Репрезентацијата на Македонија до 14 години во рамки на денешниот ден беше поразена од соодветната селекција на Словенија со резултат од 1:3, во првата контролна средба одиграна на тренинг центарот „Петар Милошевски“.

За нашата репрезентација во првиот тим настапија: Марио Стојковски, Давид Рамадан, Филип Богоевски, Давор Таневски, Дин Розојац, Калин Аврамовски, Борис Матески, Дин Баталовски, Јован Јанчевски, Борјан Костовски, Виган Таири, Огнен Божиновски

Важно за нас како кичевчани е тоа што на денешниот натпревар настапија двајца членови на нашиот фудбалски клуб „ФК Кичево“. Во почетниот состав беше нашиот капитен Борис Матески, додека во вториот дел од натпревар шанса доби и вториот наш фудбалер Павел Димоски, така што оваа прилика ја користиме да им честитаме за одличната игра и деби во националниот состав и да им посакаме повеќе среќа во вториот контролен меч со истата репрезентација во (15 мај) четврток, закажан од 11:00ч на стадионот „Петар Милошевски“

Галерија преку нашиот објектив:

Фудбалската федерација на Македонија (ФФМ) продолжува со интензивна постапка за утврдување на неправилностите поврзани со натпреварот од 28. коло во Втора МФЛ меѓу ФК Кожуф и ФК Башкими.

По добиени сознанија и укажувања од раководителот на одделот за безбедност и заштита на интегритетот во рамки на ФФМ, веднаш беше отпочната постапка, а изјавите од службените лица на натпреварот се веќе добиени.

Тие се прецизни и јасни и укажуваат на тоа дека натпреварот има сериозни нарушувања на интегритетот.

Очигледните неправилности кои се евидентирани се причина Комисијата за натпреварување да не го регистрира натпреварот, односно бодовите од истиот не се заведени.

Истовремено, двата клуба се предадени на дисциплинска постапка.

ФФМ ќе ги искористи сите можни средства согласно своите овластувања за целосно расчистување на овој срамен случај кој фрла сериозна дамка врз фудбалот во Македонија.

Ќе се започне со прибирање изјави од сите лица за кои ФФМ има сознанија дека биле инволвирани во случајот, вклучително и фудбалери за кои постојат индиции за вмешаност.

Притоа, посочуваме дека секој обид за лажно давање изјава ќе сноси соодветна одговорност согласно законските прописи.

Собраниот доказен материјал до овој момент е доставен до архивското одделениe при Министерството за внатрешни работи (МВР).

Дополнително, за случајот е информирана УЕФА, која внимателно го следи развојот на настаните.

ФФМ ја уверува јавноста дека ќе ја истера постапката до крај и ќе следуваат драстични казни за сите за кои ќе се докаже дека се вмешани во нарушување на интегритетот на натпреварувањето, стои во интегралното соопштение на Федерацијата, кое ви го пренесовме во целост.

Фудбалската федерација на Македонија (ФФМ) со длабоко разочарување и огорченост го следеше натпреварот помеѓу ФК Кожуф и ФК Башкими од Втора МФЛ.

– Сцените што сите ги видовме на теренот и однесувањето на поединци претставуваат директна навреда за фудбалот, за фер-плејот и за сите што со чесна намера учествуваат во спортот, истакнаа од ФФМ.

Прочитајте повеќе на официјалниот натпис од ФФМ, во продолжение ТУКА