Во втората половина од претстојната ноќ према утринските часови кон утрешниот ден, како и утре поради продор на влажен бран од југ во присуство на студен воздух од север на повеќе места ќе има врнежи од снег. Повремено врнежите ќе бидат ПОИНТЕНЗИВНИ, особено во јужната и источната половина од државава. Ќе дојде до зголемување на снежната покривка за 10 до 15 цм и тоа на повисоките и планинските места каде што веќе ја има, локално и до 20 цм.

На пониските места од истокот и од југот ќе се формира снежна покривка и на пониските места (локално од 5 до 10 цм снег). Барем според сегашните анализи најмалку снег, или ни малку ќе добијат централниот дел од Македонија, како и Охридско – Струшкиот регион, иако и таму има помали услови за малку да побеле.

Во Скопје дожд, повремено дожд и снег или мокар снег и без некоја снежна покривка.

НАПОМЕНА: На пониските места понекаде ќе има појава на лапавица (дожд и снег).

Што се однесува до претстојната ноќ према утринските часови од утрешниот ден од Медитеранот на повеќе места ќе има нови врнежи од дожд и снег на пониските места (градовите) и само снег на повисоките места и на планините, каде снежната покривка дополнително ќе се зголеми. Овој пат појава на мокар снег понекаде ќе има и во градовите, особено во јужниот, западниот и источниот дел од Македонија и таму се очекува формирање на мала снежна покривка (локално од 5 до 10 цм).

Врнежите ќе продолжат и утре, како и во петок, а посуво време барем одсега гледано ќе има за време на викендот.

Температурите наутро ќе се спуштаат во интервалот од -4 до 2 степени, додека максималните дневни ќе се искачуваат во интервалот од -1 до 7 степени.

Постудено особено наутро ќе биде за време на викендот и тогаш минималните температури насекаде ќе се спуштаат под нулата, а понекаде ќе се спуштат до околу -10 степени, на планинските места и под -10 степени.

Во Скопје ќе има врнежи од дожд со овој нов влажен Медитерански бран, но не се исклучува можноста повремено да има и појава на дожд и снег во делови од котлината, особено во повисоките предели. На околните планини ќе врне само снег.

За порта.мк истакна Славчо Попоски.

Снежната покривка на скијачкиот центар Попова Шапка денес изнесуваше 60 цм. Со оглед на тоа дека и понатаму ќе бидеме под влијание на серија на влажни воздушни бранови од Медитеранот, на овој скијачки центар снежната покривка ЗНАЧИТЕЛНО ќе се зголеми (за над 20 цм).

Снежната граница доцна попладнево и во текот на ноќта ќе се спушти на околу 1000 м.н.в. Не се исклучува можноста истата локално да се спушти и под 1000 метери, особено на запад и север од Македонија. Снежната покривка ќе се зголемува и на останатите планински места во Македонија, особено на западот од истата.

Локално во следниот период повторно се очекува да наврне ЗНАЧИТЕЛНО количество на воден талог (над 40 л/м2).

Температурите наутро ќе се спуштаат во интервалот од -4 до 5, додека максималните дневни исто така ќе бидат релатино ниски и ќе се искачуваат во интервалот од 2 до 11 степени во крајните југоисточи предели од нашата држава.

Ветерот ќе го имаме и ќе биде со слаб до умерен интензитет и претежно од источен и од југоисточен правец. Повремено до крајот на денешниот ден и тоа Долж Повардарието истиот ќе повремено ЗАСИЛЕН на интензитет.

За порта.мк пишува Славчо Попоски од метеоаларм.