Lifestyle
Кој не треба да зема куркума: Сеопфатен водич за безбедна употреба

Куркумата, позната како “златен зачин”, стана популарна поради своите здравствени придобивки. Сепак, иако се претставува како природен лек, не е погодна за сите, а понекогаш може да има опасни ефекти, особено кога се користи во големи количини. Во оваа статија, ќе разјасниме кога треба да бидете претпазливи со употребата на куркума.
Што е куркума и зошто е популарна?
Куркумата е билка од семејството на ѓумбир, чиј корен се користи во азиската медицина и во готвењето со векови. Активната компонента куркумин привлекува внимание поради своите антиинфламаторни и антиоксидантни својства. Сепак, овие својства, иако корисни, можат да создадат проблеми за одредени групи луѓе.
Кога да се избегнува куркума?
- Интеракции со лекови за разредување на крвта
Една од најважните контраиндикации е комбинирањето на куркума со лекови за разредување на крвта, како што се варфарин и аспирин. Куркумата може да го зголеми ефектот на овие лекови, што може да доведе до опасно зголемен ризик од крварење, особено кај лица кои се подготвуваат за операција или имаат нарушувања на коагулацијата на крвта.
- Лекови за дијабетес
Куркумата има својство да го намалува нивото на гликоза во крвта, што може да доведе до опасно ниско ниво на шеќер кога се комбинира со лекови за дијабетес. Ова може да предизвика симптоми како вртоглавица, слабост, потење и, во екстремни случаи, губење на свеста.
- Проблеми со стомачната киселина
Луѓето кои имаат проблеми со стомачната киселина или страдаат од гастритис треба да бидат внимателни. Куркумата може да го зголеми производството на желудочната киселина, што може да ги влоши симптомите на рефлукс или чир на желудникот, особено ако се користи во форма на додаток во исхраната.
- Бременост и доење
Трудниците и доилките треба да избегнуваат големи количини на куркума. Иако мала количина, како зачин во храната, се смета за безбедна, повисоките дози може да го стимулираат контракциите на матката и да влијаат на менструалниот циклус. Поради недостаток на долгорочни студии за безбедноста на куркумата за време на бременоста и доењето, треба да се избегнува во високи дози.
- Жолчни камења и нарушувања на жолчката
Луѓето кои имаат камења во жолчката или проблеми со жолчното кесе треба да избегнуваат куркума во големи количини, бидејќи може да го стимулира производството на жолчката, што може да предизвика болка и влошување на симптомите.
- Пред операција
Куркумата треба да се избегнува најмалку две недели пред било каква операција поради нејзините антикоагулантни својства, кои може да го зголемат ризикот од крварење за време и по операцијата.
- Алергии и преосетливост
Иако алергиите на куркума се ретки, тие можат да се појават, особено кај луѓето кои се алергични на други растенија од семејството на ѓумбир. Симптомите на алергија вклучуваат осип, чешање и отежнато дишење.
Совети за безбедна употреба
Ако не припаѓате на ниту една од овие групи, куркумата може да биде безбедна за употреба во умерени количини. Почнете со мали дози и следете како вашето тело реагира. Секогаш се препорачува консултација со лекар пред започнување на употребата на куркума како додаток во исхраната, особено ако користите други лекови.
Иако куркумата има многу здравствени придобивки, важно е да ја користите одговорно и внимателно, особено ако припаѓате на една од групите со зголемен ризик. Природните лекови не се секогаш безбедни, па потребна е претпазливост за да се избегнат непосакувани последици.
Извор: N1 Info
Lifestyle
Кој пијалок е поштетен за здравјето: пивото или газираните сокови?

Во потрагата по освежување, многумина често посегнуваат по пиво или газирани сокови, без да размислат за нивното долгорочно влијание врз здравјето. Иако повремената консумација не е опасна, честото и прекумерното пиење може да има сериозни последици.
Газирани сокови – шеќерна стапица
-
Содржат големи количини шеќер, конзерванси и вештачки засладувачи.
-
Зголемуваат ризик од:
-
дебелина
-
дијабетес тип 2
-
срцеви заболувања
-
-
Негативно влијаат на забите, предизвикувајќи кариес и оштетување на глеѓта.
Пиво – алкохол кој не е безопасен
-
Содржи алкохол, кој може да предизвика:
-
проблеми со црниот дроб
-
зголемен ризик од кардиоваскуларни заболувања
-
развој на зависност
-
-
Иако има помал процент на алкохол од жестоките пијалоци, често се консумира во поголеми количини, што дополнително го оптоварува телото.
Умереноста е клучот
-
Повремената консумација на пиво или газирани пијалоци генерално не е проблем.
-
За долгорочно здравје, се препорачува:
-
умерено пиење
-
замена со поздрави опции: вода, минерална вода, природни сокови без шеќер.
-
Извор: RadioSA
Lifestyle
Дали заспивате со мобилен телефон? Ова може сериозно да му наштети на вашето здравје

Научните истражувања откриваат нешто загрижувачко: вештачката светлина навечер може да го наруши биолошкиот часовник и да го зголеми ризикот од дијабетес тип 2, артериска хипертензија и дебелина.
Сè повеќе луѓе стануваат зависни од своите паметни телефони – тие се како продолжена рака. Но токму користењето телефон пред спиење е најголемиот проблем.
Зошто е опасна сината светлина?
Докторите предупредуваат: изложеноста на сината светлина од екранот пред спиење може да предизвика:
-
нарушување на хормонот мелатонин
-
намалување на времетраењето на сонот
-
појава на нарушувања на спиењето
Иако сината светлина директно не предизвикува дијабетес, експертите објаснуваат дека може да биде значаен ризик фактор за развој на болеста.
Што велат експертите?
Горана Мирошевиќ, раководител на Институтот за ендокринологија, дијабетес и метаболички заболувања, посочува дека дијабетесот тип 2 може да настане од повеќе фактори: наследност, возраст, хормонални нарушувања кај жени, прекумерна телесна маса и седентарен начин на живот.
Таа додава дека сината светлина влијае на намалување на мелатонинот и на лош квалитет на спиењето, што индиректно го зголемува ризикот.
Што покажуваат студиите?
Минатата година во списанието „Лансет“ беше објавена студија со 85.000 учесници, која траела дури девет години. Анализирани биле повеќе од 13 милиони часови податоци преку светлосни сензори. Резултатите потврдија: луѓето кои ноќе биле повеќе изложени на вештачка светлина имале зголемен ризик од дијабетес.
Последици и други болести
Според Зринка Мах од Хрватското друштво за хронични болести, изложеноста на вештачка светлина ноќе е директно поврзана со појава на хронични незаразни болести.
Недостатокот на сон не носи само дијабетес и дебелина, туку и:
-
депресија
-
малигни заболувања
-
намалено лачење на хормони
Истражувањата потврдуваат едно: колку е поголемо изложувањето на светлина ноќе, толку е поголем ризикот по здравјето.
Извор: tportal
Lifestyle
Појадувајте здраво во канцеларија: брз рецепт за 5 минути

Долг ден во канцеларија секогаш бара паметен и хранлив почеток. Ако утрото ви е хаотично, а сепак сакате да останете верни на здравите навики, овој рецепт е вистински спас – готов е за само пет минути. Идеален е за сите кои трчаат по време, но сакаат енергија за целиот ден.
Состојки за здрав канцелариски појадок
• 3 лажици житни култури
• 1 лажица путер од бадеми – кремаст и хранлив
• 1 лажица мед (по желба, за сладок шмек)
• ½ ситно сечкано киви
• ½ ситно сечкано јаболко
За финалниот „допир“ одозгора:
• 3 лажици јогурт од бадеми – мек и кремаст
• Листови од зелено јаболко за свежина и крцкавост
• Неколку ф’стаци за луксузен шмек и текстура
• Сушени бобинки (боровинки или суво грозје) за совршена рамнотежа
Како да го подготвите?
• Измешајте ги сите состојки во сад.
• Додајте го јогуртот, јаболковите листови, ф’стаците и сушеното овошје како топинг.
• Уживајте веднаш или спакувајте го и понесете го во канцеларија.
Заклучок
Со само пет минути и малку добра волја, вашиот ден може да започне на највкусниот и најздрав начин. Без изговори за прескокнување појадок – овој рецепт е лесен, енергетски и идеален за секое утро.
Извор: B92
-
Хороскоп2 дена
Хороскоп за четврток (4 септември)
-
Хороскоп14 часа
Хороскоп за петок (5 септември)
-
Кичево2 часа
Поради одржување на атлетска трка во Кичево, во недела следните улици и делови на градот ќе бидат затворени за сообраќај
-
Свет1 ден
(ВИДЕО) „Ден на жалост“ во Португалија по страшната трагедија каде од шините излета жичара и одзеде најмалце 15 животи, неофицијално има и странци
-
Македонија2 дена
МВР: Целосна забрана во шуми до крај на месец септември
-
Македонија1 ден
МВР: Кривична пријава против петмина вработени во Агенцијата за храна и ветеринарство за „злоупотреба на службена положба и овластување“
-
Временска прогноза1 ден
Најавената промена на времето се оствари, во текот на ноќта наврнаа 23 л/м2 дожд
-
Македонија2 дена
„Wizz Air“ со шести авион во својата база во Скопје и 13 нови рути