Со задоволство Ве информираме, воедно и покануваме на долго очекуваниот настан по повод една година постоење на Едукативниот центар каде ќе гостува Наде Молеровиќ, збиднување од образовен и пред се професионален карактер за сите граѓани, родители, деца, со цел да се поттикне мотивациско размислување, потенцијал, остварување на цели, да ја препознаат својата вредност, да веруваат во себе и своите соништа и да сакаат да остварат успех и лична среќа.

Тема на настанот со г-ѓа Молеровиќ ќе биде: „Што очекуваат децата од родителите за да бидат среќни и успешни во животот“, таа како што знаеме има големо искуство во одржување на предавања, семинари, работилници,мотивациски говори за млади, родители, наставници и директори на училишта.

По завршување на настанот многу од слушателите ќе научат како да си ги постават клучните прашања и да откријат многу вистини за себе си, пред се како родители, сме одговорни за развојот на нашите деца и за формирањето на нивната личност.

Ова е прилика која не би требало да ја пропуштите, затоа придружете ни се на овој настан и заедно ќе го истражиме потенцијалот на нашите деца и самиот наш потенцијал. Нека нашите деца растат во самодоверни и успешни луѓе, кои ќе ја превземат контролата над своите животи и ќе ги остварат своите соништа.

Датум: 06.09.2023 (среда)
Време: 19:00ч.
Место: НУ ЦЕНТАР ЗА КУЛТУРА „КОЧО РАЦИН“ – КИЧЕВО
Влез: СЛОБОДЕН