Спорт
Интер од Милано „под лупа“ за можна финансиска измама за трансфери

Фудбалскиот клуб Интер од Милано денеска соопшти дека ќе биде предмет на „прелиминарна истрага“ за можна финансиска измама во случајот со трансфери на играчи.
Интер, актуелниот шампион на Италија, прецизираше „дека ја доставил потребната документација во врска со трансферите на играчи во сезоните 2017/2018 и 2018/2019“ на барање на Јавното обвинителство на Милано, кое извршило претрес во седиштето на клубот. .
Како дел од оваа „прелиминарна истрага“, обвинителството сака да „провери дали има неправилности во пријавувањето на финансиските профити“ остварени со продажба на играчи, објаснуваат од Интер.
Претресот во Интер следеше еден месец откако обвинителството во Торино започна истрага против фудбалскиот клуб Јувентус. Обвинителството се сомнева дека клубот од Торино им презентирал лажни информации на инвеститорите и дека приложувале фактури за непостоечки трансакции.
Во изминатите неколку години, многу набљудувачи укажуваа на злоупотреби на правната практика со цел да се направат „лажни размени“, односно вкрстено продавање играчи меѓу двата клуба. Потоа малку пари завршуваат во клубовите, но трансакциите веднаш се прикажуваат како финансиска добивка, што овозможува подобрување на финансиските перформанси.
Истрагата ја покрена самата Италијанска фудбалска федерација со цел да се обиде да спречи финансиски злоупотреби.
Извор: sportske.net
Спорт
Раководството на ФФМ, предводено од претседателот Омерагиќ и генералниот секретар Јандреоски и Ганиу присуствуваа на 49 Конгрес на УЕФА во Белград

Денеска во Белград се одржа 49. Конгрес на Европската фудбалска Асоцијација, УЕФА. Фудбалската федерација на Македонија (ФФМ) ја претставуваа претседателот Масар Омерагиќ, генералниот сектретар, Леонид Јандреоски и неговиот заменик, Дрилон Ганиу.
Конгресот на УЕФА ги собра челниците на европскиот и светскиот фудбал, многу гости од светот на фудбалот и од различни сфери на општественото живеење.
– Во Белград, првите луѓе на европскиот фудбал разговараа за иднината на европскиот и светскиот фудбал. Во својот говор, претседателот на УЕФА, Александар Чеферин, истакна зошто основните вредности на европскиот фудбал – единство, солидарност и тимска работа – се поважни од кога било во се поделениот свет.
Повеќе ќе прочитате на официјалниот натпис од ФФМ, ТУКА
Спорт
Извлечени паровите за „Купот на Македонија“ во фудбал, Вардар ќе игра со Брера АП, додека ривалот Шкендија за противник го доби тимот на Струга ТЛ.

Во рамки на денешниот ден во просториите на Фудбалската федерација на Македонија со ждребпка беа одредени и истакнати полуфиналните парови за „Купот на Македонија“. Така што ждребката случајно ги спои ривалите Шкендија и Струга ТЛ, додека црвено-црните Вардар го доби тимот на Брера АП.
Првите натпревари се закажани за 9-ти април од 15:00 часот, додека реванш мечевите се закажани за 23-ти април, истакна ФФМ.
Спорт
Андов го истакна списокот со фудбалерки за дуелите со Летонија и Косово во рамки на Лигата на нации за пласман на СП 2027

Женската А репрезентација на Македонија на почетокот на април ќе одигра два натпревари против Летонија и Косово во рамките на продолжението од Лигата на нации за пласман на СП. 2027. На 4. април, со почеток во 15. часот ја пречекуваме селекцијата на Летонија.Четири дена подоцна во Приштина играме против Косово, со почеток во 14.часот.
Селекторот на женската репрезентација на Македонија, Александар Андов за дуелите со Летонија и Косово, се одлучи да ги повика следните фудбалерки:
ГОЛМАНИ:
Евгенија Велјановска – Скопје 2014
Викторија Панчурува – Тиверија Брера
Кристина Павлоска – Раднички Крагуевац, Србија
ОДБРАНА:
Сара Коларовска – Скопје 2014
Ане Бошеска – Тиверија Брера
Павлинка Николовска – Тиверија Брера
Мила Панева – Скопје 2014
Лимани Ихмете – Германија
Викторија Недева – Тиверија Брера
Елена Панеска – Олимпија, Словенија
Бојана Петкова – Полска
СРЕДЕН РЕД:
Маријана Нацева – Дортмунд, Германија
Теона Голабовска – Тиверија Брера
Хава Мустафа – Љуботен
Александра Марковска – Љуботен
Симона Мајер – Израел
Ленче Андрееска – Турција
Рабија Дервиши – Скопје 2014
Наташа Андонова – Мадрид, Шпанија
НАПАД:
Јилза Максути – Турција
Гентијана Рочи – Финска
Меланија Грозданова – Истатов
Јована Павловска – Полска
Во воведното коло на групата 6 од сегментот Ц, Македонија беше поразена од Косово на домашен терен со 4:0, известуваат од ФФМ.
-
Временска прогноза2 дена
Попоски: Влегуваме во период на температури во минус, студ и снег, невообичаено за месец април – ова се информациите
-
Хороскоп19 часа
Хороскоп за четврток (3 април)
-
Хороскоп2 дена
Хороскоп за среда (2 април)
-
Кичево21 час
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Хроника1 ден
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште
-
Македонија2 дена
Сообраќајно инфо: Намалена видливост поради магла на превој „Стража“
-
Автомобили24 часа
„Шкода“ го претстави својот освежен и подобрен модел на „Ениак“
-
Магазин1 ден
Nintendo е подготвен да ја претстави конзолата Switch 2