Претседателот на ФФМ, г-дин Масар Омерагиќ во интервју за ТРТ Балкан говори за неговата визија како да се подобрат состојбите и квалитетот на натпреварите во македонскиот фудбал, за очекувањата од фудбалската репрезентација, но и за можноста за Регионална фудбалска лига во која би играле клубови од регионот.

– „Публиката ќе се врати на терените кога ќе имаме конкурентни тимови, имплементацијата на ВАР системот, луѓе, компании и фирми кои сакаат да инвестираат во фудбалот ќе добијат сигурност на она што го вложиле, тоа ќе има вредност и ќе знаат дека нема да бидат оштетени од субјективни причини“ – истакна во ексклузивното интервју г-дин Омерагиќ.

Во продолжение проследете го одличното интервју во целост на колегите од ТРТ Балкан:

Футсал репрезентацијата на Македонија до 19 години забележа значајна победа над Гибралтар со 3:1 во рамките на првиот натпревар од претквалификацискиот турнир за пласман во главната рунда на квалификации за ЕП во Молдавија 2025.

Избраниците на селекторот Лекиќ одиграа добар натпревар, ја оправдаа фаворитската улога и остварија сосема заслужена победа над Гибралтар. Давид Тоневски го отвори резултатот на средбата. Марио Јанев зголеми на 2:0. Противникот успеа да ја намали предноста на 2:1, но Марио Јанев со својот втор погодок ја врати предноста од два гола и ги постави конечните 3:1.

Во последното коло од турнирот, Македонија ќе игра со домаќинот Естонија, за јавноста известија од Фудбалската федерација на Македонија

Предмалку Претседателот на Фудбалската федерација на Македонија, Масар Омерагиќ преку својата социјална мрежа обзнани фотографија со Горан Пандев, спортскиот директор на Национални репрезентации, и лидерот, легенда, дијамантот Елиф Елмас, нашата репрезентативна ѕвезда, на разговор, да споделат и да ја планираат иднината.

Доаѓаат големи работи. 🙌

Напред момци, фудбалот пред сè! 🇲🇰