Утре е ден за концерт, доаѓа Зарина Првасевда со својот ансамбл која ќе одржи спектакуларен концерт насловен „Ехо“ на песни на 4 различни јазици и каде покрај песните од истоимениот албум ќе се изведат и некои од песните кои таа претходно ги изведувала или пак од оние што следуваат на следниот албум. Зарина преку нејзините песни ни ги пренесува приказните собрани од бабите од разни села низ Македонија сите впечатоци што ја инспирирале од фолклорното наследство.

Но нејзините дела низ инструменталната и ритмичката разновидност на автентичен начин ќе ни ја претстави и културната разновидност и богатсво на Балканот.
Овој проект е во организација на НУЦК „Кочо Рацин“ – Кичево финансиран од Министерство за Култура.

Состав на ансамбл:
Ратко Даутовски – Перкусии
Андреа Мирческа – Бас
Драган Теодосиев – Тапани
Филип Михајловски – Канон
Тони Арслан – Виолина

Како што најавија, картите ќе бидат во продажба 2 часа пред почеток на концертот.

26.05.2023 (петок)
Почеток: 20:00 часот
Влез: 150 ден

Новата песна на младата и убава Кајла која е од Македонија, родена во Австралија ќе ви ги разбрани емоциите. На повидок прекрасна и силна македонска порака која мора ја да слушнете, додека на ова девојче со ангелски глас сигурно и претстои блескава музичка кариера.

Новото музичко исполнение се вика „Сила ни се песните“, музиката и аранжманот се дело на Златко Миладиноски, текстот на Анита Даева, на хармоника и кларинет Филип и Зоки Стојчевски, тапан Александар Тодоровски, додека видео менаџментот е дело на „Lou’s видео продукција“, а вистинската македонска убавина на видеото е кореографијата на прекрасниот ансамбл на „Никола Карев“ од Мелбурн.

Уживајте:

Нашите кичевчани, мајсторите за мерак музика, Спасен Сиљаноски и Дарко Стојаноски во придружба со виртуозот Мишеј Трајковски, Христијан Матлиоски и Васко Стојаноски пленат по Австралија. Речиси нема ден без концерт потполнет до последно место. Турнеа која ја чекаа нашинците подолго време веќе повеќе од пола е завршена, тие што присуствуваа до сега сигурно нема да жалат за своето одвоено време бидејќи како што ни истакнаа фолк ѕвездите, минуваат во прекрасна македонска атмосфера до раните утрински часови, во многу песна и одлично расположение.

За нашиот медиум Спасен истакна дека следуваат низа новости во следниот период, нови музички исполненија, нови проекти со неговиот бенд „Престиж“ кои никого нема да остават рамнодушен..

Во очи на турнеата на нашите кичевски промотори на музиката, Влатко Миладиноски спрема нов проект и нова песна за младата и убава Кајла, токму во Австралија во музички аранжман на Златко Миладиноски, и како дел од музичкиот спот ансамбл „Никола Карев“ од Мелбурн.