Експертите предвидуваат дека глобалните емисии на јаглерод диоксид, кој ја загрева Земјата, ќе се зголемат за уште еден процент и со тоа ќе достигнат нов максимум во 2023 година.

Исто така, се предупредува дека во оваа деценија загадувањето со јаглерод диоксид мора да се намали за речиси 50 проценти за да се постигнат зацртаните светски цели, а тоа се ограничување на глобалното затоплување и избегнување на катастрофално влијание врз климата.

Глен Петерс, директор на Норвешкиот Институт за истражување на климата, ЦИЦЕРО, рече дека глобалните емисии на јаглерод диоксид оваа година требало да се намалат за околу 5 отсто, но се случило спротивното.

Истражувањето што го направи со своите колеги покажа дека овие емисии продолжуваат да растат, а врз основа на сегашните очекувања, може да очекуваме зголемување на емисиите на јаглерод диоксид меѓу 0,5 и 1,5 отсто оваа година.

„Не е веројатно дека емисиите на јаглерод диоксид ќе паднат во 2023 година“, рече тој за АФП.

Прелиминарните податоци, исто така, покажуваат дека ќе биде многу тешко да се намалат емисиите доволно брзо за да се исполнат целите од Парискиот договор за ограничување на глобалното затоплување на 1,5 степени Целзиусови над вредностите од прединдустрискиот период.

„Секоја година, емисиите на јаглерод диоксид продолжуваат да растат, што го отежнува постигнувањето на целите од Парискиот договор“, рече Петерс.

Конечната анализа ќе биде објавена во декември, кога светските лидери ќе се сретнат на клучните разговори за климата на ОН во Обединетите Арапски Емирати.

Главна тема на преговорите ќе биде иднината на фосилните горива, главниот извор на загадување со јаглерод диоксид.

Претходно во годината, Меѓународната агенција за енергија (ИЕА) предупреди на негативното влијание на зголемените инвестиции во фосилни горива и „исклучително високите емисии“ за време на економското закрепнување по пандемијата и енергетската криза поттикната од руската инвазија на Украина.

Питерс смета дека чистата енергија треба да ја замени побарувачката за фосилни горива, но „тоа сè уште не се случува во поголем обем, што е разочарувачки“.

Питерс додава дека научниците се надевале дека емисиите на јаглерод диоксид ќе го достигнат својот врв во 2015 година и дека ќе се случи пресвртна точка за време на пандемијата на коронавирус.
„Сепак, еве сме во 2022 година, повторно го достигнавме врвот, а во 2023 година очекуваме уште еден“, рече овој научник минатата година.

„Се плашам дека работиме само половина работа, работиме на чиста енергија, но не и на другата половина, која се откажува од фосилните горива“, заклучил тој, а пренесува Јутарњи лист.

/B92

Еден и единствениот Игор Џамбазов, детето на „Џамбаз“ како што љуби да го нарекуваат, вчера гостуваше на поткастот кај Стефан Лазаров. Толку многу позитивна енергија, претстава за својот приватен живот во една реална плејада на едно место, за несомнено според она што сме го гледале до сега, ги сруши сите рекорди на гледаност воопшто на вклучувања во живо преку јутјуб платформата во Македонија.

Драги наши, нашиот и вашиот идол од детството Игор Џамбазов во „Лазаров“ кој го пропуштил нека спрема пуканки, апетисани, бидејќи интервјуто трае нешто повеќе од три часа, уживајте:

Енигматичниот портрет на „Мона Лиза“ на Леонардо да Винчи, еден од најголемите уметници на сите времиња, долго време го привлекува вниманието на љубителите на уметноста и експертите кои многупати го проучувале.

Во најновата анализа, чии резултати беа објавени во „Journal of the American Chemical Society“, беа откриени нови детали за легендарната слика.

Со помош на забрзувач на честички, истражувачите го анализираа хемискиот состав на мал примерок од боја од оваа слика, во кој открија ретко соединение познато како плумбонакрит, претходно изолирано од примероците од познатиот мурал на Леонардо „Тајната вечера“.

Плумонакрит се формира од оловниот оксид, а неговото присуство сугерира дека сликарот користел оловен оксид во прав за да ја направи бојата погуста и посува. Историчарите на уметност и претходно се сомневаа дека тоа е така, но дури сега таа теорија е потврдена.

Откритието еден ден би можело да се покаже корисно за конзервација на сликите на Да Винчи, вели водачот на студијата Виктор Гонзалес, хемичар во францускиот Национален центар за научни истражувања.

„Колку повеќе учиме за неговите методи и составот на неговите бои, толку поуспешна ќе биде реставрацијата на неговите дела“, додаде експертот.

Се смета дека Леонардо измешал оловен оксид со масло од орев или ленено семе, а потоа ја загревал смесата додека не формирал густа паста. Бидејќи оловниот оксид има портокалова боја, на сликата ќе и даде златна нијанса.

Смесата веројатно ја користел како основа на дрвената плоча на која била насликана „Мона Лиза“ помеѓу 1503 и 1519 година.

Не е првпат научниците да пронајдат плумбонакрит во делата на старите мајстори. Претходно беше утврдено дека соединението се наоѓа и во сликите на Рембрант, како „Ноќна стража“ (1642), пишува „Smithsonian Magazine“.

Бидејќи фламанскиот мајстор живеел и создавал повеќе од сто години по Леонардо, ова откритие сугерира дека мешавината од олово-оксид била „одличен рецепт“ пренесен низ генерациите.

Тимот не најде многу референци за оловниот оксид во белешките на Леонардо, а кога тој го спомна соединението, тоа обично се однесуваше на лекови за коса и кожа.

/EuroNews