Спорт
Македонската фудбалска репрезентација до 17 години славеше против Кипар на турнирот во организација на ФФМ на „Петар Милошевски“
Македонската репрезентација до 17 години предводена од селекторот Тони Јакимовски успеа да слави победа над Кипар со 2:1 на воведниот натпревар од контролниот турнир во Скопје за фудбалери до 17 години.
На тренинг центарот „Петар Милошевски”, Македонија и Кипар одиграа возбудлив натпревар со отворена игра и многу шанси. Сите три гола беа постигнати во првото полувреме.
Македонија одлично го отвори мечот. Во 8. минута поведе со 1:0, а стрелец на голот беше Марио Стојилевски. Противникот брзо ги консолидираше своите редови и успеа да се врати во игра со погодокот што го постигна Ставрос Харалампус во 26. минута. Нашите фудбалери до крајот на првиот дел успеаа да ја вратат предноста. Зани Назифи постигна убав погодок во 37. минута за ново водство на Македонија.
Во продолжението од мечот се продолжи со офанзивна игра на двете половини. Двете репрезентаци пропуштија неколку одлични можности за погодок. Одлична прилика да постигне втор гол имаше Зани Назифи во 55. минута, но неговиот удар заврши покрај стативата. Најдобрата прилика за Македонија ја имаше Александар Богдановски во 66. минута од дуелот. Во 76. минута Мартин Ѓорѓиевски изведе одличен слободен удар од 18 метри, но голманот на Кипар одлично интервенираше.
Следниот натпревар избраниците на Тони Јакимовски го играат против Србија на 16. септември во 11:00 часот.
МАКЕДОНИЈА – КИПАР 2:1 (2:1)
Македонија: 1. Давид Стојановиќ, 15. Андреј Аризанковски (74 Симеон Здравсковски), 5. Марио Стојилевски, 6. Даниел Марковски, 16. Давид Саботковски (46` Матеј Јаневски), 10. Мартин Ѓорѓиевски (к) (79` Амир Нухија), 18. Адриан Зенделовски, 17. Никола Манојлов (55` Александар Богдановски), 7. Кире Стојанов (74` Енес Фидани), 11. Мухамед Елмас (55` Азис Јамини), 9. Зани Назифи; Селектор: Тони Јакимовски;
Спорт
КМФ „Форца 2015“ е освојувач на Купот на Македонија во футсал
Форца 2015 е освојувач на Купот на Македонија во футсал, по издвојуваната победа над тимот на Клими од Кавадарци, на финалниот натпревар одигран во спортскиот центар Гемиџии во Велес. Екипата на Форца 2015 во еден интересен натпревар успеа да слави победа со вкупен резултат од 6:2.
Зоран Левски го постигна првиот гол на средбата за предност на Форца 2015 од 1:0. Екипата на Клими брзо се вратија во игра и преку Мартин Никовиќ успеаа да го израмнат резултатот.
Во продолжението Форца ја наметна својата игра и успеа да постигне 5 голови за убедлива и сигурна предност. Стрелци на головите беа Харис Омеровиќ, Зоран Левески, Берат Рамадани, додека Иван Крстевски стрелаше два пати.
Голот за намалување на предноста и поставување на конечните 6:2 го постигна Димче Андов, истакнаа од ФФМ.
Спорт
Голем ден за македонскиот билиард, кичевчанец помеѓу шампионите
Во Софија Бугарија, покрај голема конкуренција на јуниорски играчи од 6 држави 🇲🇰🇧🇬🇷🇸🇲🇪🇧🇦🇺🇦 на пиедесталот во две категории се искачија 2 Македонски шампиони:
У-17 Андреј Ѓурчиновски 🇲🇰🏆
У-19 Блендијан Ќазими од Кичево 🇲🇰🏆
Огромни честитки и за финалистот во категорија У-17 Илија Димовски 🇲🇰🥈
Честитки до Македонските јуниорски натпреварувачи, нивните фамилии, нивните клубови и до сите што ги поддржуваат на нивниот веќе докажан шампионски пат!
Активностите во Македонскиот биљард покажуваат резултати, иднината на овој спорт е во сигурни раце.
Честитки и до организаторите на оваков тип на натпревари и се надеваме само овака да продолжи, покрај натпреварувања, да имаме и размена на искуства и дружења со сите наши соседи во регионот, истакна претседателот на Билиард федерацијата на Македонија, Дејан Сипковски.
Резултати од У-17 може да најдете ТУКА
Додека за У-19 резултатите исто така се запишани ТУКА
Спорт
(ВИДЕО) Илиевска Божиновска ја пофали досегашната работа во Фудбалската федерација, додека администрацијата преку видео запис го истакна годишниот извештај на сработеното
Фудбалската федерација на Македонија (ФФМ) го одржа своето Редовно генерално Собрание. На Редовното генерално Собрание беа присутни 58 од вкупно 60 делегати кои ги ги усвоија низа точки од дневниот ред.
– Завршна сметка за 2023;
– Извештај од независен ревизор за 2023;
– Извештај од Надзорен одбор за 2023;
– Потврдување на одлуката за суспензија на ОФС Струмица;
– Усвоен извештајот од претседателот и Управниот одбор на ФФМ;
– Извештај од администрацијата за исполнување на стратешките планови;
– Усвоен е буџетот за 2024 година;
Генералниот секретар на ФФМ, Наталиа Илиевска Божиновска во своето обраќање истакна дека федерацијата има одлична соработка со Општинските фудбалски Сојузи, како своја база, но и ја потенцираше извонредната соработка со УЕФА и ФИФА.
– Наталиа Илиевска Божиновска – генерален секретар на ФФМ: „Од мое лично и од име на Фудбалската федерација на Македонија би сакала да истакнам дека имаме извонредна соработка со сите вас и би сакала искрено да ви честитам на досегашната работа. Да ви посакам многу среќа, сила и успех во соочувањето со новите предизвици.
Како дел од ФФМ, среќни сме што во Општинските фудбалски Сојузи имаме одличен партнер. На тој начин градиме уште посилна федерација со подобра структура, но и одлични односи со другите асоцијации. Секогаш ќе ја помагаме својата база. Затоа и во иднина ќе ве повикувам да разговарате, да се борите, да работиме заеднички, да даваме придонес во насока на унапредување на македонскиот фудбал.
Ние сме еден тим. Тоа значи дека заеднички се трудиме да одговориме на сите, па и на тешки прашања и проблеми. Мораме и во иднина јасно да го препознаеме секој проблем и јавно да ја посочиме неправилноста на која наидуваме.
Како ФФМ, се трудиме фудбалот да биде модел – место каде што се почитуваат правилата и им се дава шанса на сите. Ние сме мала федерација, но добиваме многу од нашите пријатели од УЕФА и ФИФА. Тие се нашите партнери. Организации кои навистина се грижат за вистинските фудбалски вредности. Организации кои им даваат целосна поддршка на сите свои членки кои имаат за цел да реализираат значаен проект за нашиот спорт.
Во продолжение видео од прифатениот Годишен извештај на администрацијата на Фудбалската федерација на Македонија согласно стратешките планови.
-
Хороскоп1 ден
Хороскоп за вторник (23 април)
-
Хороскоп2 часа
Хороскоп за среда (24 април)
-
Македонија1 ден
Од ноќеска бензинот со нова покачена цена, дизелот се намалува
-
Lifestyle2 дена
Колку долго можеме да ја чуваме мократа облека во машината за перење?
-
Магазин2 дена
Netflix налути многу корисници со еден потег, но се покажа како одлична одлука
-
Магазин14 часа
iPhone 16 може да остане без физички копчиња
-
Магазин14 часа
Meta се затвора во Турција
-
Спорт8 часа
КМФ „Форца 2015“ е освојувач на Купот на Македонија во футсал