Временска прогноза
Какво време нè очекува, преку ден ведро и ладно, на вечер минусни температури

Под влијание на влажен и многу постуден воздух од север, како што најавивме ќе го донесе првиот снег и на пониските места и тоа особено утре и во понеделник, особено во западните предели каде се очекува на повисоките места и на планините формирање на снежна покривка од над 15 цм, додека во населените места (градовите) понекаде ќе се формира снежна покривка од 5 до 10 цм.
Температурите ЗНАЧИТЕЛНО ќе се намалат и максималните дневни температури на воздухот ќе се искачуваат во интервалот само од 1 до 9 степени во најтоплите централни и југоисточни предели од државава.
Минималните температури пак ќе се спуштаат во интервалот од -3 до 4 степени.
Во Скопскиот регион се очекува снег само на поголема надморска височина, односно особено на околните планините.
НАПОМЕНА: Во некои пониски места (градови) и тоа особено во централните и југоисточните предели ќе врне дожд.
Потоа во текот на следната седмица очекуваме ЗНАЧИТЕЛНО ПОСТУДЕНО време и барем одсега гледано ќе има нови врнежи, но сепак детали околу ова овие денови.
Пишува Славчо Попоски
Временска прогноза
Еве какво време не очекува во текот на седмицата, сончеви периоди со засилен северен ветер, додека наутро температурите….

Под влијание на поларна воздушна маса која се спушта од север, во текот на седмицата која што ни претстои ќе имаме многу студено и суво време (сув студ). Ќе биде променливо облачно со сончеви периоди, а само денес локално ќе провејува и снег.
Особено денес и утре ќе дува ЗАСИЛЕН, повремено и СИЛЕН ветер од северен и од северозападен правец (повремено со брзина од над 80 км/час).
Наутро температурите на повеќе места ќе се спуштаат и до околу -10 степени, понекаде и до околу -15 степени, додека на високите планински места на северозапад дури до околу -20 степени.
Во Скопје исто така ќе имаме променливо облачно време со засилен ветер од северен правец. Ќе биде и доста студено со минимални температури до околу -5 степени. Ниски ќе бидат и максималните дневни температури кој ќе се искачуваат во интервалот помеѓу 0 и 2 степени.
За нашиот медиум известува Попоски..
Временска прогноза
Од вечерва поларна воздушна маса и олуен ветер на нашата територија

Почнувајќи од денес попладне и навечер, па во текот на следната седмица територијата на Македонија ќе биде под влијание на ПОЛАРНА воздушна маса од север. Сето ова ќе биде проследено со СИЛЕН , повремено и ОЛУЕН ветер од северен правец (над 80 км/час, на планините и до околу 100 км/час). Токму поради ова препорачуваме КРАЈНА ПРЕТПАЗЛИВОСТ поради можни штети.
Во текот на денешната вечер и ноќ температурите НАГЛО ќе опаднат и во следните денови потоа наутро на повеќе места ќе се спуштаат до околу -10 степени, понекаде и до околу -15 степени, додека на високите планини на северозапад температурите ќе се спуштаат и под -15 степени.
Утре локално сеуште ќе провејува снег, додека во текот на следната седмица ќе имаме претежно стабилно, суво и МНОГУ СТУДЕНО време (претежно сув студ).
Во Скопје и околината исто така ќе има послаби врнежи претежно од снег а ќе започне да дува и СИЛЕН северен ветер. Температурите од денешната ноќ НАГЛО ќе опаднат и ќе бидат под нулата (близу -10 степени наутро). Максималните температури исто така ќе се задржат околу или под нулата.
Пишува Славчо Попоски
Временска прогноза
Попоски истакна вонредно метео, доаѓа студ и температури до -15 степени, снег некаде и на пониските места..

Под влијание на брз влажен и студен воздушен бран од север во текот на оваа ноќ и во раните утрински часови од утрешниот ден на повеќе места ќе има врнежи претежно од снег, само на некои од пониските места ќе има врнежи од дожд и снег или влажен снег а ќе започне да дува и умерен до засилен ветер од северен правец.
На планините и на повисоките места ќе дојде до зголемување на веќе постоечката снежна покривка. Мала снежна покривка ќе се формира понекаде и во пониските места (градови).
Потоа нови локални врнежи претежно од снег ќе има во сабота. За време на викендот на многу места ќе дува ЗАСИЛЕН, повремено СИЛЕН ветер од северен правец (над 80 км/час).
Во Скопје и околината оваа ноќ према изутрина и повторно во сабота ќе има повремени врнежи од дожд и снег или влажен снег. Ќе дува ЗАСИЛЕН, повремено СИЛЕН ветер од северен правец.
Минималните температури на повеќе места ќе се спуштаат под нулата, додека максималните ќе се искачуваат во интервалот од 3 до 12 степени.
Поради продор на МНОГУ СТУДЕНА воздушна маса од север, од недела, па во текот на следната седмица ќе имаме МНОГУ СТУДЕНО време со МНОГУ НИСКИ температури на воздухот и истите наутро ќе се спуштаат под -10 степени, понекаде и до околу -15 степени. Максималните дневни исто така понекаде ќе се задржат под нулата и ќе се искачуваат во интервалот од -3 до 5 степени.
Пишува Славчо Попоски.
-
Хороскоп15 часа
Хороскоп за понеделник (6 февруари)
-
Хороскоп2 дена
Хороскоп за недела (5 февруари)
-
Временска прогноза1 ден
Еве какво време не очекува во текот на седмицата, сончеви периоди со засилен северен ветер, додека наутро температурите….
-
Кичево2 часа
Во Кичево вчера најмногу казни за пречекорување на брзина..
-
Занимливости18 часа
Неколку трикови успешно покажани за откажување на пушењето цигари
-
Свет2 дена
Илон Маск на суд ги победи акционерите на „Tesla“
-
Скопје1 ден
Утре посебен режим на сообраќај во Скопје
-
Магазин3 часа
Првата генерација на iPhone во фабричко пакување понуден на аукција