Кичево

(ФОТО) „Рурална Коалиција“ денес во Кичево ја реализираше јавната дебата, каде заклучок и препорака беше дека треба да се работи на стратешки мерки и активности

Објавено пред

2 години

на

октомври 25, 2023

Од

Порта.мк

Денес во фоајето на „Хотел Кичево“ се реализираше претходно најавената јавната дебата во организација на „Рурална Коалиција“. Свој придонес кон дебатата дадоа и претставници од политичките партии, подрачната единица на Министерството за земјоделство, шумарство и водостопанство, а како да направиме успешен кризен менаџмент и како да се креираат мерки во мирно време кои што ќе може да бидат употребени за време на криза, свои препораки дадоа и до Регионалниот центар за управување со кризи Кичево.

– Од општина Кичево напоменаа дека согласно буџетот со кој што располагаат општината вложува максимално во делот на зголемување на енергетската ефикасност на јавните институции, а се вложува и во социјалната заштита и обезбедувањето со храна на сите жители на општината. Од Регионалната комора на Стопанската комора на Република Македонија говореа дека ефектите особено се почувствувани во локалниот бизнис сектор, а како пример беа особено истакнати празните дуќани кои што не работат, нивите кои што не се обработуваат и се помалиот број на жители и млади во општината.

– Главните заклучоци и препораки од дебатата беа дека треба да се работи на планирање и спроведување на стратешки мерки и активности кои што ќе донесат до подолгорочен развој во локалната заедница, понатаму дека е потребно да имаме одржливо користење на сите ресурси со кои што располагаме како локална заедница, а здруженото делување како локални чинители со меѓусебно надополнување со капацитети и знаења е единствениот начин како да ја подобриме и унапредиме локалната економија со локалните ресурси со кои што располагаме.

Јавната дебата беше организирана како еден од завршните настани во рамките на проектот „Мониторинг, оценка и предлози за антикризни мерки во услови на тесен буџет“, поддржан од Владата на Швајцарија преку Цивика Мобилитас.

Порта.мк заедно со другите медиумските екипи исто така беше дел од јавната дебата:

Следно

На Китино Кале во Кичево ќе се разговара за културата и уметноста

Не пропуштај

„Рурална Коалиција“ денес во „Хотел Кичево“ организира јавна дебата „Како до отпорна и одржлива локална заедница во услови на криза?“

Кичево

(ФОТО) Во с. Челопеци кичевско изгаснат бил избувнат пожар на стрниште речиси до живеалишта

Објавено пред

4 дена

на

август 4, 2025

Од

Порта.мк

©porta.mk

ТППЕ Кичево и денес со полни раце работа, имено како што известуваат до нашиот медиум, околу 17ч добиле повик за итна интервенција во кичевското село Челопеци, каде горела површина со стрништа лоцирана близу до куќите.

Со едно противпожарно возило и четири пожарникари за среќа истиот бил брзо санкциониран.

Апел за поголемо внимание!

Прочитај повеќе...

Кичево

Викендов во Кичево СВР Охрид и ОВР Кичево реализираа „Соседска патрола“

Објавено пред

4 дена

на

август 4, 2025

Од

Порта.мк

©porta.mk

Викендов во Кичево, Секторот за внатрешни работи Охрид и ОВР Кичево, ја реализираа превентивната кампања „Соседска патрола“.

Мешаните патроли составени од полициски службеници од Одделението за превенција, од Советот на родители, новинари/медиуми и други претставници, во рамките на оперативниот план „Безбедно лето 2025“, во Кичево, извршија превентивна обиколка на угостителските објекти, како и местата на отворен простор каде, во ноќните часови најчесто се собираат и задржуваат младите.

Целта на кампањата е, родителите да видат каде и како младите се забавуваат во ноќните часови, какви се условите каде што излегуваат, кои угостителски и други јавни места најчесто ги посетуваат, кои се можните проблеми со кои се соочуваат и како полициските службеници, практично ги применуваат своите полициски овластувања.

СВР Охрид / ОВР Кичево и претставници на медиумите

Практично мотивот е преку широка општествен аакција да се зацврсти партнерскиот однос меѓу полицијата и граѓаните, да се придонесе кон зголемување на степенот на безбедноста, да се намалат можните инциденти на местата каде што се забавуваат младите, да се подигне нивната општествена свест и совест за одговорно однесување во угостителските објекти и на јавните места како и доследно да се почитуваат законските одредби, пред се од Законот за прекршоци против јавниот ред и мир, за угостителска дејност и сл, за Порта.мк извести портпаролот на СВР Охрид, Стефан Димоски

Прочитај повеќе...

Кичево

(ФОТО) Вчера официјално заврши дводневниот музички настан во Кичево, каде домашните музички имиња беа дел од одличните гала вечери!

Објавено пред

6 дена

на

август 2, 2025

Од

Порта.мк

©porta.mk

Вчера и официјално се реализира и завршната гала концертна вечер во Кичево. „Addicted“ и Бојан Трајкоски, Алексо Тришоски, Бранислав Стојаноски, Бојан Дамјаноски & „The Twins“, Тоше Анѓелески, Распеани Кичевчани и Дарко Танески „Трубачко“ повторно ја разгорија сцената.

Упатуваме благодарност до сите посетители, да се надеваме дека традицијата ќе продолжи!

Мал дел фотогалерија преку објективот на Александар Тасески „Ace Records“