Здравје и убавина
Како да ја спречите дехидрацијата на вашиот организам?

Дехидрацијата се појавува кога на нашето тело ќе му недостасуваат течности, а тоа е многу опасно доколку имаме слаб имунитет. Главната цел во решавањето на дехидрацијата е што побрзо да ја надополниме течноста, солта и минералите кои се изгубени. Слатките сокови и газираните пијалоци не се вистински микс за потребите на телото.
За спречување на дехидрацијата Светската здравствена организација препорачува посебен рехидратациски раствор (ОРС). Имено, тој содржи балансирана комбинација на вода, соли, шеќер, калиум и останати потребни елементи. Рехидратацискиот раствор се дава во зависност од телесната тежина, стапката на самата дехидрација, најпрво во мали количини, а понатаму во се поголеми. Потребно е растворот да се зема што почесто за да има подобро и побрзо влијание.
Се до денес, ОРС им го спасил животот на најмалку два милиони луѓе и воедно се смета за еден од најважните достигнувања во медицината во 20 век.
Повраќањето и дијареата се две најчести причини за дехидратација. Симптом може да биде и зголеменото потење, а тоа се јавува кога телото самостално сака да се олади. Причите за претерано и појачано потење можат да бидат разни, но воглавно тоа е зголемена температура. Поради таа причина кај болните се препорачува поголемо конзумирање на течности. Така ризикот за дихидрација е сведен на минимум.
Дехидрацијата ќе ја препознаете по силната главоболка, сувата кожа и усните, намаленото потење, зголемената телесна температура, заморот и гадењето/повраќањето. Дехидрацијата на самиот почеток не е толку опасна, лесно може да се спречи, меѓутоа, доколку не се излечи на време преминува во тежок облик. Таквиот облик на дехидрација може да доведе до бессознание, кома, откажување на органите, а во најтешкиот облик и до смрт.
Здравје и убавина
Киселини во желудник: Седум намирници за спас кои ја гасат „огнената“ болка

Киселините во желудникот се симптом на болести во дигестивниот систем или на несоодветна исхрана кои се проследени со непријатно печење и болка зад градната коска. За среќа, и за нив постои олеснување, а тоа доаѓа во облик на овие производи.
Храна која ги смирува киселините во желудникот:
Чај од ѓумбир
Зовријте во вода исчистен и исечкан корен ѓумбир (со големина на палец), оставете го да отстои 10-тина минути, па испијте. Оваа напивка е делотворна против разни видови воспаленија, а ќе ги смири и киселините во желудникот.
Банани
Ако ги чувствувате симптомите на непријатните киселини во желудникот, изедете банана. Ова тропско овошје содржи минимални количини киселини, па така го штитат и смируваат надразнетиот желудник.
Бадемово млеко
Оваа здрава алтернатива на класичното кравјо или козјо млеко помага во неутрализирање на киселините во желудникот. Со бадемовото млеко изматете „смути“ во кое секако додадете јагоди, банани и спанаќ.
Овесни снегулки
Иритираниот желудник сака храна богата со прехранбени влакна како овесни снегулки. Наутро почнете со чинија снегулки кои ќе ви дадат енергија во текот на денот и ќе ја згаснат секоја евентуална болка.
Коморач
Во врела вода ставете две лажици семки од коморач. Оставете да отстои половина час, зачинете со мед и испијте. По консумирањето на оваа напивка ќе немате проблеми со киселините во желудникот.
Кефир и алое
Лажица сок од алое вера измешајте со кефир и изедете за појадок. Оваа одлична комбинација која го смирува системот за варење, а покрај тоа е мошне вкусна.
Лиснат зеленчук
Со зеленчукот е тешко да згрешите. Јадете што повеќе лиснат зеленчук како целер, брокули, карфиол и аспарагус кое содржи малку киселини па се добри во борбата против желудочните киселини.
Здравје и убавина
Дали знаете дека кафето штити од цироза на црниот дроб?

Секојдневното консумирање кафе штити од цироза на црниот дроб, заклучуваат британските научници во студијата објавена во магазинот Alimentary Pharmacology & Therapeutics. Научниците од универзитетот во Саутемптон ги анализирале податоци од девет долгорочни истражувања спроведени врз речиси половина милион луѓе од шест држави.
Цирозата на црниот дроб е тешка болест којашто може да биде фатална, бидејќи значително ја зголемува можноста од затајување на функцијата на црниот дроб и појавата на рак.
Притоа заклучиле дека зголеменото консумирање кафе значително го намалува, речиси за половина, ризикот од заболување од цироза на црниот дроб. Шест повеќе шолји кафе, ризикот е помал, тврдат научниците. Според нив, два дополнителни филџани кафе во денот го намалуваат ризикот од цироза за 44 отсто.
Научниците појаснуваат дека кафето, освен кофеинот, содржи и многу биолошки активни состојки, како што се материите кои помагаат против воспаленијата. Освен индиректниот биохемиски ефект, кафето има и директна улога во заштитата од цироза, бидејќи разните состојки откриени во кафето ги блокираа вирусите хепатитот Б и Ц, а кафето го намалува и појавата на дијабетес од типот 2.
Во студијата се заклучува дека врските меѓу зголемените дневни консумации на кафе и намалениот ризик од цирозата на црнито дроб е голена, и е поголема отколку кај многу лекови кои се користат за превенција на оваа болест. Покрај тоа, спротивно од дејството на многу медикаменти, кафето нема ниту одблизу толку несакани појави.
/denar
Здравје и убавина
Зошто не треба да го задржувате кивањето во себе, како грда навика

Не можеме да го контролираме кивањето, а тогаш доаѓа до низа рефлексни активности, за чии последици и не размислуваме. Сите ги затвораме очите додека киваме, дури и кога се обидуваме да го спречиме или ублажиме. Со кивањето како што веќе знаеме ги исфрлуваме сите лоши честички насобрани со дишењето, срцето тогаш работи побавно, затворањето на очите е природен рефлекс. Еве што следува потоа:
– Бактериите кои тогаш ги исфрлуваме се движат 160 километри на час и речиси никој во опкружувањето не може да им „избега“, бидејќи имаат домет до десет метри.
– И на ноздрвите им е потребно „ресетирање“, како и на компјутерите, со кивањето ги исфрлуваме сите лоши честички насобрани со дишењето.
– Причините за кивањето се бројни: сончева светлина, хартија, студен воздух, бибер, алергии…
– Затворањето на очите е природен рефлекс и не може да се контролира.
– Срцето тогаш работи побавно, што поголем дел од луѓето тоа не го регистрираат. Тоа е последица на длабокото вдишување пред и стимулации на нервите во текот на кивањето.
– Никогаш немојте да го задржувате здивот, за да бидете потивки, бидејќи може да дојде до пукање на капиларите во очите, како и до проблеми со дијафрагмата. Ако сакате да го спречите кивањето, истрлајте го носот, притиснете ја со прстот кожата над горната усна и силно издишете низ носот, советуваат експертите.
-
Кичево2 дена
„Супра Психолошкиот Центар“ во соработка со кичевската ПЗУ „Супра Медика“ организира бесплатно пријавување на луѓе за поддршка на болни од малигни заболувања
-
Хороскоп8 часа
Хороскоп за петок (14 февруари)
-
Кичево2 дена
Полициски службеници од ОВР Кичево одржаа едукативни работилници во ООУ „Санде Штерјоски“, на тема „Булинг и сајбер булинг“
-
Хороскоп1 ден
Хороскоп за четврток (13 февруари)
-
Здравје и убавина16 часа
Киселини во желудник: Седум намирници за спас кои ја гасат „огнената“ болка
-
Временска прогноза2 дена
Доаѓа снежен бран на високите места, најпрво ќе резултира со дожд со умерен интензитет
-
Lifestyle2 дена
Како да се спречи губењето на колаген? 6 едноставни навики за поздрав изглед
-
Lifestyle2 дена
Прополис и топол пијалок – природен начин за чистење на белите дробови и синусите