Почитувани сограѓани, сите оние кои до сега го посетувавте „Хуманитарниот Божиќен Базар“ во Кичево и тие кои вечерва и утре на завршните два дена ќе дојдат и хуманитарно да допринесат. Нашата мисија веќе четири години е иста, сите ваши добротворни дела со вашите потрошени финансии на Базарот во целост ги донираме онаму каде е најпотребно.

Оваа година откако во јавноста се обзнани случајот на кичевчанецот Дејан Огненоски, сопруг и родител на две дечиња за неговата тешка здравствена состојба, кој боледува од канцер, нашиот тим на организација едногласно донесе одлука токму „Хуманитарниот Божиќен Базар“ неговите финансиски средства кои досега се направиле, како и од вечерашната и утрешната манифестација, токму од единствениот фактор „народот“ да одат за лекување на Дејан!

Иако секогаш и секаде ќе треба да се подаде рака, има мал милион случаеви, но сега сметаме дека сме му најпотребни сите на Дејан, за да ја победи животната битка и да му се насмевме на животот повторно!

Во град Кичево, поставени се хуманитарни кутии за донации на неколку места, ќе имаме и вечерва на Базарот има и во градската црква „Св.Петар и Павле“, сите кои се во можност да донираат преку трансакциска сметка истото можат да го направат тука:

Т-ска сметка: 200002853684314

Име и презиме: Дејан Огненоски

Број на ЛК/Пасош: А0015074

Вечерва и утре (четврток) / старт: 18:00ч

• 8-ми јануари, посета на Епископот Антаниски Партениј, (Концерт на естрадните уметници и бендови од Кичево, Дарко Стојаноски, Мирослав Мирчески, Христијан Тришоски, Христијан Трајаноски, Михајло Данилоски, Бели Мугри & Future Band, Марко Тодороски, Марко Јаковлески, Драган Вељаноски, Орце Богданоски, а ќе ја имаме најубавата Скара на Жар од старите мајстори, Dj Vix Alex & Zmija Lights, Лотарија, Воз за најмилите и спектакуларен огномет)
• 9-ти јануари (Завршен ден: „Addicted Band“ во живо, маестро Лука & Марко Лазарески, Скара на Жар, Dj Vix Alex & Zmija Lights, Fire Phoenix Band, Маскоти, исто така Лотарија, Воз за најмилите и спектакуларен огномет)

Вечерва и утре, ве повикуваме во најголем број до сега, колку повеќе ќе се потроши толку ќе има повеќе за лекување на Дејан! Како што добивме информација, наскоро ќе бидат активни и телефонски броеви од Телеком и А1, каде ќе може да се донира и преку вашата мобилна сметка.

Од ❤️ за Дејан!

Организација / „Хуманитарен Божиќен Базар“
Порта.мк

Бонус видео:

На 05.01.2025 во 23.10 часот во ОВР Кичево е пријавено дека 31 – годишник од Кичево во семејниот дом бил физички нападнат од членови на неговото семејство. По целосно документирање на настанот, против напаѓачите ќе биде поднесена соодветна пријава, за порта.мк информира портпаролот на СВР Охрид, Стефан Димоски

Со многу радост, насмевки, возбудливи стихови пеејќи ја најубавата божикна песна „Вечниот Бог“ денес најмилите дечиња со ѕвезди во рачиња го најавија Христовото раѓање – Божиќ низ кичевските улици. И оваа година благодарение на својот ментор Бошко Сарафилоски и родителите кои неуморно беа ангажирани, со поддршка од кичевското свештенство и нас, се реализираше традиционалната „Бадникова Поворка“ во Кичево.

Како и секоја година така и оваа традицијата продолжи движејќи од кичевскиот храм „Св.Петар и Павле“ по ул. „Маршал Тито“, ул. „Рудничка“, бул „Ослободување“ за на крај поворката да заврши пред големиот и најубав украс на градскиот плоштад во непосредна близина на нашата црква, каде започна и Божиќниот концерт кој го водеше еден од најдобрите актери на сите времиња, г-дин Владо Дојчиноски. Прекрасни каланди, одлична атмосфера ни приреди оркестарот на Хор „Козма Пречистански“, а за нештото да го добие она најдоброто „Хуманитарниот Божиќен Базар“ беше неколку часа отворен за сите посетители.

Ја користиме оваа прилика, додека сме кај „Хуманитарниот Божиќен Базар“ кој благодарение на вас функционира, вечерва и утре нема да работи со цел големите Христијански празници. Со програма се враќа за последните два завршни денови 8-ми и 9-ти јануари од 18:00ч, со спектакуларна програма за сите посетители.

• 8-ми јануари (Концерт на естрадните уметници од Кичево, Дарко Стојаноски, Мирослав Мирчески, Христијан Тришоски, Христијан Трајаноски, Михајло Данилоски, Марко Тодороски, ќе ја имаме најубавата Скара на Жар од старите мајстори, Dj Vix Alex & Zmija Lights, Богата лотарија, Воз за најмилите и спектакуларен огномет)
• 9-ти јануари (Завршен ден: „Addicted Band“ во живо, маестро Лука & Марко Лазарески, Скара на Жар, Dj Vix Alex & Zmija Lights, Fire Phoenix Band, Маскоти, исто така Богата лотарија, Воз за најмилите и спектакуларен огномет, со кој ќе го затвориме овој прекрасен Базар)

Што се однесува на Бадник и бадниковите активности, помеѓу луѓето кои ги заслужуваат сите почести се и оние кои секоја година се мобилизираат за транспорт на „Бадникови гранчиња“, а годинава со своите возила дефилираа низ кичевските улици до сега во рекорден број.

Во прилог ви ја претставуваме нај радосната галерија преку нашиот објектив и објективот на Јове Ангелески, од нашите пријатели „Фото Зоран“, доколку ви треба некоја од фотографиите, пишете ни порака ТУКА