Спорт
Каранфилоски од тренинг кампот во Кичево: Огромна чест и задоволство да се работи со овие фудбалери

Младата репрезентација на Македонија до 16 години (фудбалери родени 2006 година), моментално се наоѓа во Кичево на тренинг камп, каде што ќе се проверува и подобрува моменталната физичка форма на играчите пред претстојните предизвици.
Младата селекција предводена од селекторот Раде Каранфилоски кон крајот на август ја очекуваат два контролни натпревари против силната Турција.
Селекторот на младата репрезентација на Македонија до 16 години, Раде Каранфилоски даде свое видување и коментар за тренинг кампот во Кичево и претстојните натпревари што ја очекуваат оваа селекција
„ Организираме тренинг камп во Кичево се со цел да се провери и подобри моменталната форма на младите фудбалери. Ќе го искористиме овој период да се подобриме и на технички и тактички план во пресрет на меѓународните мечеви што не очекуваат кон крајот на месецот.
„ Наредната година, оваа генерација ја очекуваат квалификациите за пласман на Европско првенство. Овие тренинг кампови се од голема важност, како и самите меѓународните натпревари со другите селекци. Само така можеме континуирано да напредуваме, да растеме и созреваме како тим и подготвени да ги дочекаме претстојните квалификации.
„ Верувам максимално во оваа генерација, овие млади фудбалери поседуваат голем квалитет. Проблем за подигнување на квалитетот на оваа селекција претставува фактот што не успеа да се формира посебна паралелка за оваа генерација во рамките на ФФМ Академијата, поради мерките што беа превземени во времето на Ковид пандемијата.
„ Претставува голема чест и задоволство да се работи со најдобрите и најталентирани играчи во својата генерација, но нивниот развој и напредок најмногу ќе зависи од самите нив, како и тренажниот процес во нивните клубови.
Тренинг кампот на младата репрезентација на Македонија до 16 години ќе биде до 16 август. На 28 август, на програмата е првата контролна средба против силната селекција на Турција.
Спорт
(ВИДЕО) Кристијано Роналдо, капитенот на португалската репрезентација и фудбалер на „Ал Наср“ официјално најдобар на сите времиња!

Кристијано Роналдо, капитенот на португалската репрезентација и член на Ал Наср, доби уште едно големо признание. На свеченоста што ја организираше Португалската лига, му беше врачена наградата за „најдобар фудбалер на сите времиња“.
Во образложението се истакнува дека Роналдо е „незаменлива фигура во спортот и идол за милиони, па дури и милијарди луѓе“, како и дека „оставил неизбришлив белег и обележал цела ера во светскиот фудбал“.
– „Неговата работна етика, борбеност и решителност во клучни моменти го прават повеќе од играч со бројки. Со индивидуалните рекорди, трофеи со тимовите и огромното медиумско влијание, тој создаде наследство што го става на врвот – како најголем на сите времиња“, беше наведено во образложението.
Поради обврски со клубот, Роналдо не присуствуваше лично на церемонијата, но ТУКА испрати видео порака:
„Сакам да им се заблагодарам на сите мои соиграчи, без кои немаше да го освојам овој значаен трофеј. Исто така, сум благодарен на сите тренери и луѓе кои ми помогнаа во текот на кариерата постојано да се усовршувам.“
Роналдо го држи рекордот за најмногу настапи и голови за национален тим. Пред само два дена, во триумфот на Португалија против Унгарија (2:3), тој го одигра својот 223-ти натпревар и го постигна 141-виот погодок за репрезентацијата.
Од своите почетоци во Андориња, преку Насионал, Спортинг Лисабон, Манчестер Јунајтед, Реал Мадрид и Јувентус, до Ал Наср, Роналдо има одиграно 1.065 натпревари и постигнато 802 гола на клупско ниво. Освоил вкупно 31 трофеј, од кои три со Португалија, и повеќе од 60 индивидуални признанија.
Единствената недостижна цел останува светската титула со националниот тим, а последната можност за тоа 40-годишниот ас ќе ја има на Светското првенство во 2026 година.
Спорт
Македонија до 21 година вчера не ја искористи шансата со играч повеќе и загуби од Италија на стадионот „Петар Милошевски“ во Битола

Македонската фудбалска репрезентација до 21 година запиша нов пораз во квалификациите за Европското првенство, овојпат на домашен терен против силната Италија. По неуспехот во Полска, избраниците на селекторот Горан Станиќ во Битола минимално загубија со 0:1, иако играа со играч повеќе повеќе од едно полувреме.
Пред околу 8.000 гледачи на стадионот „Петар Милошевски“, пресуден беше голот на Лука Марианучи во 35-тата минута. Италијанецот се снајде најдобро по мешаница во шеснаесетникот и со прецизен удар ја затресе мрежата на Василев.
Влезот на Елези и Ѓоргиевски во вториот дел донесе поголема агресија во играта на младите „црвено-жолти“. Македонија притискаше преку Хамза, Николовски и Гаштаров, создаде неколку шанси и во 55. минута побара пенал по игра со рака, но судијата остана нем.
И покрај бројната предност и огромната поддршка од трибините, нашата селекција не успеа да стигне до израмнување и остана без бодови.
📌 Резултат: Македонија – Италија 0:1 (0:1)
⚽ Стрелец: Марианучи 35’
🏟 Стадион: „Петар Милошевски“ – Битола
👥 Гледачи: околу 8.000
Спорт
Англиската репрезентација со четири победи вечерва со фаворитски статус во Белград пред Србија

Српската фудбалска репрезентација вечерва ќе биде домаќин на Англија во рамките на квалификациите за Светското првенство. Атмосферата на преполниот стадион „Рајко Митиќ“ ветува спектакл, а натпреварот ќе започне во 20:45 часот.
По триумфот во Рига, „Орлите“ со висока мотивација ќе се обидат да приредат изненадување против селекцијата која важи за главен фаворит во групата. Ова е еден од најсериозните предизвици за избраниците на Драган Стојковиќ од почетокот на циклусот, а дополнителен мотив е и желбата за реванш по тесниот пораз на Европското првенство минатата година.
Србија по првите три кола собра седум бода, и победа против Англија би можела да ја донесе во борба за врвот на табелата или барем да ја зацврсти во позиција за плејоф, имајќи ја предвид конкуренцијата на Албанија, која заостанува со два бода и има натпревар помалку.
Англичаните, пак, по четири одиграни меча имаат максимален ефект и, како и Србија, сè уште немаат примено гол. Иако нивниот напад не блескаше, тоа беше доволно за четири убедливи победи, што им носи статус на апсолутни фаворити во Белград.
Сепак, српската селекција не влегува без шанси. Поддршката од преполната „Маракана“ и тимот на Стојковиќ што игра во добра форма даваат основа за оптимизам и надеж за трета последователна победа.
– „Очекувам тежок натпревар, но верувам во моите играчи. Не давам предвидувања – мечот трае 90 минути и сè е можно. Не се плашиме од Англија, тие имаат квалитет, но и ние имаме свои адути. Ќе играме напаѓачки пред нашите навивачи и ќе ја бараме победата. Драго ми е што стадионот е распродаден, тоа е најдобар доказ за поддршката кон репрезентацијата“, за јавноста изјави селекторот Стојковиќ.
Состав на Србија за дуелот со Англија:
Голмани: Ѓорѓе Петровиќ (Борнмут), Вељко Илиќ (ТСЦ), Драган Росиќ (Војводина).
Одбрана: Никола Миленковиќ (Нотингем Форест), Страхиња Павловиќ (Милан), Срѓан Бабиќ (Спартак Москва), Страхиња Ераковиќ (Зенит), Милош Вељковиќ (Црвена звезда), Немања Стојиќ (Макаби Тел Авив), Алекса Терзиќ (Костал).
Среден ред: Саша Лукиќ (Фулам), Немања Максимовиќ (Шабаб Ал Ахли), Андрија Живковиќ (ПАОК), Лазар Самарџиќ (Аталанта), Филип Костиќ (Јувентус), Вељко Бирманчевиќ (Спарта Прага), Иван Илиќ (Торино), Урош Рачиќ (Арис), Огњен Угрешиќ (Партизан).
Напад: Александар Митровиќ (Ал Хилал), Душан Влаховиќ (Јувентус), Лука Јовиќ (АЕК Атина), Никола Штулиќ (Лече).
-
Кичево1 ден
ЕВН: Времен прекин на електрична енергија утре во следните кичевски места
-
Хороскоп21 час
Хороскоп за петок (12 септември)
-
Кичево2 дена
Денес е 11-ти септември – Ден на ослободувањето на град Кичево, далечната 1943, пред 82 години станува првоослободениот град во Македонија
-
Хороскоп2 дена
Хороскоп за четврток (11 септември)
-
Кичево1 ден
Вечерва во НУЦК „Кочо Рацин“ прва изложба на кичевчанецот Зоран Здравески насловена како „Железна поезија“, вечер на креација, инспирација и разговори
-
Хроника1 ден
Трагедија во Кавадарци: Млад жител од Кина додека извршувал работни задачи во фабрика бил удрен од кран, починал на самото место
-
Култура2 дена
Денеска е строг пост – Се одбележува празникот „Отсекување на главата на свети Јован Крстител“, според народни верувања, се јаде само посна, едноставна храна
-
Спорт1 ден
(ВИДЕО) Кристијано Роналдо, капитенот на португалската репрезентација и фудбалер на „Ал Наср“ официјално најдобар на сите времиња!