Твитер сега ќе бара од корисниците да имаат профил на таа платформа за да можат да гледаат „твитови“, а сопственикот на оваа социјална мрежа Илон Маск изјави дека тоа е „привремена итна мерка“.

– Од корисниците на Твитер, кои ќе се обидат да прегледаат содржина на таа платформа, ќе биде побарано да се регистрираат или да се логираат на нивниот профил за да видат „твитови“, пишува Ројтерс.

– Толку ни ги ограбија податоците што ја деградираа услугата за нормалните корисници – додава Маск во порака на Твитер.

Тој претходно изрази незадоволство од компаниите за вештачка интелигенција како OpenAI и други, кои користат податоци од Твитер за да ги обучуваат своите големи јазични модели, пренесува Танјуг.

Google најави дека ќе започне со бришење на неактивни сметки од декември оваа година. Компанијата тврди дека ова ќе помогне да се заштитат корисниците од безбедносни закани.

Компанијата соопшти дека почнувајќи од оваа година, ќе започне со бришење на сметките на Google кои не биле користени најмалку две години.

Ова ги вклучува сите содржини во Google Workspace (Gmail, Docs, Drive, Meet, Calendar), YouTube и Google Photos.

Новата политика стапува во сила веднаш, но нема веднаш да влијае на корисниците со неактивни сметки. Google вели дека ќе преземе фазен пристап, почнувајќи со сметки кои биле креирани, но никогаш повеќе не биле користени.

Новата функција наскоро би можела да се појави во бета верзиите на десктоп и мобилните апликации. Корисниците на WhatsApp наскоро би можеле да имаат пристап до функција која може да ги освежи и разубави групните разговори. Изгледа дека Мета развива анимирани емотикони за претстојната бета верзија на десктоп апликацијата WhatsApp.

GIF објавен од WABetaInfo покажува како изгледаат анимираните емотикони. Едно емоџи со славеничка труба и капа за забава е прикажано како скока и се врти. Потоа, кога ќе стане достапна анимирана верзија на одреден емотикон, WhatsApp ќе ја сподели наместо статична слика.

Сè уште не е познато дали ќе можете да ги исклучите анимираните емотикони ако и кога WhatsApp ќе ја претстави функцијата на пошироката јавност. Наводно, анимираните емотикони ќе се најдат прво во бета верзиите на мобилните апликации.

Се чини дека WhatsApp ја користи библиотеката Lottie за анимирани емотикони. Очигледно, овие емотикони имаат мали големини на датотеки и може да се намалат без губење на квалитетот на сликата.

Малку е веројатно дека функцијата за анимирани емотикони сама по себе ќе доведе до прилив на нови корисници. Сепак, може да го направи WhatsApp попријатен за користење.

Апликацијата Messages на Google и iMessage на Apple со години поддржуваат анимирани емотикони, така што WhatsApp практично го достигнува чекорот.

Извор: pcpress.rs