Временска прогноза
И оваа седмица релативно стабилно време со ниски утрински температури, додека пак месец ноември ќе биде постуден за разлика од лани

Под влијание на стабилна, сува и релативно топла воздушна маса од југ, која условува натпросечно високи максимални дневни температури на воздухот, ќе се задржи и во текот на оваа работна недела. Времето ќе биде сончево, повремено со појава на мала локална облачност.
Само во среда попладне ќе има услови за слаб локален и краткотраен дожд. Повремено ќе дува слаб до умерен ветер од северен правец.
Во утринските часови пак по одделни котлини и речни долини ќе има појава на магла и на ниска облачност.
Максималните дневни температури ќе се искачуваат во интервалот од 18 до 24 степени, додека во југоисточните предели, особено денес и утре максималната температура ќе се искачи околу 26, 27 степени.
Во Скопскиот регион ќе имаме слично време како и во останатиот дел од Македонија. Температурата ќе се искачува во интервалот помеѓу 22 и 26 степени.
Што се однесува до температурите наутро, тие до средината на неделава ќе се спуштаат во интервалот помеѓу 2 и 8 степени, а потоа постепено ќе опаѓаат, известува Славчо Попоски.
Имено, судејќи барем според моменталните долгорочни анализи и изгледи на времето за Ноември месец, во кои секако голема е веројатноста да има промени во истата, поради што станува збор за доста долг период, укажуваат на тоа дека Ноември оваа година ќе биде постуден и посув за разлика од изминатите неколку години.
Во поголем дел од месец Ноември очекуваме потпросечни температури на воздухот, особено во првата половина од месецот. Врнежите како што претходно кажав ќе бидат значително потпросечни, што значи не очекува доста сушно и студено време, особено во утринските часови кога очекуваме во многу делови од Балканот и во Македонија и појава на мраз, кој во делови од Балканот и Македонија ќе биде поизразен.
Во првата половина од месец Ноември можни се утрински температури дури и до околу -10 степени, а дневните на многу места би биде околу, па дури и под 10 степени, што значи очекуваме особено постудено време и преку ден, за разлика од она кое го имаме сега, кога имаме далеку попријатни температури на воздухот.
Се на се, зимата првиот свој посилен удар ќе ни го приреди многу наскоро, уште од почетокот на месец Ноември.
Временска прогноза
Од утре повторно дождливо време, додека на планините и планинските превои не е изклучена можноста за нов снег

Под влијание на нов поголем влажен бран од запад и од северозапад од ноќва кон утрешниот ден (понеделник 6 октомври) како и во понеделник преку денот и во вторник (6/7 октомври) во Македонија повторно времето ќе биде претежно облачно и повторно поладно со повремени врнежи од дожд и тие локално ќе бидат обилни а поради падот на температурите повторно на планините над 1300/1400 метри надморска височина ќе имаме врнежи од снег.
За време на овој влажен бран локално повторно ќе наврне значително количество на воден талог (над 25 литри на метар квадратен дожд). Сето ова ќе биде проследено со умерен повремено засилен ветер од северен правец.
И во Скопје и околината во погоре споменатиот период ќе имаме повремени врнежи од дожд проследени со повремено засилен ветер од северен правец. Повремено врнежите ќе бидат пообилни а на околните повисоки планини ќе има повремени врнежи од снег.
Што се однесува до температурите, тие утре и во вторник (6/7 октомври) и понатаму ќе бидат потпросечни за овој период од годината и максималните температури ќе се искачуваат во интервалот од 5 до 13 степени а во Скопје и околината температурата ќе се искачува до околу 10 степени, истакна Славчо Попоски
Временска прогноза
(ФОТО) „Стража“ почна да белее, апел за поголемо внимание, еве какво време нè очекува овие денови

Под влијание на циклонска активност и на многу ладна воздушна маса која од исток и од североисток, односно од Русија која се спушта кон нашиот дел од Европскиот Континент, до крајот на денов како и утре (петок 3 октомври) времето во Македонија ќе биде облачно и невообичаено ладно за самиот почеток на месец октомври со врнежи од дожд кои во најголем дел ќе бидат обилни и ќе наврнат над 30 литри дожд на метар квадратен, локално и над 60 литри дожд на метар квадратен. Ќе дува повремено засилен ветер од северен правец.
На повисоките места и на планините врнежите ќе бидат од снег и на планините ќе се формира првата сериозна снежна покривка за оваа сезона (над 50/60 сантиметри снег). Поради заладувањето понатаму повремени врнежи од снег ќе има и во дел од повисоките градови во западните и во северните предели од нашата Македонија.
Во Скопје и околината во погоре споменатиот период исто така ќе биде невообичаено ладно за самиот почеток на месец октомври а ќе дува и повремено засилен ветер од северен правец. Времето ќе биде облачно со пообилни врнежи од дожд а на околните планини и повисоки места од Скопје ќе има врнежи од снег. Во Скопскиот регион очекувам локално да наврнат над 30/40 литри дожд на метар квадратен а на околните планини ќе се формира снежна покривка.
Што се однесува до температурите тие денес ќе се искачуваат во интервалот од 3 до 10 степени а утре (петок 3 октомври) ќе биде уште поладно со максимални дневни температури кои ќе се искачуваат во интервалот само од 0 до 9 степени. На планинските и високите места температурите ќе бидат под нулата и ќе има појава на мраз.
Апелирам доколку патувате низ планинските превои задолжително да понесете со себе зимска опрема и да бидете крајно внимателни како управувате со своите возила, и тоа поради појавата на мраз и обилните врнежи од снег, утрово истакна Славчо Попоски
Временска прогноза
Дожд, студено време и снег, метеоролозите предвидуваат промена на времето и заладување!

Под влијание на Средоземен циклон кој секундарно ќе се формира и ќе влијае на времето во Република Македонија и тоа уште од денес (среда 1 октомври) почнувајќи од вечерните часови и ноќта кон утрешниот ден (четврток 2 октомври) и во текот на целиот утрешен ден четврток како и во петок (2 и 3 октомври) условувајќи облачно време со обилни врнежи од дожд насекаде во Македонија.
Во најголем дел од Македонија ќе наврне големо количество на воден талог (над 30 литри дожд на метар квадратен а локално дури и над 60 литри дожд на метар квадратен).
Во исто време од исток и од североисток, во Македонија ќе продира многу ладен воздух, невообичаен за самиот почеток на октомври и ќе услови засилен ветер од северен правец и многу ниски температури на воздухот. Токму поради ова на планините и на повисоките места врнежите од дожд ќе преминат во врнежи од снег со што ќе се формира првата сериозна снежна покривка за оваа сезона. На планините, особено оние планини со поголема надморска височина локално ќе се формира снежна покривка дури од над 50/60 сантиметри снег.
Поради понатамошно заладување ноќта четврток кон петок како и во петок (3 октомври) снежната граница ќе се спушти и под 1000 метри надморска височина, па така врнежи од снег ќе има и во дел од повисоките градови особено во западните и во северните предели од Република Македонија.
И во Скопје и околината за време на погоре споменатиот период ќе има обилни врнежи од дожд а на околните планини и повисоки места врнежите од дожд ќе преминуваат во врнежи од снег и ќе дува засилен ветер од северен правец. И во Скопје и околината ќе има големо заладување на времето.
Што се однесува до температурите, тие во четврток (2 октомври) ќе се искачуваат во интервалот од 3 до 10 степени а во петок (3 октомври) тие ќе бидат уште пониски и ќе се искачуваат во интервалот само од 0 до 9 степени. На повисоките и планинските места температурите ќе бидат под нулата и ќе има појава на мраз.
– Се на се пред нас е права зима уште во првите денови од месец октомври и температурите ќе бидат потпросечни дури и за повеќе од 10/15 степени што е премногу. Подгответе ја топлата облека и зимските гуми на возилата, и секако бидете крајно внимателни доколку патувате низ планинските превои и тоа поради очекуваните обилни врнежи од снег и снежната покривка, но и поради очекуваната појава на мраз поради минусните температури на воздухот, истакна Славчо Попоски
-
Кичево23 часа
Кичевските бербери на состанок одлучија да ги поскапат нивните услуги
-
Кичево11 часа
Ноќеска „ТППЕ Кичево“ со полни раце работа, спречен поголем пожар во населба „Девеана“
-
Хороскоп2 дена
Хороскоп за вторник (7 октомври)
-
Хороскоп22 часа
Хороскоп за среда (8 октомври)
-
Македонија8 часа
Прилеп: Традицијата продолжува, на 11-ти октомври на „Авто слалом“, кичевчанецот Кристијан Бојоски во нов поход кон пиедесталот на награди!
-
Македонија2 дена
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи
-
Хроника1 ден
По долга и тешка болест почина познатиот пејач – Халид Бешлиќ
-
Технологија1 ден
„Snapdragon X2 Elite Extreme“ новото „чудовиште“ од процесор на „Qualcomm“ за најмоќните лаптопи и премиум мобилни телефони