Мобилни уреди
Колку меморија е доволно за вашиот iPhone уред?

Се повеќе американски корисници купуваат модели на iPhone со почетна количина на меморија и претпочитаат да користат iCloud или други облак услуги за складирање податоци. Најновото истражување на Consumer Intelligence Research Partners (CIRP) покажа пад на бројот на американски клиенти кои плаќаат за надградба на меморијата на iPhone-и. Со други зборови, се повеќе американски корисници купуваат модели на iPhone со почетна количина на меморија – 128 GB за основните модели и Pro, или 256 GB за Pro Max.
Всушност, истражувањето на CIRP покажува дека овој тренд е особено видлив кај моделите iPhone 16 Pro и 16 Pro Max, каде што само 44 отсто од клиентите го надградуваат базичното складирање, во споредба со 48 отсто со минатогодишните модели на iPhone 15 Pro и 15 Pro Max.
Уште поголем пад е забележан кај iPhone 16 и 16 Plus, каде само 42 отсто од корисниците ја избрале опцијата со повеќе меморија, додека уделот за моделите iPhone 15 и 15 Plus изнесува 48 отсто.
Единствената категорија што забележа раст на надградбите на меморијата беа постарите модели, како што се iPhone SE (2022), iPhone 14 и iPhone 15, каде што 48 отсто од купувачите во 2024 година избраа поголем простор, во споредба со 38 отсто во 2023 година.
Аналитичарите на CIRP истакнуваат дека се повеќе корисници се потпираат на складирање во облак, пренесува b92.net
Мобилни уреди
Компанијата „Realme“ спрема мобилен уред со „џиновска“ батерија?

Компанијата Realme неодамна ја претстави својата напредна батериска технологија, но на промоцијата на моделот GT 7 во Париз сепак не изведе јавна демонстрација. И покрај тоа, потпретседателот и маркетинг директорот на Realme потврди дека се работи на нов телефон со огромна батерија од 10.000 mAh.
Во изјава за Android Headlines, тој откри дека засега нема точен датум за пуштање на уредот, бидејќи се соочуваат со сериозни технички предизвици. Сепак, тој најави дека наскоро ќе биде лансиран телефон со батерија од 7.500 mAh – што е за 1.000 mAh повеќе од GT 7 Pro.
Главниот проблем што ја спречува компанијата да претстави уред со батерија од 10.000 mAh е просторот. Иако силициум-јаглеродните батерии се потенки и погусти, батерија со толкав капацитет бара многу повеќе место во внатрешноста на телефонот. Тоа значи потешкотии во вградување покрај други компоненти како телефото камерата, но и проблеми со ладењето, бидејќи поголемата батерија создава и повеќе топлина – а никој не сака гломазен и прегреан уред.
Realme веќе поднесе патенти поврзани со оваа технологија, па доколку развојот продолжи со сегашното темпо, телефон со батерија од 10.000 mAh би можел да се појави во блиска иднина.
Извор: phandroid.com
Мобилни уреди
Дали „Apple“ спрема два различни модели за новата генерација на „iPhone 17“

Apple се чини подготвува два сосема различни модели за новата генерација на iPhone 17, кои ќе одат во спротивни насоки кога станува збор за дизајн и функционалност.
iPhone 17 Air: тенок и елегантен
Овој модел, кој се очекува да излезе наесен, ќе биде најтенкиот iPhone досега, со дебелина од само 5,6 мм. Освен што ќе биде најлесен во серијата, ќе се вброи и меѓу најтенките смартфони на пазарот. Apple со овој уред се обраќа на корисниците кои претпочитаат минималистички дизајн и леснотија.
iPhone 17 Pro is beautiful pic.twitter.com/d2osFRSVDS
— Majin Bu (@MajinBuOfficial) May 28, 2025
iPhone 17 Pro Max: подебел, но со подобра батерија
За разлика од Air, iPhone 17 Pro Max ќе биде значително подебел – околу 8,75 мм. Тоа значи дека ќе биде подебел дури и од актуелниот iPhone 16 Pro Max, како и за повеќе од 3 мм од новиот Air модел. Причината за оваа дебелина е можноста за поголема батерија, што е важен фактор за корисниците кои бараат поголема автономија и издржливост.
Нови елементи кај камерата
Pro Max во изворот се вели дека ќе добие редизајниран модул на камерата, кој ќе биде хоризонтално поставен и ќе зафаќа цела ширина на задната страна. Камерите ќе имаат поизразени прстени, а LiDAR и блицот ќе бидат преместени надесно. Иако се очекува поголем простор за посовремени сензори, засега е потврдено само едно подобрување: телефото камерата ќе има 5x зумирање и резолуција зголемена од 12 MP на 48 MP.
Apple со овие два модели очигледно таргетира две различни групи на корисници – оние што сакаат стил и леснотија, и оние што приоритет им се перформансите и батеријата. Како ќе реагира пазарот на оваа нова стратегија, останува да видиме.
Извор: cultofmac.com
Мобилни уреди
Како да го продолжите векот на батеријата на вашиот мобилен уред

Многумина од нас имаат навика да ги оставаат телефоните на полнач преку ноќ, за да можеме да го започнеме денот со 100% наполнета батерија наутро. Сепак, на долг рок можеби нема да си правиме услуга себеси или на нашиот уред.
Можеби веќе сте слушнале дека полнењето на телефонот до крај и оставањето на полначот откако ќе достигне 100% може негативно да влијае на траењето на батеријата.
Според Чао-Јанг Ванг, директор на Центарот за електрохемиски мотори на Универзитетот Пенсилванија Стејт, има одредена вистина во тоа тврдење. Како што објасни тој, „батеријата ќе се деградира побрзо ако ја наполните до 100% отколку ако ја полните со малку помал капацитет“, пишуваат колегите од „Tportal.hr“
Држењето на телефонот вклучен кога е веќе со полн капацитет, како и постојаното полнење до 100%, ја одржува батеријата на висок напон, што предизвикува хемиско стареење, изјави за „ХафПост“ Дибакар Дата, вонреден професор по машинско и индустриско инженерство на Технолошкиот институт во Њу Џерси.
Извор: n1info.rs
-
Кичево7 часа
Предмалку на „11-ти септември“ во Кичево се случила сообраќајка помеѓу две патнички моторни возила, причинета е само материјална штета
-
Хороскоп1 ден
Хороскоп за петок (30 мај)
-
Кичево2 дена
Во сабота на Китино Кале, „Биди нејзиниот глас“, настан наменет за превенција на домашното насилство и зајакнување на жените во организација на „Саншајн Кидс“
-
Македонија12 часа
Граѓани најавија протест за изборот на митрополит на Дебарско-кичевската епархија, велат: „МПЦ-ОА има Устав, со критериуми“
-
Кичево2 дена
Кичевчани денеска по четврт пат ќе протестираат пред општинската зграда поради градската депонија, бараат решавање на долгогодишниот проблем
-
Временска прогноза21 час
Конечно убави вести за временската прогноза, еве кога доаѓаат летните температури
-
Спорт6 часа
Кога решителноста го надминува системот, се создаваат вистински херои, кичевчанецот Милошевски доби највисока судиска лиценца од Панамериканската Карате Федерација
-
Македонија13 часа
Пронајдено товарното возило од АРМ кое пред еден месец беше пријавено за одземено од авто сервис