Скопје
Ја уценувал девојката доколку не му даде пари ќе објави компромитирачки видеа
На 25.06.2024 околу 14.30 часот полициски службеници од Единицата за насилен криминал при СВР Скопје во координација со ОЈО Скопје на територија на населба Ченто во Скопје го лишија од слобода А.О. (23) поради сторено кривично дело „уцена“ по член 259 од КЗ.
Имено, на 25.06.2024, 20-годишна девојка во СВР Скопје пријавила дека А.О. побарал од неа 300 евра за да не објави фотографии и видеа со компромитирачки материјал.
На 14.06.2024 таа веќе му дала 150 евра, но уценувањето не престанало и таа го пријавила случајот во СВР Скопје. Од страна на полициски службеници и биле дадени крим технички обработени пари и откако А.О. ги земал, бил лишен од слобода.
Од него е одземен и телефонски апарат со кој го извршил кривичното дело и поднесена е кривична пријава по брза постапка, за медиумите известуваат од МВР.
Скопје
Утре посебен режим на сообраќај поради манифестација
Утре 22.06.2024 (сабота) во 17.00 часот ќе се одржи настанот „Парада на гордоста“ во централно-градско подрачје во Скопје. Од тие причини, Одделението за безбедност на патниот сообраќај при СВР Скопје, почнувајќи од 15.00 часот, ќе преземе мерки за посебен режим на сообраќај во централното градско подрачје.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Скопје
СВР Скопје со информации за масовната физичка пресметка вчера вечер
На 17.06.2024 во СВР Скопје било пријавено дека во 22.30 часот на подрачјето на Карпош, поради нарушени меѓусоседски односи, настанала физичка пресметка помеѓу Ф.Ј.(22), Б.Ј.(39) и тројца малолетници од една страна и Е.Г.(52), Г.Г.(23) и Х.Т.(29) од друга страна, сите од Скопје, при што биле употребени тврди и метални предмети. Подоцна било пријавено дека околу 01.55 часот во Ургентниот центар во Комплексот клиники „Мајка Тереза“, додека Д.Ј.(52) со роднините С.Ј.(25) и И.Д.(38) чекал резултати за неговиот повреден син во претходната пресметка, биле физички нападнати од Е.Г.(52), Б.С.(43), А.С.(48), Б.С.(44) и И.Г.(36), при што употребиле метални и тврди предмети. Набргу, по преземени мерки, полициски службеници од Единицата за интервентна полиција при СВР Скопје на подрачјето на Центар ги лишиле од слобода Е.Г., Б.С., А.С., Б.С. и И.Г.. Додека, во Полициската станица Карпош биле приведени Ф.Ј. и Б.Ј. и тројцата малолетници.
По целосно документирање на случајот против лицата ќе биде поднесена соодветна пријава, известуваат од МВР.
Скопје
Посебен сообраќаен режим поради атлетска трка денес во Скопје
СВР Скопје ги известува граѓаните на Скопје дека на 09.06.2024 (недела) од 06.30 часот до 11.30 часот, поради одржување на атлетска трка, насловена како „Зегин Аеродром Ран“, од страна на Единицата за безбедност на патниот сообраќај при СВР Скопје ќе бидат преземени мерки за посебен режим на сообраќај по сообраќајниците каде ќе се движат натпреварувачите.
Притоа, стартно – целната позиција на трката е од бул. „Јане Сандански“ (десна коловозна лента), потоа на потегот од крстосница со бул. „Србија“ и бул. „Видое Смилевски Бато“ до крстосница со ул. „Владимир Комаров“, на дел од ул. „Васко Карангелевски“ (во двете насоки на движење), на потегот од крстосница со бул. „Јане Сандански“ до крстосница со бул. „АСНОМ“ како и на дел од бул. „АСНОМ“ (десна коловозна лента) и на потегот од крстосница со бул. „Киро Глигоров“ и бул. „Србија“ се до крстосница со ул. „Васко Карангелевски“.
СВР Скопје апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
-
Хороскоп1 ден
Хороскоп за четврток (27 јуни)
-
Кичево17 часа
„Турнир во мал фудбал“ с.Вранештица – Кичево, традиција, спорт, дружење и одличен амбиент. Од денес официјално започнува пријавувањето на екипите, биди дел!
-
Хороскоп7 часа
Хороскоп за петок (28 јуни)
-
Кичево14 часа
(ФОТО+ВИДЕО) Предмалку ТППЕ Кичево изгаси пожар кон кичевско Раштани, опожарена беше сува трева
-
Временска прогноза9 часа
Од утре по свежо, пред нас стабилен викенд без врнежи од дожд со температури до 30 степени, ова се метео вестите..
-
Lifestyle18 часа
Зошто сонот е суштински за вашето здравје: науката зад спиењето
-
Магазин2 дена
SpaceX започнува со продажба на Mini Starlink
-
Магазин18 часа
Google го завршува бесконечното скролување