Спорт
Кичевчанецот Бојоски утре официјален учесник на овогодинешното издание „Авто-слалом“ во Прилеп по повод 11-ти октомври
Кристијан Бојоски (40) од Кичево и оваа година ќе земе свое учество на настанот по повод „Ден на народното востание на Македонија“, односно изложба на „Олд тајмери и Јанг тајмери + Авто слалом“ трка во Прилеп. Бојоски ќе се натпреварува на остварено најдобро време, додека модифицираниот „Опел Кадет“ официјално брендиран од кичевските помагатели заедно со нашиот бренд во покровителство и авто-припрема на „Adler Automotive & Аuto Start-Кичево“ е спремен за утрешниот ден.
Според официјални извори, настанот е предвиден да започне од 10:00 часот (8-ми октомври) недела, така што Ве повикуваме сите љубители на автомобилизмот да присуствувате, бидејќи главниот епицентар оваа недела ќе биде во Прилеп!
Инаку Бојоски доаѓа од својот матичен „Car Club-Кичево“, додека за него овој е трет официјален натпревар во Авто-слалом, претходно во 2021-та година ТУКА учество зеде на Авто-слалом настанот во општина Долнени каде се натпреваруваше во две класи, класа 3, класа 6 и заслужено заработи 6 медаљи што е апсолутен рекордер од своите почетоци.
– место (група 1, класа 3 над 1600 цм³)
– место (група 1, класа 3 над 1600 цм³)
– место (група 1, класа 6 над 1600 цм³)
– место (група 2, класа 6 над 1600 цм³)
– место (група 1, класа 3 над 1600 цм³)
– место (група 3, класа 3 над 1600 цм³)
– Нашиот медиум секако дека ќе го проследи овој настан и истиот ќе ви го пренесе преку официјална галерија!
– Да му посакаме среќа!
Спорт
Македонија ремизираше на пријателскиот натпревар против Летонија на „Тодор Проески“
Фудбалската репрезентација на Македонија одигра без голови на контролниот дуел против Летонија во Скопје, меч во кој создадовме неколку солидни прилики, но завршницата повторно не беше на потребното ниво.
Првата посериозна ситуација ја создаде Милан Ристовски во 14. минута, кога со вешт дриблинг се ослободи од противнички играч и биеше од дистанца, но летонскиот голман Рихард Матревичс беше подготвен. Летонците возвратија десет минути подоцна преку Гутковскис, кој по центаршут од левата страна шутираше со глава, но топката заврши крај нашиот голман Столе Димитриевски.
Летонија ја имаше најдобрата своја шанса во 70. минута, кога Икауниекс шутираше од дваесетина метри и ја погоди гредата.
До самиот крај, двете екипи не успеаја да креираат сериозни обиди, па средбата заврши со почетниот резултат.
МАКЕДОНИЈА – ЛЕТОНИЈА 0:0
Присуство: 4.000 гледачи
Главен судија: Милош Савовиќ (Црна Гора)
Жолти картони: Серафимов, Костадинов (Македонија) – Икауниекс (Летонија)
Спорт
Аталанта го разреши од должноста досегашниот тренер Иван Јуриќ
Аталанта го отпушти 50-годишниот хрватски стратег Иван Јуриќ по само 11 одиграни натпревари во Серија А, еден ден по поразот од Сасуоло со 0–3. По овој неуспех, тимот од Бергамо падна на 13-тото место на табелата со вкупно 13 освоени бода.
Јуриќ ја презеде клупата на Аталанта во јули и го предводеше тимот на вкупно 15 натпревари, од кои забележа четири победи – по две во Серија А и во Лигата на шампионите.
– „Иван Јуриќ е разрешен од должноста тренер на првиот тим, заедно со неговите најблиски соработници. Аталанта им се заблагодарува на Јуриќ и на неговиот стручен штаб за посветеноста и им посакува успех во понатамошната кариера,“ се наведува во официјалното соопштение на клубот.
Според италијанските медиуми, главен кандидат за нов тренер на Аталанта е Рафаеле Паладино.
Спорт
Кичевските арбитри Стојановски и Цветаноски ќе ја делат правдата на мечот в понеделник помеѓу „Силекс“ и „Шкупи“
Во рамките на 13-тото коло од Првата македонска фудбалска лига, овој понеделник, 10 ноември 2025 година, со почеток во 13:00 часот, на стадион „Силекс“ во Кратово ќе се одигра мошне квалитетен дуел помеѓу ФК Силекс и ФК Шкупи 1927.
Судиската екипа за овој натпревар ќе ја предводи кичевчанецот Марјан Стојановски, кој ќе ја има главната судиска должност, додека негов помошник на линијата ќе биде неговиот сограѓанин, исто така искусниот Давор Цветаноски. Втор помошен судија ќе биде Мартин Петковски од Куманово, а како четврт судија е назначен Ндерим Тефику, исто така од Куманово.
Системот за видео-помош на судиите (ВАР) ќе го раководи Пларент Салихи од Тетово, со асистенција од Гоце Петрески од Скопје, додека оператор за повторување на снимка ќе биде Жарко Пејковски, исто од Скопје.
Делегат на натпреварот е Расим Муминовиќ од Скопје, а контролор на судењето ќе биде Благој Шуклев од Стојаково.
Со оглед на значењето на натпреварот и формата на двете екипи, љубителите на фудбалот очекуваат возбудлив меч, додека искусните кичевчани, кои долги години му припаѓаат на овој спорт Стојановски и Цветаноски ќе имаат чест и одговорност да ја делат судиската правда во Кратово.
-
Хороскоп2 денаХороскоп за четврток (13 ноември)
-
Хороскоп16 часаХороскоп за петок (14 ноември)
-
Временска прогноза1 денПопоски: Следната седмица ќе имаме чести и обилни врнежи од дожд проследени со повремено силен јужен ветер
-
Lifestyle1 денКолку кафе пиете дневно? Медицината вели дека ова се безбедни количини.
-
Балкан19 часаАвион од типот „AT-802“ попладнево се срушил во близина на Сењ, Хрватска
-
Lifestyle1 денКако да ја направите вашата правосмукалка да трае подолго и да работи како нова
-
Занимливости1 денМрсната коса бара секојдневна грижа и одржување
-
Магазин1 денPinterest претстави паметен асистент со вештачка интелигенција за пребарување и инспирација

