Спорт
Ѓоковиќ играше повреден, за медиумите изјави дека се надева на поголема подготвеност во Торино

Најдобриот српски тенисер Новак Ѓоковиќ призна дека веќе неколку дена има проблеми со повреда на зглобот на десната рака, пренесуваат британските медиуми.
Ѓоковиќ настапуваше за „Тим Европа“ на Лејвер купот во Лондон. Тој во саботата одигра два меча, еден во сингл и еден во двојки, а претходно денеска беше поразен од Феликс Огер-Алијас со 6:3, 7:6.
– „Се борев со болките на десниот зглоб во последните четири/пет дена, но го држев под контрола. Денеска не беше лесно, бидејќи не можев да сервирам брзо и прецизно како што сакав. Не играв за три месеци не го користев многу зглобот. Можеби затоа ме болеше малку, но делумно е и поради двата меча што ги одиграв вчера. Се надевам дека ќе се поправи до мојот прв натпревар во Израел. Не е истиот зглоб со кој имав проблем пред неколку години, за време на Олимпијадата во Рио де Жанеиро“, изјави Ѓоковиќ.
Тој од Лондон ќе отпатува за Израел каде следната недела ќе игра на АТП турнирот во Тел Авив.
– „Мојата цел е да се пласирам на завршниот турнир во Торино. Сега сум 15-16-ти на листата за оваа година, а треба да бидам на 20-та за да се квалификувам на завршниот турнир како грен слем шампион. По тел Авив, ќе играм во Астана, а потоа и на Мастерсот во Париз и се надевам во Торино“, изјави Ѓоковиќ.
Спорт
Алонсо со својот „CFMoto“ стана првиот возач победник од својата земја во „Мото2“, откако триумфираше за големата награда на „Michelin“ во Унгарија

Колумбиецот Давид Алонсо (CFMOTO Inde Aspar Team) стана првиот возач од својата земја што победил во Moto2, откако триумфираше на Големата награда на Michelin во Унгарија. Со извонреден финиш, тој ги надмина главните конкуренти за титулата, Диого Мореира (Italtrans Racing Team) и Мануел Гонзалез (LIQUI MOLY Dynavolt Intact GP), во трилер-завршница на Балатон Парк.
Алонсо влезе во завршните кругови со најсилно темпо, минувајќи го Гонзалез во претпоследниот круг, а потоа со маестрална одбрана ја задржа предноста до целта. Мореира заврши втор и со тоа за првпат во историјата Moto2 забележа јужноамериканско 1-2, додека Гонзалез мораше да се задоволи со третото место.
Зад нив, Џејк Диксон финишираше четврти, а Холанѓанецот Колин Вејер со петтото место го постигна својот најдобар резултат досега. Голем удар претрпе Арон Канет, кој заврши шести и изгуби важни поени во шампионската битка.
Историскиот триумф на Алонсо го најавува пристигнувањето на нова генерација во Moto2, бидејќи пет дебитанти завршија меѓу првите десет во Унгарија.
Спорт
Анчелоти на квалификациските дуели за СП против Чиле и Боливија без ѕвездите Нејмар и Винисиус Жуниор

Селекторот на Бразил, Карло Анчелоти, го објави финалниот список на „Кариоките“ за септемвриските квалификациски дуели за Светското првенство – против Чиле и Боливија. Она што веднаш привлече внимание е изненадувачкото отсуство на две големи ѕвезди – Нејмар и Винисиус Жуниор.
Фудбалерот кој на почетокот на годината се врати во Сантос и натаму се мачи со повреди. Веќе скоро две сезони неговата форма е далеку од стабилна, а минатата недела имал нов проблем со бутниот мускул.
– „Нејмар имаше мала непријатност. Најважно е да ја врати натпреварувачката кондиција. Нема потреба да го тестираме – сите добро знаат кој е Нејмар“, објасни Анчелоти.
За разлика од Нејмар, изоставувањето на Винисиус не е поради повреда. Овој пат комбинација од дисциплинска казна и исцрпувачко патување до Ла Паз го натераа селекторот да му даде одмор.
CONVOCADOS! ✅
O mister Carlo Ancelotti divulgou a lista dos jogadores convocados para os jogos nos dias 4 e 9 de setembro contra Chile, no Maracanã, e Bolívia, em El Alto.
ISSO É BRASIL! 🇧🇷 pic.twitter.com/2CC0oDTypL
— brasil (@CBF_Futebol) August 25, 2025
Позитивна вест за Бразил е враќањето на Лукас Пакета, кој во јули беше целосно ослободен од сомнежите за вмешаност во наместени натпревари. Играчот на Вест Хем последен пат настапи за репрезентацијата во ноември 2024. Повторно место во тимот доби и Жоао Педро од Челзи, кој со одличните игри си обезбеди враќање.
Составот на Бразил за квалификациите:
Голмани:
Алисон (Ливерпул), Бенто (Ал-Наср), Уго Соуза (Коринтијанс)
Одбрана:
Александро (Лил), Алекс Сандро (Фламенго), Каио Хенрике (Монако), Даглас Сантос (Зенит), Фабрицио Бруно (Крузеиро), Габриел Магалхаес (Арсенал), Маркињос (ПСЖ), Вандерсон (Монако), Весли (Рома)
Среден ред:
Андре Сантос (Челзи), Бруно Гимараеш (Њукасл), Касемиро (Манчестер Јунајтед), Џоелинтон (Њукасл), Лукас Пакета (Вест Хем)
Напад:
Естевао (Челзи), Габриел Мартинели (Арсенал), Жоао Педро (Челзи), Каио Хорхе (Крузеиро), Луис Енрике (Зенит), Матеус Куња (Манчестер Јунајтед), Рафиња (Барселона), Ричарлисон (Тотенхем)
Спорт
Започна онлајн продажбата на билети за натпреварот Белгија – Македонија во Гент, да дадеме поддршка за Македонија на овој значаен меч!

Фудбалската федерација на Македонија (ФФМ) ги извести љубителите на фудбалот дека започна продажбата на билети за квалификацискиот меч за Светското првенство 2026, кој ќе се одигра на 10 октомври во Гент, Белгија, помеѓу репрезентациите на Македонија и Белгија.
За македонските фанови, во согласност со правилата на УЕФА, се обезбедени околу 900 места во делот од стадионот предвиден за гостински навивачи.
Цените, определени од Фудбалската федерација на Белгија, изнесуваат 25 евра за возрасни, а билет за деца до 12 години чини 21 евро.
Продажбата се реализира преку официјалната онлајн платформа на ФФМ – ТУКА. По завршената трансакција, купувачите најпрво добиваат ваучер како потврда, а врз основа на него подоцна се издава официјалниот билет, кој се испраќа на адресата наведена при купувањето.
Доставата на билетите е електронска (преку е-mail) и се реализира најдоцна во рок од две недели.
ФФМ ги охрабрува сите навивачи да обезбедат билет и со својата поддршка да ѝ дадат дополнителен мотив на македонската репрезентација во овој значаен натпревар.
Извор: ФФМ
-
Кичево2 дена
(ФОТО) Денес официјално промовиран првиот „Млекомат“ во Кичево, каде присуствуваше министерот за земјоделство, шумарство и водостопанство Цветан Трипуновски и Лазар Неданоски од МРФП
-
Хороскоп1 ден
Хороскоп за вторник (26 август)
-
Временска прогноза12 часа
Вечерашните температури се спуштија и до 10 степени, во следните часови се очекува понатамошно нивно опаѓање
-
Хороскоп12 часа
Хороскоп за среда (27 август)
-
Македонија2 дена
Се вози брзо: Во изминатото деноноќие лишени од слобода пет возачи за „безобѕирно управување со моторно возило“
-
Автомобили2 дена
РКЕ: Од полноќ поскапуваат горивата, ова е новата цена за литар источено гориво на малопродажните објекти
-
Магазин1 ден
Вечерва на градскиот плоштад во Охрид, посетителите ќе уживаат во македонска музика преку музичкиот караван на проектот „Македонијо во срце те носиме“
-
Македонија2 дена
МВР со детали за инцидентот на игралиштето „Бело брдо“ во Штип, каде се одигра првенствен фудбалски натпревар