Кичево
(ФОТО+ВИДЕО) Мега „Хуманитарен Божиќен Базар“ вчера на градскиот плоштад во Кичево, естрадните уметници ги освоија сите симпатии, пеејќи во еден глас за хуманитарни цели!

Вчера на „Хуманитарниот Божиќен Базар“ се одржа и предпоследниот настан, како што веќе е познато вечерва е последниот и завршен ден каде ќе ја финализираме оваа хуманитарна приказна. Пеејќи во еден глас, благодарение на естрадните уметници од Кичево вчера, кои вистински ги освоија сите симпатии на присутните, музицираа до доцна вечерта. Потрошените средства и се до сега ќе бидат за нашиот сограѓанин Дејан Огненоски кој треба да се лекува во Република Турција.
Нека говорат делата. Она што знаеме е дека на Кичево одамна му се нема случено по позитивен настан, а вчера на наше и на задоволство од присутните со неговото присуство благослов за здравје, среќа и радост, молејќи се за спасение на сите, понесе нашиот духовен татко и возљубен старец, Епископот Антаниски Партениј, каде даде скромни подароци за најрадосните најмили дечиња.
Вечерва на подиумот ќе настапат: „Addicted Band“ во живо, маестро Лука & Марко Лазарески, Скара на Жар, Dj Vix Alex & Zmija Lights, Fire Phoenix Band, Маскоти, „Лотарија“ (мини подароци), Воз и мини-воз за најмилите, рингишпил)
Да не заборавиме да им се заблагодариме на сите учесници и помагатели, на локалната самоуправа, на ОВР Кичево кои ја даваат секогаш целосната асистенција и за грижат за редот и мирот на сите настани од сличен карактер.
Ве очекуваме повторно и заеднички свечено да го затвориме овој традиционален Базар.
Мал дел фотогалерија од вчерашниот настан, преку нашиот и објективот на Јове Ангелески!
- default
Кичево
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници

И оваа господова 2025 година Православните Христијани од речиси сите страни на градот вчера дојдоа во градскиот храм Св.Петар и Павле – Кичево каде присуствуваа на полноќните богослужби по повод христијанскиот празник „Воскресение Христово – Велигден“.
– На наше огромно задоволство оваа година дворот на храмот заштитник на град Кичево беше целосно претесен за сите верници каде традиционално се собраа на соопштување на радосната вест „Христос Воскресна“, од страна на свештениците.
Радост и среќа будат најмладите кои чествуваат и ја негуваат верата, укажувајќи ни уште еднаш за важноста на овој ден и најголем празник!
Ви прилог официјална галерија преку нашиот објектив на Јован Ангелески
Христос воскресна!
Кичево
СВР Охрид со детали за стравичната сообраќајка во Кичево која одзеде три животи

На 18.04.2025 во 20:40 часот во ОВР Кичево e пријавено дека, на магистралниот пат Кичево-Гостивар, кај место викано „Сеферов бунар“, се случила сообраќајна несреќа помеѓу патничко возило „мерцедес“ со кичевски регистарски ознаки, управувано од З.Д.(64) од Битола, патничко возило „форд“ со кичевски регистарски ознаки, управувано од А.Р.(63) од село Горно Страгомиште, кичевско и патничко возило „опел“ со кичевски регистарски ознаки, управувано од Х.Е.(38) од Гостивар.
На местото на настанот починале возачите З.Д. и Х.Е, а сопатничката од патничкото возило „опел“ Б.Е.(38) од Гостивар, била пренесена во Медицинскиот центар Кичево, каде починала.
Од страна на лекар констатирана била смрт, а по наредба на јавен обвинител телата на починатите се предадени за обдукција.
Во несреќата со телесни повреди се здобиле возачот А.Р. и неговата сопатничка А.А.(67) од село Колари, кичевско, сопатникот од возилото „мерцедес“ Д.С.(37) од Кичево и сопатниците од патничкото возило „опел“- тројца малолетници од Гостивар и Р.Е.(60) од селото Шутово, кичевско, констатирани во медицински установи во Кичево и Скопје.
На местото на несреќата увид извршија јавен обвинител, судски сообраќаен вештак и полициски екипи, за јавноста предмалку извести портпаролот на СВР Охрид, Стефан Димоски.
Кичево
Трагична сообраќајка со жртви кај кичевската месност „Сеферов бунар“

Во стравичната сообраќајна несреќа која го крена на нозе Кичево за жал е со трагични последици.
Несреќата се случила на сама кривина кај месноста викана „Сеферов бунар“ на магистрален пат А2, Кичево-Гостивар, учесници биле три возила, едно со странски регистарски додека другите со македонски национални ознаки.
Три жртви се трагично загинати, додека осум лица се тешко повредени меѓу кои и деца кои се префрлени на клиники Мајка Тереза во Скопје.
– Неофицијално од извори на терен, загинатите се жители на странска држава, додека едната жртва е државјанин со место на живеење во Македонија.
Портпаролот на СВР Охрид за Порта.мк предмалку ја потврди нашата информација, за случената сообраќајка, која гласи:
– Вечерва во 20.55 часот, во ОВР Кичево е пријавено дека се случила сообраќајна незгода на патот Кичево-Гостивар, помеѓу Кичево и село Трапчин Дол во која учествувале три возила. Според првичните информации три лица починале како последица на добиените повреди, а осум лица се повредени и дел од нив се пренесуваат во болницата во Кичево, дел во Клинички центар Мајка Тереза во Скопје. Сообраќајот е во прекин во двата правци за сите видови возила.
-
Кичево2 дена
Трагична сообраќајка со жртви кај кичевската месност „Сеферов бунар“
-
Кичево2 дена
Сообраќајна несреќа предмалку се случила на магистрален пат Кичево-Гостивар во близина на с.Зајас
-
Кичево1 ден
СВР Охрид со детали за стравичната сообраќајка во Кичево која одзеде три животи
-
Хороскоп2 дена
Хороскоп за сабота (19 април)
-
Хороскоп15 часа
Хороскоп за недела (20 април)
-
Временска прогноза17 часа
Од понеделник повторно нашата територија под влијание на циклонска активност која носи обилен дожд и електрични празнења
-
Македонија3 часа
На пат Гостивар-Кичево бил лишен од слобода возач кој престигнувал подолга колона
-
Социјални мрежи22 часа
Инстаграм има нова функција која се нарекува „Blend“ нејзината цел е да го направи гледањето и споделувањето на содржината на „Reels“ уште позабавно.