Мобилни уреди
Ќе го забрза ли Samsung брзото полнење на батеријата за најновите серии од „S24 и S4 Ultra“ ?

Samsung е една од компаниите која во последните две-три години беше критикувана дека не ја подобрува брзината на полнење на своите паметни телефони, а се чини дека овие критики не ја засегаат јужнокорејската компанија.
Додека кинеските конкуренти на Samsung нудат брзина на полнење на телефонот до 240 W, Samsung веќе некое време е „заглавен“ на полнење од 45 W. Иако се шпекулираше дека следната година Samsung ќе го подобри тој сегмент, најновите информации не укажуваат на тоа.
Кинеските верзии на серијата Samsung Galaxy S24 – Samsung Galaxy S24, Samsung Galaxy S24+ и Samsung Galaxy S24 Ultra добија CCC сертификати во Кина. Според информациите достапни на овие сертификати, откриено е дека сите модели ќе ја задржат истата брзина на полнење како и нивните претходници.
Така, сертификатите откриваат дека Samsung Galaxy S24 (SM-9210) ќе пристигне со поддршка за брзо полнење од 25 W, додека Samsung Galaxy S24+ (SM-S9260) и Samsung Galaxy S24 Ultra (SM-9280) ќе поддржуваат брзо полнење од 45 W. како и претходниците.
Можно е софтверот на Samsung некако да го скрати времето на полнење на телефонот, но дури и да го направи тоа, тоа ќе биде мало подобрување. За потсетување, сите три модели од серијата Galaxy S23 можат целосно да се наполнат за околу еден час.
Веќе е откриено дека Samsung Galaxy S24 ќе има батерија од 4000 mAh, Samsung Galaxy S24+ батерија од 4900 mAh, додека Samsung Galaxy S24 Ultra ќе биде опремен со батерија од 5000 mAh.
Серијата Samsung Galaxy S24 ќе биде претставена во првиот квартал од 2024 година, на првиот Galaxy Unpacked настан на Samsung следната година.
Магазин
BlackBerry повторно на пазарот: Дали легендарниот бренд се враќа со 5G смартфон?

Легендарниот телефонски бренд BlackBerry, познат по своите физички QWERTY тастатури, би можел да се врати на пазарот со нов модел.
Обидите за оживување на BlackBerry
По лиценцирањето на името BlackBerry за модели како што се KEYone, KEY2, KEY2 LE и Motion, кинескиот производител TCL се повлече, откако не успеа да ги убеди корисниците дека BlackBerry Android телефоните можат да се натпреваруваат на пазарот.
Во август 2020 година, компанијата Onward Mobility објави дека постигнала договор за производство на 5G BlackBerry телефони. Првите уреди беа планирани за 2021 година, но никогаш не се појавија. Во февруари 2022, BlackBerry ги продаде своите патенти за мобилни уреди за 600 милиони долари, а Onward Mobility официјално го откажа проектот.
Оттогаш, BlackBerry не беше активен на пазарот, освен со најавата за Clicks, додатна QWERTY тастатура за iPhone и Android телефони.
Нова надеж за BlackBerry смартфони?
Сега, на Reddit се појавија информации дека британска компанија разговара со инвеститори за собирање финансии и оживување на BlackBerry смартфоните. Планот е да се продолжи од таму каде што застана Onward Mobility, нудејќи 5G уреди со физички QWERTY тастатури.
Еден корисник на Reddit тврди дека неговата компанија потпишала договор за необјавување на информации (NDA), па не може да сподели детали за дизајнот на првиот BlackBerry 5G смартфон. Сепак, објавил монтиран скриншот и дел од спецификациите.
Можни спецификации на новиот BlackBerry
-
AMOLED екран (големината не е позната)
-
12 GB RAM
-
256/512 GB внатрешна меморија
-
Физичка QWERTY тастатура
-
5G поддршка
-
Генеративна вештачка интелигенција
-
Оперативен систем: Android 15
Наводно, планот вклучува повеќе уреди со физички QWERTY тастатури, но нема конкретни датуми за лансирање. Се претпоставува дека BlackBerry смартфонот нема да се појави во следните неколку години.
Дали BlackBerry ќе се врати?
Компанијата која моментално ги поседува BlackBerry патентите е Malikie Innovation, која е подготвена да лиценцира 32.000 патенти поврзани со брендот.
Реакции на корисниците
Мислењата на корисниците се поделени:
-
„Ќе поверувам кога ќе го видам.“
-
„Ова звучи како измама.“
-
„Се надевам на добра камера.“
-
„Би го купил кога ќе се појави.“
Останува да се види дали BlackBerry навистина ќе направи големо враќање или ова ќе биде уште еден обид што нема да успее.
Извор: B92
Магазин
Google најавува револуционерна надградба за Pixel телефоните

Корисниците на Google Pixel телефони ќе добијат значајно подобрување во безбедноста и удобноста со доаѓањето на Android 16.
Отклучување со отпечаток без активирање на екранот
Во претстојната верзија на Android 16, Google ќе овозможи отклучување со отпечаток додека екранот е исклучен. Ова значително ќе го забрза процесот на автентикација и ќе го направи користењето на телефонот уште поедноставно.
Функцијата ќе биде достапна за сите Pixel телефони со ултразвучен сензор за отпечатоци, почнувајќи од Pixel 6 па натаму. Корисниците ќе можат рачно да ја активираат или деактивираат оваа опција во поставките.
Придобивки од новата функционалност
-
Побрзо отклучување без потреба од активирање на екранот
-
Подобра енергетска ефикасност при секојдневна употреба
-
Поинакво и подобрено корисничко искуство
Кога ќе пристигне Android 16?
Конечната верзија на Android 16 се очекува во јуни 2024 година, што значи дека Pixel корисниците наскоро ќе можат да ја тестираат оваа иновативна функција.
Оваа надградба е дел од пошироката стратегија на Google за подобрување на биометриската автентикација, со цел да го унапреди Pixel екосистемот. Надградбата доаѓа во критичен момент, пред очекуваното лансирање на Pixel 10 серијата.
Магазин
iOS 18.4 воведува стандарден избор на навигациски апликации, но само во Европа

Следната верзија на iOS 18.4 ќе им овозможи на корисниците во Европската унија да постават стандарден навигациски софтвер, што значи дека нема да мора да го користат Apple Maps по дифолт.
Како ќе функционира новата опција?
Корисниците ќе можат од Settings да изберат друга навигациска апликација наместо Apple Maps. Патеката до оваа опција е:
Settings → Apps → Default Apps → Navigation.
Со оваа промена, Google Maps, Waze и други апликации ќе можат автоматски да се отвораат кога ќе се побараат насоки.
Но, не за сите корисници
Иако ова е корисно ажурирање, не секој ќе може да го користи. Оваа опција ќе биде достапна само во ЕУ како дел од усогласувањето со Законот за дигитални пазари.
Во САД, корисниците веќе можат да постават стандардни апликации за:
-
е-пошта,
-
пораки,
-
повици,
-
прелистувачи,
-
бесконтактни плаќања,
-
тастатури,
-
а со iOS 18.4 – и за превод.
Но, засега, стандардна навигациска апликација нема да може да се избере надвор од ЕУ.
Европа добива повеќе слобода во Apple екосистемот
Во Европа, корисниците имаат поголема контрола врз своите уреди, вклучувајќи пристап до алтернативни продавници за апликации, како и користење на NFC функциите за бесконтактни плаќања надвор од Apple Pay.
Кога ќе пристигне iOS 18.4?
Моментално, iOS 18.4 е во бета фаза, а финалната верзија се очекува во април.
Извор: Engadget
-
Временска прогноза1 ден
Попоски: Влегуваме во период на температури во минус, студ и снег, невообичаено за месец април – ова се информациите
-
Хороскоп1 ден
Хороскоп за среда (2 април)
-
Македонија2 дена
МВР: Кривична пријава против 10 полициски службеници од Единицата за брзо распоредување за злоупотреба на службена положба и овластување
-
Македонија2 дена
Поскапуваат дизелот и бензинот, ова е новата цена од вечерва
-
Хороскоп7 часа
Хороскоп за четврток (3 април)
-
Кичево9 часа
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Македонија2 дена
(ФОТО+ВИДЕО) Во Манастирот Рајчица одекна новиот „Благовесник“
-
Хроника19 часа
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште