Спорт
Конкурс за УЕФА Ц курс при ФФМ, ова се критериумите

Пред пополнување на пријавата, молиме добро да се погледнат критериумите за учество на УЕФА Ц курс објавени во детали во документот подолу, како сите заинтересирани кандидати би знаеле дали ги исполнуваат основните услови за учество.
Фудбалската федерација на Македонија информира дека едукативниот центар при ФФМ отвора конкурс за заинтересирани кандидати за упис на УЕФА Ц курс – Генерација 9.
Конкурсот е отворен највеќе 5 дена. За таа цел, секој заинтересиран кандидат е неопходно да го пополни соодветниот онлајн прашалник кој е отворен најдоцна до Понеделник 28.10.2024. По овој датум, прашалникот автоматски станува неактивен и конкурсот завршен, а понатамошната комуникација во врска со курсот ќе продолжи единствено по е-маил и единствено со кандидатите кои уредно го пополниле прашалникот. ФФМ го задржува правото да конкурсот биде затворен и порано од наведениот краен рок.
Ненавремено и неуредно пополнувањето на прашалникот ќе значи неможност за учество на претстојниот УЕФА Ц курс.
Кон пополнување на пријавата може да се пристапи на линкот подолу а истиот ги содржи и датумите за одржување на курсевите:
https://forms.office.com/e/Kt3KrzzDaV – Линк за пријава на УЕФА Ц курс (Модул 1 24-28.11.2024 / Модул 2 ТБД – Февруари или Март 2025)
За можни нејаснотии или дополнителни прашања пред апликација, можете да се обратите на следниот е-маил:
ОСНОВНИ КРИТЕРИУМИ ЗА УЧЕСТВО НА УЕФА Ц КУРС во ФФМ – Ное. 24.pdf , за јавноста истакнаа од Федерацијата.
Спорт
(ФОТО) На пауза во Кичево, полека финишира 34-то издание на мото-рели „Независност Македонија 2025“

Со учество на повеќе од 300 мотоциклисти од Македонија и странство, во изминативе три дена се одржа 34-то издание на мото-рели „Независност Македонија 2025“.
Учесници дојдоа од повеќе европски земји, а маршрутата во три дена опфати старт од скопска “Порта Македонија”, финиш исто така Скопје, со ноќевања во Дојран и Охрид.
Колоната минуваше низ градови низ целата земја, промовирајќи дружење и љубов кон моторите, додека денес беа официјални гости и во нашиот град Кичево на ланч пакет и одмор.
Оваа година беше значајно една од најдобро поминатите. Од аспект на безбедност, редари за покажување насоки на движење и се разбира помина се во најдобар ред без посериозни несакани случувања.
Исто така вреди да се напомене дека и оваа година возеше еден од најстарите возачи г-дин Орце од Скопје кој перфектно извози на свои околу 72 години, за тоа оддаваме посебен респект.
За нашиот медиум, во иднина управата очекува поддршка и се надева дека овој настан конечно ќе биде помогнат од надлежните институции, кој се организира токму 34 години.
Вечна традиција бајкери!
Мини галерија преку нашиот објектив:
Спорт
Елмас пред вечерашниот настап против Саудиска Арабија: „Ние секогаш излегуваме на терен по победа, со верба во квалитетот што го имаме.“

Пред вечерашниот пријателски дуел во Прага против Саудиска Арабија, македонскиот репрезентативец Елиф Елмас го сподели своето мислење за значењето на натпреварот и очекувањата пред квалификацискиот пресмет со Лихтенштајн.
Елмас беше дециден дека ваквите натпревари се далеку од формалност:
– „За мене и за целата репрезентација пријателски средби не постојат. Секој натпревар е важен тест за тоа колку сме подготвени и што треба да подобриме. Саудиска Арабија е сериозен противник, добро ги анализиравме нивните настапи и знаеме дека мора да бидеме максимално концентрирани. Овој дуел доаѓа во вистински момент. Ќе ни помогне да влеземе во вистински ритам пред натпреварот со Лихтенштајн. Се чувствувам подготвен и мотивиран, бидејќи по подолго време повторно ќе бидам дел од меч со голема тежина.“
Елмас посочи и на клучните карактеристики на денешниот ривал: „Саудиска Арабија игра со многу посед и знае добро да ја контролира топката. За нас тоа значи дека ќе мора да реагираме брзо и дисциплинирано. Сепак, ние секогаш излегуваме на терен по победа, со верба во квалитетот што го имаме.
Секој настап за Македонија ми е дополнителен мотив. Верувам дека оваа средба ќе ни донесе многу искуство и позитивна енергија за она што следува.“
Извор: ФФМ
Спорт
КК „Баскет Кичево“ ги отвора вратите за сите млади кои ја сакаат кошарката, стани дел од вистинска спортска приказна со искусни тренери

Кошаркарскиот клуб „Баскет Кичево“ ги отвора вратите за сите млади кои ја сакаат кошарката и сакаат да бидат дел од вистинска спортска приказна. Во тек се уписи за момчиња и девојчиња на возраст од 10 до 17 години, а ова е идеална можност секој млад спортист да ги направи своите први чекори на кошаркарскиот терен.
Нашата мисија е преку спортот да создадеме силни личности, вистински другарства и да им помогнеме на младите да ја развијат својата љубов кон кошарката, за Порта.мк истакнаа искусните тренери.
Зошто да станеш дел од КК Баскет Кичево?
- Ќе тренираш со лиценцирани и искусни тренери кои ќе ти помогнат да го извлечеш најдоброто од себе.
- Ќе имаш можност да стекнеш нови пријателства и да бидеш дел од тим што се поддржува и напредува заедно.
- Секој тренинг е чекор напред – ќе учиш, ќе се надградуваш и ќе растеш и како кошаркар и како личност.
Твојот прв кош е само почеток – со нас ќе ги поставиш темелите на својата спортска иднина!
📞 За уписи и повеќе информации, контактирајте ги тренери:
- 075/525-774 – Војне Савески
- 078/424-238 – Александар Димитров
🚀 Не ја пропуштај шансата! Приклучи се и стани дел од КК „Баскет Кичево“ – клубот каде што талентот расте, а соништата допрва стануваат реалност!
-
Кичево1 ден
Апел за изгубено лице од Кичево, доколку имате било какво инфо известете
-
Кичево23 часа
Кичево на нозе: Да помогнеме во потрагата утре во с.Белица кичевско за исчезнатата баба Велјанка
-
Кичево7 часа
Среќен крај, баба Велјанка е пронајдена жива и здрава
-
Хороскоп2 дена
Хороскоп за недела (7 септември)
-
Музика1 час
(ВИДЕО) Кичевчани во полн ефект до достигнувања на соништата, „Men Of Silver Soul“ на „Marbled In Stone“ ќе ви стане омилена веднаш!
-
Хороскоп20 часа
Хороскоп за понеделник (8 септември)
-
Спорт4 часа
(ФОТО) На пауза во Кичево, полека финишира 34-то издание на мото-рели „Независност Македонија 2025“
-
Кичево1 ден
Започнува „Наше театарче“ на „Intellect Education“ место каде најмилите ќе го развијат својот талент, ќе ја откријат својата креативност и ќе блеснат на сцената!