Следете не

Спорт

Изов го објави списокот на фудбалерки за дуелите со Англија и Австрија на македонската фудбалска женска А репрезентација

Објавено пред

на

Женската А репрезентација на Македонија ги започнува европските квалификации за пласман на Светското првенство што ќе се одигра во Австралија и Нов Зеланд 2023 година. Македонската селекција е во групата „Д“ со Англија, Австрија, Северна Ирска, Луксембург и Летонија.

Нашите фудбалерки првите мечеви од септемврискиот квалификациски циклус ќе ги одиграат против Англија во Саутемптон на 17. септември од 19:00 часот, додека првиот домашен меч го играме на 21. септември на Националната арена „Тодор Проески” против Австрија.

Фудбалската федерација на Македонија го обезбеди хотел „Лимак“ за тимска база на нашата најдобра женска репрезентација за претстојните натпревари.

Селекторот, Кирил Изов за квалификациските дуели ги повика следните фудбалерки:

Голмани: Магдалена Лекоска (Љуботен), Суарта Речи (АС Унитед), Верица Колевска (Скопје 2014);

Одбрана: Павлинка Николовска (Каменица Саса), Елена Панеска (Каменица Саса), Ане Бошеска (Тиверија), Јулија Живиќ (Љуботен), Положани Синдис (АС Унитед), Теодора Јанковска (Деспина), Катерина Милеска (Деспина), Сара Коларовска (Скопје 2014);

Среден ред: Јана Чубриновска (Деспина), Александра Марковска (Скопје 2014), Елена Петровска (Скопје 2014), Драгана Гегова (Скопје 2014), Сара Велкова (Тиверија), Наташа Андонова (Леванте, Шпанија);

Напад: Теодора Димоска (Тиверија), Илза Максути (АСС Унитед), Радица Чонева (СЦ Истатов), Рабија Дервиши (Скопје 2014), Хава Мустафа (Шкендија), Гентијана Рочи (Купс, Финска).

Кирил Изов, селектор на женската А репрезентација на Македонија:

Не очекуваат два многу тешки натпревари против Англија на гости и дома против Австрија на отворањето од квалификациите. Ги знаеме добро квалитетите на двете селекции, посебно на Англија, која е апсолутен фаворит во групата, но верувам дека имаме сили и во рамки на нашите можности достојно ќе се обидеме да се спротивставиме на двете репрезентации. Целта е да извлечеме поволен резултат од двете пресметки. Радува фактот што на располагање ги имаме сите фудбалерки, вклучувајќи ги и интернационалките Андонова и Рочи. Имаме одличен спој на младост и искуство, оптимист сум дека ќе имаме добри квалификации. Атмосферата е одлична, сите се максимално фокусирани и мотивирани да одиграат добро за дресот со државен грб. Гледаме позитивно и веруваме дека оваа селекција може да напредува во квалификациските натпревари.”

Спорт

Одредени бараж натпреварите во македонскиот фудбал, како и екипите кои ќе бидат со лиценца за учество во УЕФА натпреварувањата

Објавено пред

на

Комисијата за натпреварување во рамки на Фудбалската федерација на Македонија го одреди стадионот „Гоце Делчев“ во Прилеп за домаќин на бараж натпреварот за Прва МФЛ меѓу екипите на Тиквеш и Воска.

Имајќи в предвид дека на почетокот на следниот месец, македонската А репрезентација ја очекуваат два натпревари од Лига на нации на домашен терен на Националната арена „Тодор Проески“, намерата на Фудбалската федерација на Македонија беше бараж натпреварите да се одиграат на други стадиони, првенствено за да се заштити теренот на арената „Тодор Проески“ за репрезентативните мечеви, а дополнително што на 20. мај на нашиот најголем стадион ќе се одигра и финалето од Купот на Македонија.

По извлекувањето на паровите за бараж натпреварите и одредените места за одигрување, Комисијата за натпреварување после одржаниот состанок со Комисијата за безбедност, сепак одлучи (пропозициите тоа го дозволуваат) мечот Воска – Тиквеш да се одигра на Националната арена „Тодор Проески“.

Единствена причина за промената на местото на одигрување на натпреварот се пристигнатите информации до Комисијата за безбедност на ФФМ за присуство на голем број навивачи на двете екипи и можноста да се гарантира безбедноста на повеќе илјадната публика на стадионот во Прилеп.

ФФМ преку Комисијата за безбедност прати официјален допис до Министерството за внатрешни работи (МВР) со барање насоки и напатствија во делот на преземање на безбедносни мерки за да се одиграат двата бараж меча на првично утврдените места за одигрување, односно Тиквеш – Воска во Прилеп и Скопје – Беласица во Штип.

Фудбалската федерација на Македонија ќе постапи соодветно во зависност од одговорот и упатствата на МВР.

Уверени сме дека само со строго и доследно применување на прописите и почитувањето на превентивните мерки од надлежните институции и тела може да се гарантира вистински спортски спектакл .

Мерките за безбедност на натпреварите постојат со причина и очекуваме од клубовите да бидат сојузници во спроведувањето на истите.

Полните трибини без инциденти, без непримерно однесување и нереди, без национализам и дискриминација, се клучни цели на сите учесници во македонскиот фудбал, од Фудбалската федерација на Македонија и клубовите преку навивачките групи, јавноста и медиумите до државните институции во целина.

За ФФМ, дијалогот и комуникација е единствен пат за квалитетен однос со клубовите и институциите и на тоа ќе инсистираме и во иднина.

Што се однесува за комисијата за лиценцирање на ФФМ по завршување на постапката за лиценцирање им издаде лиценца за учество во УЕФА клупските натпреварувања за сезона 2022/23 на клубовите:

  1. ФК Ренова АД – с.Џепчиште
  2. ФК Шкендија АД – Тетово
  3. ФК Шкупи 1927 АД – Скопје
  4. ФК Силекс АД – Кратово
  5. ФК Работнички АД – Скопје
  6. ФК Струга ТримЛум АД – Струга
  7. ФК Македонија ЃП 1932 АД – Скопје
  8. ФК Академија Пандев АД – Струмица
Прочитај повеќе...

Спорт

„Група 1“ успешно ја комплетира теоретско-практичната настава од првиот курс за добивање на УЕФА Ц лиценца на ФФМ

Објавено пред

на

Фудбалската федерација на Македонија и Центарот за едукација во периодот од 10. до 15. мај во хотел „Истатов“ во Дојран го организираа првиот курс за добивање на УЕФА Ц тренерска лиценца во Македонија.

На курсот беа присутни сите пријавени 36 кандидати кои успешно ги комплетираа обврските поврзани со теоретско-практичната настава одржана на семинарот во рамки на група 1.

Предавачи – Демонстратори во Центарот за едукација (ЦЕ) кои го реализираа курсот беа: Небојша Марковски – директор ЦЕ на ФФМ, Ленче А. Величковска – Декан ФФОСЗ, Вујица Живковиќ – Проф. ФФОСЗ, Висар Ганиу – градоначалник на Општина Чаир, Жикица Тасевски – професор ФФОСЗ, Борче Христов – УЕФА ПРО, Гордан Здравков – УЕФА ПРО, Др. Илија Стоилов, Бојан Марковски – грасрут Менаџер;

Со оглед на големиот интерес и пријавените повеќе од 100 кандидати, покрај првата, Центарот за едукација при ФФМ формираше уште две групи.

Вториот курс за група 2 во рамки на првата генерација кандидати за добивање на УЕФА Ц диплома ќе се одржи во период 23. до 28. мај 2022. Третиот пак, наменет за Група 3 ќе се одржи во период 6. до 11.јуни 2022. Двата курса ќе бидат организирани во хотел Истатов, Дојран.

Прочитај повеќе...

Спорт

„Каменица Саса“ и „АС Јунајтед“ ќе се соочат во женското финале од Купот на Македонија во фудбал

Објавено пред

на

Двата тима ќе се борат за својот прв трофеј во натпреварувањето. Тренерите на двете екипи веруваат во успех.

Екипите на Каменица Саса и АС Јунајтед на 18. мај (среда) ќе се соочат во женското финале од Купот на Македонија. На натпреварот кој ќе се одигра на тренинг центарот „Петар Милошевски“, двата тима ќе се обидат да стигнат до својот прв трофеј од најмасовното натпреварување.

Каменица Саса е актуелен првак. Скопје 2014 е последен освојувач на пехарот од Купот на Македонија од финалето одиграно 2019 година против Тиверија.

За тренерот на Каменица Саса, Зоран Златковски, освојувањето на трофејот во Купот на Македонија е приоритет, бидејќи како што вели, резултатите во првенството не соодветствуваат со квалитетот на екипата.

– Како тренер и предводник на екипата очекував подобри резултати во досегашниот тек од првенството, со оглед на тоа што поседуваме голем потенцијал и квалитет. Приоритет ни е освојувањето на Купот на Македонија, иако нема да се откажеме ниту од борбата за првото место во првенството. Подготвени сме за натпреварот, со нетпрение и голема желба го очекуваме финалето и се разбира дека очекуваме победа во нашето прво финале од историја на клубот.

Имаме голема почит за екипата и тренерот на Ас Јунајтед, Астрит Мерко, кој врши одлична работа. Противникот има квалитет и одлично функционираат како тим. Сметам дека ќе биде неизвесно и детали ќе го одлучат победникот. Очекувам интересен натпревар, неизвесен и борбен до самиот крај. Се надевам на победа и славје во Каменица.

Астрит Мерко, тренерот на АС Јунајтед вели дека противникот е поискусен, но верува во своите млади фудбалерки и ќе дадат сѐ од себе да победат на натпреварот.

– Го познаваме одлично тимот на Каменица Саса, поседуваат квалитет, играат одлично во последните неколку сезони во првата лига на Македонија. Очекувам интересен натпревар, голема борба и пожртвуваност кај двете екипи. Посакувам коректен натпревар. Верувам во моите фудбалерки. Имаме млада екипа која поседува потенцијал, речиси сите се репрезентативки и во натпреварувачки ритам. Ќе дадеме се од себе за да победиме. Можеби предност за нив може да претставува фактот што имаат поискусни фудбалерки и фудбалерки што доаѓаат од странство, но на крајот тоа не мора да биде пресудно. Верувам дека ќе биде неизвесно до самиот крај. Нека победи подобриот. 

Прочитај повеќе...

Facebook

Последни објави

Хороскоп37 минути

Дневен Хороскоп (18 мај) – среда

ОВЕН РАБОТА: Не барајте премногу од вашите соработници. Не е ден за многу заработка. Месечината во Шкорпија им дава поголема...

Спорт3 часа

Одредени бараж натпреварите во македонскиот фудбал, како и екипите кои ќе бидат со лиценца за учество во УЕФА натпреварувањата

Комисијата за натпреварување во рамки на Фудбалската федерација на Македонија го одреди стадионот „Гоце Делчев“ во Прилеп за домаќин на...

Временска прогноза5 часа

Се приближува локално невреме со пороен дожд и грмежи

Попладнево сеуште под влијание на МНОГУ ТОПЛАТА воздушна маса која е со потекло од северните предели на Африка е МНОГУ ТОПЛО и...

Магазин10 часа

Доаѓаат големи промени во iOS 16

Конференцијата за програмери на Apple WWDC 2022 е за три недели. Очекуваме американската компанија да претстави многу интересни работи. Меѓу...

Магазин10 часа

Еве ги игрите што доаѓаат со претплатата за PS Plus Extra и PS Plus Premium

Sony објави листа на игри до кои ќе може да пристапат претплатниците на PS Plus доколку се претплатат на повисоко...

Магазин10 часа

Маск го паузираше купувањето на Твитер

Илон Маск објави дека неговиот договор со Твитер чека додека не добие повеќе информации за тоа колку лажни профили има...

Магазин11 часа

Samsung ги зголемува цените на чиповите

Како што стојат работите, компаниите кои користат Samsung чипови во своите производи наскоро ќе мора да одвојат многу поголема сума...

Магазин11 часа

Тесла повлекува 130.000 возила поради дефект на екранот

Tesla повлекува 130.000 возила во САД поради проблеми со прегревање што може да доведе до дефект на централниот екран на...

Македонија11 часа

Приведени три лица, родители си ја продале ќерката на Белгиец, поднесена кривична пријава

На 16.05.2022 Одделот за сузбивање на организиран и сериозен криминал, Сектор за криминалистички истраги – Националната единица за сузбивање на...

Литература14 часа

Излезе книгата „Гласот на предците“, која претставува зборник на македонски народни преданија од Христијан Аџиоски

Секоја страница исплетува приказна со посебна македонска судбина, која како ехо нè наоѓа… и одѕвонува во нашата свест. Низ приказните...

НАЈЧИТАНИ