Кичево
Во недела во дворот на црквата св.Петар и Павле се организира хуманитарна акција за донирање храна и намирници за сиромашни граѓани
Се наближува големиот христијански празник Велигден – Христовото Воскресение и додека сите ние го празнуваме со богати трпези има семејства кои гладуваат. Човечки е да споделиме дел од она малку што го имаме со некој што нема. Пред четири месеци ТУКА успешно беше реализиран ваквиот настан кој благодарение на хуманите кичевчани барем за момент и одредено време успеавме да израдуваме неколку семејства.
– Затоа на 18 април (недела) од 12:00 до 15:00 часот во дворот на црквата Св.Апостоли Петар и Павле (за кој сме oсобено благодарни до Кичевската парохија за нивната помош) повторно ќе се собираат донации (храна и секаков вид помош) за најпогодените социјално ранливи групи на граѓани од Кичево.
– За таа цел организаторите и нашиот медиум кој неуморно дава поддршка за хуманитарни дела ги повикуваме сите хумани граѓани, фирми, маркети да ни се приклучат на хуманитарната акција која е со единствена цел да може да им се помогне на многу сиромашни семејства.
Настанот ќе се одвива без групирање, со задолжително носење на заштитна маска на лицето, почитувајќи ги дадените мерки за заштита од Коронавирусот.
Што се однесува до можноста за доаѓање, доколку некој има обврски и неможе да го посети хуманитарниот пункт, а сака да донира може да се обрати на тел 076/824-325 и истите донаторски работи да завршат во прави раце.
Ти биди причина за некој да верува во добрината на луѓето!!!
Биди хуман затоа што раката која дава никогаш не се суши!!!
Кичево
„Преку глава ми е од корупцијата“: Караванот доаѓа во Кичево, овој петок на градскиот плоштад граѓаните ќе се сретнат со различни активности во борба против корупцијата
Граѓаните против корупцијата во рамките на програмата овој петок на 29-ти март во Кичево потточно пред Музеј на „НОБ Запад“ на градскиот плоштад со почеток од 14:00 часот ќе продолжи со караванот со настани насловени „Преку глава ми е од корупцијата“ што се организираат и во Штип, Гостивар и Крива Паланка.
Граѓаните на овие средби ќе имаат можност да се информираат како активно да се вклучат во борбата против корупцијата преку различни активности. На настаните граѓаните ќе можат да разговараат и да се едуцираат за препознавање на злоупотреби и можностите за пријавување на корупција. Покрај претставниците од граѓанските организации МЦМС, ИДСЦС и ЦГК ќе присуствуваат и медиумските партнери од ИРЛ, 360 степени и БИРН Македонија.
За младите ќе бидат организирани отворени дискусии на тема корупција, а дел од нив ќе можат да го проследат форум театарот посветен на истата тема. Медиумските партнери од програмата исто така ќе ги информираат граѓаните за важноста на споделувањето информации и пријавувањето на потенцијалните случаи на корупција со цел да помогнат во медиумските истражувања, додека
Стопанската комора на Македонија ќе организира средби со локалните претставници од приватниот сектор.
/ПР
Кичево
ССНМ во Кичево организира работен состанок со новинари од локални медиуми
Самостојниот синдикат на новинари и медиумски работници организира работен состанок во Кичево кој ќе се одржи на 3-ти април (среда) со почеток од 13 часот во кичевскиот кафе бар Check-In.
На состанокот свое учество ќе земат претставници на локални медиуми, онлајн медиуми (портали), новинари и медиумски работници од Кичево.
Инаку ова ќе биде прва средба на ССНМ и медиумските работници и новинари во Кичево, а ќе се разговара за актуелни случувања и проблеми со кои се соочуваат при извршување на своите работни задачи.
Кичево
„Отворени денови“ на Армијата на Република Македонија за граѓаните денес на градскиот плоштад во Кичево со почеток од 11 до 15 часот
Денес со почеток од 11:00 до 15:00 часот по повод 75 години од формирањето на „НАТО“ и четири години од членството на Македонија во Алијансата на градскиот плоштад во Кичево, односно во непосредна близина на НЦУК „Кочо Рацин“, Министерството за одбрана и Армијата на Република Македонија организираат отворен ден за граѓаните, каде присутните ќе имаат можност да проследат повеќе музички нумери во изведба на Воениот оркестар, да ги запознаат воените опреми и возилата, а презентација ќе има и на борбени вештини од баталјонот за специјални сили и алпинистички вештини од страна на Ренџерската единица.
Активноста ќе биде проследена од началникот на штаб во командата за операции, бригаден генерал Мирче Ѓоргоски и претставници од локалната самоуправа. Со оваа организација практично се завршуваат отворените денови за граѓаните.
Нашата екипа ќе го проследи овој настан.
-
Хороскоп1 ден
Хороскоп за среда (27 март)
-
Култура2 дена
В сабота во Манастирот Св. Великомаченик Георгиј Победоносец во с. Рајчица ќе пристигне икона на Светиот Георгиј Победоносец, покана до сите верници да присуствуваат на духовното славје
-
Хороскоп10 часа
Хороскоп за четврток (28 март)
-
Македонија1 ден
Викендов започнува летното сметање на време, ноќта во недела стрелките на часовникот ги поместуваме еден час по напред
-
Кичево21 час
ССНМ во Кичево организира работен состанок со новинари од локални медиуми
-
Спорт23 часа
Нова победа на македонската репрезентација до 18 години на силниот меѓународен турнир „Анталија Куп 2024″
-
Lifestyle21 час
Дали знаете што значи WC?
-
Мобилни уреди1 ден
На голема врата со 4G поддршка се враќа легендарниот „Nokia 3210“