има тој ќе има електричен погон.

/R.S

Автомобили

Volvo го прекинува производството на моделот V90 — последниот примерок оди во музеј

Објавено пред

на

Фото: Remy Lovesy @ unsplash
Фото: Remy Lovesy @ unsplash

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country. Со тоа, уште еден од најелегантните каравани на пазарот заминува во историјата.

Класата на каравани веќе подолго време полека исчезнува, заменета со SUV модели кои доминираат во продажбата. Според порталот Carscoops, шведскиот производител Volvo Cars го стави крајот на производството на V90 и неговата надградена верзија V90 Cross Country по речиси една деценија на пазарот. Иако оваа одлука беше најавувана веќе неколку години, за многу љубители на класичните каравани ова е тажен момент.

Volvo го лансираше V90 во 2016 година, а дизајнот доби суптилно освежување во 2020 година. И денес, моделот изгледа модерно и префинето, со типичен скандинавски стил. Во текот на својот животен циклус, V90 понуди богата палета на мотори — од 2.0-литарски турбодизел со 148 коњски сили, до турбополнет и компресорски бензинец со 316 КС, па сè до plug-in хибрид со импресивни 455 КС.

Вкупно беа произведени околу 250.000 примероци, а последниот V90 нема да биде ставен во продажба. Наместо тоа, Volvo го додаде во својата колекција Heritage, каде ќе биде изложен во музејот „Светот на Volvo“ (World of Volvo) во Гетеборг. Таму ќе стои рамо до рамо со легендарни модели како Volvo 145, Volvo 960 и Amazon P220.

Судбината на V90 беше неизвесна веќе подолго време. Кон средината на 2023 година, Volvo објави дека ќе ја прекине продажбата на моделите V90, S90, S60 и V60 на британскиот пазар, во рамките на транзицијата кон SUV возила. Сепак, помалку од една година подоцна, поради зголемената побарувачка, компанијата повторно ги врати V60 и V90 во продажба во Велика Британија.

Со престанокот на производството на V90, моделот V60 останува единствениот караван во понудата на Volvo. Но, бидејќи сегашната генерација е на пазарот од 2018 година, не е сигурно колку долго ќе опстои. Се шпекулира дека Volvo би можел целосно да се збогува со караваните по моделската 2026 година, завршувајќи една славна ера што го направи брендот светски препознатлив.

Извор: BUG

Прочитај повеќе...

Автомобили

(ФОТО) Кичево и Бојоски денеска со високо трето место на „авто слалом“ во Прилеп по повод 11-ти Октомври

Објавено пред

на

©porta.mk

Нашиот кичевчанец Кристијан Бојоски го освои високото трето место во класа над 1600 cм³, и четврто место во друга класа на „Авто слалом“ трката денес по повод 11-ти Октомври традиционално во Прилеп – во организација на Авто мото клуб „Автомото Класика“ – Прилеп

Кристијан Бојоски (трето место)

Кристијан Бојоски (трето место)

Повеќе фотографии од овој настан може да download-ирате во продолжение ТУКА, во следните чекори „View content“ > Download (icon). Во оваа прилика им благодариме за официјалната покана до Порта.мк на „Автомото Класика“, се гледаме до година.

И на крај пред претставување на галеријата, оваа прилика ја користиме да го поздравиме со топло добредојде во тимот „Авто шлеп“ – Лони Кичево кој од денес на сите интернационални и домашни натпреварувања ќе го вози модифицираното возило на Кристијан Бојоски!

Мал дел фотографии:

Прочитај повеќе...

Автомобили

Заборавете на замаглувањето на прозорците: Како да се ослободите од влагата во автомобилот

Објавено пред

на

Фото: Yivan @ unsplash
Фото: Yivan @ unsplash

Во текот на есента и зимата, влагата во автомобилот станува чест и непријатен проблем. Замаглените прозорци ја намалуваат видливоста, го отежнуваат возењето и го зголемуваат ризикот од несреќи. Наместо секојпат да го бришете стаклото со крпа или да користите привремени решенија, многу е поефикасно да спречите појава на кондензација уште од корен.

Во продолжение следуваат неколку практични совети за тоа како да се справите со влагата во вашиот автомобил и да обезбедите јасна видливост во текот на студените месеци.

Чистота наспроти влага

За почеток, заменете го филтерот за кабината. Со оглед на квалитетот на воздухот во нашите градови, филтерот треба редовно да се менува. Нечистотијата што влегува низ системот за вентилација ја намалува неговата ефикасност и со време не може да ја апсорбира влагата што ја носи есента.

Во најголем дел од случаите, наједноставното и најефикасно решение е замената. Нов филтер не е скап — во зависност од моделот на возилото, цените се движат околу 1.000 денари, додека поефикасните јаглеродни филтри се приближно двојно поскапи, пишува Polovniautomobili.com.

Следниот чекор е детално чистење на автомобилот. Листовите, калта и другите нечистотии во внатрешноста собираат влага која подоцна ја замаглува шофершајбната. Исчистете ја и усисајте ја кабината, а прозорците избришете ги со сува микрофибер крпа.

Проверете ги и одводните канали долж покривот, особено кај шофершајбната. Отворете ја хаубата и исчистете ги сите одводи — таму често се собираат лисја и кал, кои можат да предизвикаат навлегување на вода во ентериерот. Освен што ја зголемува влагата, ова може долгорочно да ги оштети електричните инсталации.

Внимавајте што оставате во автомобилот

Иако изгледа очигледно, не оставајте влажни крпи, облека или обувки во автомобилот. Влагата од нив останува заробена во затворен простор и при ниски температури кондензира или замрзнува на стаклата.

Ако користите платнени подни простирки, заменете ги со гумени за зимскиот период. Платнените лесно ја впиваат влагата од обувките, па под нив можете да ставите и стар весник што ќе ја впива водата — само менувајте го редовно.

Како да ја отстраните влагата од автомобилот

Ако влагата веќе е присутна во ентериерот, не грижете се – решението постои. Најефикасниот начин е возење на подолга релација со вклучен клима-уред. Климатизацијата ќе ја извлече влагата од воздухот, а топлината ќе помогне таа да испари. По едно вакво возење, ентериерот ќе биде значително посув.

Доколку не сакате да возите, можете да користите перници против влага што ги нудат производителите на авто-додатоци. Тие апсорбираат дел од влагата, иако нивната ефикасност варира.

Постои и домашно решение – земете стар зимски чорап, наполнете го со посипка за мачки (silica gel) и оставете го во автомобилот преку зимата. Посипката ќе ја собира влагата сè додека не се натопи; потоа заменете ја со нова. Ако влагата е поголема, поставете уште еден чорап.

Искуство плус: користете го сонцето

И зимското сонце може да ви помогне. Ако автомобилот е паркиран на сончево место, ентериерот природно ќе се загрее. Доволно е малку да ги отворите прозорците, за влагата постепено да излезе надвор.

Секако, правете го ова само ако автомобилот се наоѓа на безбедно место, каде нема ризик од кражба.

Со редовна грижа, чист автомобил и малку внимание, влагата повеќе нема да ви го уништува утрото. Видливоста ќе биде подобра, а возењето побезбедно и попријатно.

Извор: Danas

Прочитај повеќе...

Facebook

Последни објави

Lifestyle6 часа

Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher

Нашиот кичевчанец, добро познатиот Деан Мицкоски гостува во сабота во „Република Клуб“ заедно со „Fecky Farris“ & „Punisher“. Нашиот промотор...

Фото: Remy Lovesy @ unsplash Фото: Remy Lovesy @ unsplash
Автомобили7 часа

Volvo го прекинува производството на моделот V90 — последниот примерок оди во музеј

По девет години и речиси 250.000 произведени примероци, Volvo официјално го прекина производството на моделите V90 и V90 Cross Country....

Фото: Solen Feyissa @ unsplash Фото: Solen Feyissa @ unsplash
Магазин7 часа

OpenAI овозможува извршување на апликации во рамките на ChatGPT

OpenAI претстави нов начин за програмерите да креираат и извршуваат апликации директно во рамките на ChatGPT. Со оваа новина, корисниците...

Технологија8 часа

Денес по десет години завршуваат безбедносните надградби за „Windows 10“

По една деценија постоење, Windows 10 официјално ја заврши својата ера. Од денес, Microsoft повеќе нема да обезбедува безбедносни надградби,...

Хроника9 часа

ТАЖНА ВЕСТ: Панчо ја загуби животната битка како последица од пожарот во Кочани, почивај во мир наш „Шорти“

По долгата и тешка борба со последиците од повредите здобиени во трагедијата во Кочани, почина Владимир Блажев – Панчо. Тој...

Здравје и убавина10 часа

Неколку совети за слабеење и покрај слабо поседување на време и внимание за себе

Ако постојано сте во движење, зафатени со работа и секогаш во брзање, веројатно тешко наоѓате време да се посветите на...

Хороскоп22 часа

Хороскоп за вторник (14 октомври)

ОВЕН Само кога ќе помислите дека сте сфатиле сè, ќе откриете како се појави нешто ново. Слободно обрнете внимание на...

Спорт22 часа

Македонија одигра „реми“ со Казахстан на „Тодор Проески“, Барди нè спаси од сигурен пораз

Избраниците на Благоја Милевски сега ќе имаат клучен дуел со следната селекција, кој ќе реши кој тим ќе го заземе...

Спорт22 часа

(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!

Енис Барди го „матираше“ противничкиот голман на Казахстан. Од слободен удар максимално прецизен и силен донесе израмнување на мечот 1:1...

Временска прогноза23 часа

Пред нас динамична Есен, снегот може да подрани оваа година

Ни започнува есента, според она што можам да го кажам за пртстојната есен 2025, според Европскиот модел за Среднорочна прогноза...

НАЈЧИТАНИ