Како и претходните години, така и оваа година „Манастир Пресвета Богородица Пречиста Кичевска Коњаница“, зема учество во Илинденскиот Марш. Коњаницата веќе 7 години го опфаќа Кичевско – Демир Хисарскиот регион и тоа: Манастирско Доленци, Србјани, Кичево, Другово, Пополжани, Видрани, Брждани, Свињишта, Козица, Прострање, Велмевци, Суво Поле, Брезово, Сопотница, Прибилци, Сладуево, Граиште, Демир Хисар, Журче, Острилци, Крушево.

Самиот Кичевско – Демир Хисарски реон е и еден од најреволуционерните реони во Илинденскиот период, каде се и првите никулци на Македонската Револуционерна Организација со револуционерната посветеност на Ѓакон Јосиф, од Пречистанскиот Манастир – Кичево и на даскалите во селските училишта кои ја подигале свеста кај младите за ропството кое го трпи Македонија.

Оттука е, и идеата за формирање на Кичевската Коњаница во 2015 година. Претходно возобновена од Кичевската Пешадија, која членувала во манифестации за чествување на Илинден уште пред осамостојувањето на Македонија.

„Кичевската Коњаница“ годинава по седми пат учествува на Илинденскиот Марш, кој трае од 31 до 2 Август (Илинден) во Крушево.

Иако именувана како Кичевска Коњаница, во неа членуваат членови од: Демир Хисар, Дебрца, Битола, Ресен и Кичево. Се тоа укажува на амбиентот во коњаницата, односно на братската врска помеѓу членовите.

„Манастир Пресвета Богородица Пречиста Кичевска Коњаница“, својот пат братски го дели со „Мавровско-Горнореканската Коњаница“, со која од 2016 година, па така секоја наредна, заедно учествуваат во марш-рутата кон Крушево.

Двете Коњаници од 28 до 31 Јули ќе поминат приближно 200 километри јавајќи на коњи. Ќе минат и предели кои се достапни само пеш или на коњ, гледајќи недопрена природа, која секоја година чека на нив.

Нашиот портал како и секоја година ќе биде дел од тимот за „Логистика“ и ќе даде максимална поддршка на Кичевската Коњаница.

Ова е целокупната „Агенда“ на случувања, предвидена на „Манастир Пресвета Богородица Пречиста Кичевска Коњаница“