„Дали е вистина дека четката за заби треба да се менува секој месец?“, гласи прашањето на заинтересираните лица. Денталната хигиена, освен правилното миење на забите и користењето на соодветна паста, вклучува и соодветна четка за заби која треба да ја менувате секој месец. Апсолутно да!

Можеби ви изгледа нереално и претерано, но на четкичката за заби можат да се насоберат околу 10 милиони бактерии вклучувајќи и ешерихија коли и стафилокока. Нормално, освен тоа што е потребно да ја менувате често, важно е и каде ја чувате.

И покрај редовната промена која ќе ја вршите, ви препорачуваме и внимателност при изборот на соодветна паста за заби која содржи триклосан/кополимер, бидејќи пдобро ги убиваат бактериите. Исчистете ја повремено четката со антибактериска течност за плакнење на устата, а некои советуваат и да ја измиете во машина за садови, со цел да ја стерилизирате.

Никогаш не ја чувајте во пластично заштитно капаче, бидејќи така по користењето се задржува влажноста подолг период и развојот на бактерии е поголем.

Извор: denar.mk

Ако одржувате орална хигиена, но сепак имате лош здив, обидете се да го отстраните со помош на овој напиток. Станува збор за вода со додаток на овошје богато со витамин Ц, кое ја зголемува киселоста во устата и така ја намалува можноста за развој на бактерии.

Состојки:

– 2 литри обична природна вода

– 1-2 големи портокали

– 3 киви

– 5 јагоди

– сок од половина лимон или лимета

Начин на подготовка:

Измијте го овошјето, отстранете ја кората и сечете го овошјето на парчиња по желба. Додадете го овошјето во водата, сокот од лимон и оставете го напитокот најмалку еден час во фрижидер. Послужете со коцки мраз и лисја од нане, кои исто така се одлични отстранувачи на лош здив.

Извор: денар

„Суперпроизводи“ според нутриционистите како видови на храна се едни од главните фактори за нашето здравје. Заради нивните добри состојки не смеете да си дозволите да ги немате на домашната трпеза, а истата особено се препорачува ако сакате да симнете некој килограм повеќе.

Грав и леќа

Гравот и леќата се дел од најпопуларните производи меѓу нутриционистите. Тие се на добар глас затоа што се богати со протеини, магнезиум, железо и цинк.

Нив можете да ги консумирате на многу начини, како што е во салата или чорба на пример. Ако сакате да симнете некој килограм, диета базирана на мешунки е одличен избор. Ваквата диета ќе ви помогне да го намалите лошиот холестерол.

Сладок компир

Слаткиот компир се смета за храна богата со калории и јаглехидрати и затоа многумина го заобиколуваат. И тука грешат. Нутриционистите советуваат да го консумирате слаткиот компир затоа што е еден од најдобрите зеленчуци. Тој е богат со витамин Ц и бета каротен.

Лубеница

Бидејќи лубеницата е блага, многу луѓе ја одбегнуваат затоа што мислат дека е преполна со шеќер. Напротив, препорачливо е да ја консумирате заради многу причини. Најголемата причина е што е богата со вода и со тоа ја задоволува потребата на организмот за течност.

Домати

Доматите се богати со ликопен кој му помага на организмот во борбата со неколку типови на рак. Добрата вест е што не морате да ги јадете само свежи. Можете и да ги консумирате зготвени, а сепак нема да загубите ништо. Дури можете да консумирате и домати кои се конзервирани.

/denar