Денеска со скромна свеченост се одбележа патрониот празник на кичевската гимназија – ОСУ „Мирко Милески“. Настанот започна со говор на директорот г-дин Бранислав Стојаноски, кој ја истакна важноста на традицијата, посветеноста и заедништвото во образованието.

Свечената програма беше збогатена со настапи од:

Рецитали на нашите ученици
Училишниот хор
Училишниот бенд – под раководство на Проф. Горан Делевски.
Ликовна изложба – под раководство на Проф. Мирослав Крстески’

Со посебна почит беа одбележани и заслужните пензионери – поранешни вработени кои со својот труд и посветеност оставиле траен белег во развојот на училиштето. Ним им беше оддадена благодарност и признание за долгогодишниот придонес.

Со гордост ја продолжуваме традицијата и ги негуваме вредностите што ги оставиле генерациите пред нас!

Почитувани хумани луѓе. Утре (четврток, 2-ри октомври) од 09:00 до 13:00 часот во просториите на Медицински центар – Кичево во соработка со РЦУК Кичево, се организира крводарителна акција. Ние како најголеми поддржувачи на хуманите акции секако дека ќе бидеме дел, така што Ве повикуваме и Вие да бидете дел и да земете свое учество на овој голем хуман настан, заеднички да ја изразиме нашата хуманост преку дарување на крв, незаменлив секојдневно потребен лек кој спасува многу животи.

„Даруваме денес, затоа што еден ден можеби и нам ќе ни треба!“

Придружи се и ти, те очекуваме!

ОВР Кичево поднесе кривична пријава против Н.К.(60) од велешкото село Бузалково поради постоење основи на сомнение за сторено кривично дело „употреба на исправа со невистинита содржина“.

На магистралниот пат Охрид-Кичево, во близина на Кичево, полициски службеници го затекнале пријавениот при транспорт на огревни дрва со неговото товарно возило „ман“ со велешки регистарски ознаки, при што е констатирано дека употребил испратница со невистината содржина, издадена од правно лице, а потпишана од одговорно лице, кое повеќе не било во работен однос во правниот субјект, истакна Министерството за внатрешни работи.