Следете не

Здравје и убавина

Колку треба да пешачите неделно ако сакате да живеете подолго? Објавена нова студија

Објавено пред

на

Ако пешачите околу 8.000 чекори еднаш или двапати неделно, може значително да го намалите ризикот од рана смрт, покажува новото американско истражување.

Вежбањето е редовно поврзано со помал ризик од смртност, но оваа студија, објавена во списанието JAMA, ги разгледа здравствените придобивки од енергичното одење само неколку дена во неделата. Истражувачите од Универзитетот во Кјото и Универзитетот во Калифорнија анализирале податоци собрани од 3.100 возрасни Американци.

Што покажа студијата?

Резултатите покажале дека кај оние кои пешачеле 8.000 чекори еден или два дена во неделата, веројатноста за смрт во период од десет години била за 14,9 отсто помала отколку кај групата која не ја практикувала. Кај луѓето кои оделе 8.000 чекори или повеќе, три до седум дена во неделата, ризикот од смртност бил уште помал – 16,5 проценти. Најголеми здравствени придобивки од овој тип на одење имаа учесниците над 65 години.

Научниците го поврзуваат одењето околу 8.000 чекори неделно еден или повеќе пати со намален ризик од смрт од која било причина, вклучително и кардиоваскуларни болести. „Овие резултати сугерираат дека поединците можат да постигнат значителни здравствени придобивки со пешачење само неколку дена во неделата“.

3100 учесници во студијата

Во истражувањето биле користени податоци од 2005 и 2006 година и биле вклучени 3.100 учесници, а податоците за нивната смртност биле испитани 10 години по истражувањето. Меѓу учесниците во истражувањето, 632 луѓе не пешачеле ниту еден ден во неделата, 532 оделе околу 8.000 чекори еден до два дена во неделата и 1937 пешачеле три до седум дена во неделата.

Според клиниката Мајо, просечниот Американец оди од 3.000 до 4.000 чекори дневно. Дополнително, докажано е дека пешачењето како редовна активност може да го намали ризикот од развој на срцеви заболувања, дебелина, дијабетес, висок крвен притисок и депресија.

/RadioS

Здравје и убавина

Само со „20 минути возење“ велосипед секој ден, се подобрува целокупното здравје кај човекот

Објавено пред

на

ФОТО: Unsplash.com / Beau Runsten

За некои, велосипедот е средство за рекреација, за некого превозно средство и не е редок случај тоа да е и двете работи. Многу е пишувано за придобивките од велосипедизмот, но вреди да се повторат за оваа активност, што меѓу другото, го радува вашиот паричник.

Тоа е активност што е најлесно да се вклопи во секојдневниот живот, затоа што велосипедот, покрај средство за рекреација, е и превозно средство што лесно ќе ве одведе од точката А до точката Б, истовремено избегнувајќи стоење во колони.

Покрај тоа, вашиот имунолошки систем, како и срцето, мозокот и мускулите ќе ви бидат благодарни за овој вид активност, бидејќи возењето велосипед има позитивно влијание на секоја од нив. На крајот на денот, вашето тело ќе ви биде благодарно, бидејќи благодарение на возењето велосипед, полесно ќе заспиете.

Калории

Возењето велосипед со околу 20 километри на час согорува 563 калории за 60 минути.

Во исто време, недоволната физичка активност го зголемува ризикот од смрт, поради што Светската здравствена организација препорачува возрасните на возраст од 18 до 64 години да имаат најмалку 150 минути умерена физичка активност неделно за да останат здрави.

И при постигнување на оваа цел, идеален партнер може да биде вашиот велосипед. Потребни се околу 20 минути возење на ден за да ја постигнете целта.

Вклопете го велосипедот во секојдневниот живот

Покрај тоа што помага да се држат голем број здравствени проблеми далеку од вас, возењето велосипед е забавна активност што можете лесно да ја вметнете во вашата дневна рутина. Нека велосипедот стане ваше превозно средство за да одите до продавница или да работите.

Возењето велосипед, со текот на времето, ќе има позитивен ефект врз вашата координација и ќе ја подобри циркулацијата, така што резултатот ќе биде побрзо закрепнување на вашето тело.

Покрај тоа, со текот на времето, ќе има зајакнување на мускулите на долниот дел од телото и подобра подвижност на одредени зглобови. Ова значи дека ова може да биде одлична вежба за луѓе кои имаат проблеми со зглобовите и артритис.

Вие нема да се откажете толку брзо

Иако е можно вие самите некогаш да започнете физичка активност и да се откажете многу брзо, возењето велосипед не е една од таквите активности.

Луѓето кои вклучуваат велосипедизам во нивниот секојдневен живот, честопати се посветени на повеќе активности отколку оние кои почнуваат да вежбаат во теретана. За разлика од другите форми на вежбање, повеќето луѓе кои возат велосипед остануваат верни на тоа цел живот.

Возењето велосипед не ги оптеретува колената како што се прави после некое време премногу трчање или пешачење, а од друга страна не бара многу опрема како што е случај со други активности.

Затоа, следниот пат кога ќе заглавите во преполн град, додека седите зад воланот, добро размислете како еден велосипед може да ви го олесни денот и да го подобри вашето здравје.

Прочитај повеќе...

Здравје и убавина

Вниманието во храната во борбата против заморот е многу битна за човековиот организам

Објавено пред

на

ФОТО: Unsplash.com / Farhad Ibrahimzade

Кога ќе забележите дека повеќе денови по ред сте поуморни од вообичаено, физички или ментално, треба веднаш да реагирате и да се потрудите порано да заспиете и во текот на ноќта да спиете барем седум часа, редовно да вежбате и да практикувате техники за опуштање кои најмногу ви одговараат.

Многу е важно секако и како се храните – доколку не внесувате доволно неопходно хранливи материи, логично е дека ќе бидете уморни.

Обрнете внимане на големината на оброците – обилните оброци богати со масти го заморуваат организмот. Енергијата се пренасочува кон варењето и правењето залихи.

Од друга страна, недоволното внесување храна исто така го заморува организмот и за кратко време доведува до исцрпување на резервните витамини и минерали во телото.

Исто така е важно да не се прескокнуваат оброците (особено појадокот) и секојдневно да се зема оброкот во исто време.

Извор: денар.мк

Прочитај повеќе...

Здравје и убавина

Положбата на спиењето кај луѓето е многу важна за здравјето и метаболизмот

Објавено пред

на

ФОТО: Unsplash.com / Slaapwijsheid.nl

Сигурни сме дека често не размислувате за позата во која спиете, бидејќи после напорниот ден единствено е важно да легнете во кревет и да заспиете. Сепак, научниците дошле до заклучок дека положбата во која спиете може да има големо влијание врз вашето здравје.

Имајќи предвид дека приближно една третина од животот поминуваме спиејќи, позицијата која дава најдобра поддршка треба да биде еден од нашите приоритети.

✅ Зошто положбата при спиење е важна?

  • Поминуваме приближно една третина од животот спиејќи.

  • Положбата може да влијае врз ‘рбетот, дишењето, варењето и општото здравје.


🛌 Најздрава положба: Спиење на грб

  • Го одржува ‘рбетот во неутрална положба – без свиоци и кривини.

  • Добро за луѓе со болки во грбот.

  • Ги ублажува симптомите на настинка, алергија, киселински рефлукс.

  • Препорачливо е да се тренира телото за оваа положба дури и ако не доаѓа природно.

Само 10% од луѓето природно спијат на грб.


😴 Најчеста положба: Спиење на страна

  • 74% од луѓето спијат на страна.

  • Иако не е најздравата, оваа положба е често поудобна и може да биде добра со соодветна перница.


⚠️ Најлоша положба: Спиење на стомак

  • Ја оптоварува ‘рбетот, градите и белите дробови.

  • Го врти вратот настрана, што го загрозува протокот на крв.

  • Не се препорачува, особено за луѓе со болки во вратот или грбот.

Прочитај повеќе...

Facebook

Последни објави

На денешен ден12 минути

Времеплов: На денешен ден (26 мај)

На денешен ден 26 мај, хронолошки подредени значајни настани што се случиле низ различни години и делови на светот. Еве...

Хороскоп1 час

Хороскоп за понеделник (26 мај)

ОВЕН Ако неодамна сте донирале дел од вашите пари, сте позајмиле одредена сума на пријател или си купиле нешто непотребно,...

Занимливости4 часа

„Honda“ неодамна го одбележа 500 милионитиот произведен мотоцикл, јубилејниот мотор беше моделот „Activa“

Хонда неодамна го одбележа значајниот успех од 500 милиони произведени мотоцикли и скутери. Јубилејната машина беше скутерот „Activa“, кој излезе...

Свет10 часа

Трамп упати закана до „Apple“ дека ќе воведе повисок данок за „iPhone“ мобилните уреди

Доналд Трамп му се закани на технолошкиот гигант „Apple“ дека ќе воведе данок од најмалку 25% на „iPhone“ мобилните уреди,...

Кичево12 часа

ОВР Кичево вчера реализираше превентивни активности за заштита од пожари со цел подигнување на јавната свест за потребата од заштита на шумите од пожари

Превентивни активности на ОВР Кичево за заштита од пожари со цел подигнување на јавната свест за потребата од заштита на...

Македонија13 часа

Старица од Кавадарци жртва на разбојништво, ја турнал и одзел телефон и ташна со 3000 денари

На 25.05.2025 во 01.20 часот на улица „Мито Хаџи Василев“ во Кавадарци, полициски службеници од ОВР Кавадарци го лишија од...

Македонија15 часа

Приведен возач во Штип, управувал возило со 2,10 промили алкохол во крвта

На 24.05.2025 во 12 часот на ул.„Брегалничка“ во Штип, полициски службеници од СВР Штип го лишија од слобода Т.Н.(44) од...

Временска прогноза18 часа

Затоплување нема ни под разно! Невообичаен период за последната седмица од мај месец!

Под влијание на ладен и влажен воздушен бран од север и од североисток, денешниот ден (недела 25 мај) во Република...

Хороскоп1 ден

Хороскоп за недела (25 мај)

Овен Стравовите се вовлекоа во твоето срце. Не сте сигурни дали ве сакаат затоа што вредите како личност или затоа...

Македонија1 ден

Во Штип експлодирала плинска боца во стан, од силината на експлозијата врата и прозорец паднале директно на паркирано возило

На 23.05.2025 во 11.43 часот во СВР Штип е пријавено дека на ул.„Вера Циривири Трена“ во Штип настанала експлозија од...

НАЈЧИТАНИ