Помладите пионери на фудбалскиот клуб „Македонија Ѓорче Петров“ се новите освојувачи на „Купот на Македонија“. Тие денеска славеа победа од 3:1 против „Работнички“ на финалниот натпревар кој се одигра на тренинг центарот „Петар Милошевски“.

– Од она што можеше да се забележи на терен, натпреварот започна динамично, а „Македонија Ѓ.П.“ поведе уште во 21 минута со гол на Стефан Ристиќ. Само пет минути подоцна, Ристиќ повторно се запиша во листата на стрелци, носејќи 2:0 за својот тим. „Работнички“ не се предаде, па во 43 минута преку Алек Трпковски намали на 2:1, враќајќи надеж за својот тим пред крајот на првото полувреме.

Во второто полувреме, и двете екипи создадоа неколку добри шанси, но реализираше само „Македонија Ѓ.П.“ Лука Кнежевиќ во 77. минута го постигна третиот гол, со што ја запечати победата и обезбеди трофеј за својата екипа.

Работнички: Коста Стојановски, Амер Бајрами, Давид Лиотоски, Мартин Боцев, Михаел Аврамовски, Алек Трпковски, Бљерон Буши, Ердин Мамуди, Горјан Ѓапиќ, Дарин Михајловски, Игор Трпковски
Тренер: Марко Арсовски

Македонија Ѓ.П.: Андреј Јанкуловски, Филип Наумовски, Теодор Љубомировски, Горјан Петковски, Стефан Ристиќ, Алек Чедомирски, Лука Лазаревски, Јован Гиевски, Огнен Сивевски, Михаил Митрески, Мартин Џангаровски
Тренер: Мартин Христов

Ја користиме оваа прилика да им честитаме на Македонија Ѓ.П. за освојувањето на „Купот на Македонија“

Готово! Лука Модриќ после 13 години поминати во кралскиот клуб ќе се збогува од тимот, откако не му беше продолжен договорот за понатамошна соработка. Хрватскиот интернационалец својот последен меч ќе го одигра против Реал Сосиедад во сабота, каде „кралевите“ играат на домашен терен во последното коло од Примера.

Предмалку Реал Мадрид на својата социјална мрежа истакна видео посветено на Лука Модриќ со времетраење од 6 минути:

Интересот за нови клубови според светските спортски медиуми е огромен од повеќе клубови, фановите на Манчестер Јунајтед се меѓу најистакнатите кои Модриќ го посакуваат во своите редови.

Официјално Барселона потврди, Флик останува до 2027-ма година! Имено, продолжувањето на договорот на Ханси Флик е јасен показател дека клубот верува во неговата визија и работа. Освојувањето на три титули во првата сезона — Суперкупот, Копа дел Реј и Ла Лига — е извонредно постигнување и ретко се гледа тренер толку брзо да ја добие довербата на играчите, управата и навивачите.

Que siga el espectáculo
𝗛𝗔𝗡𝗦𝗜 𝗙𝗟𝗜𝗖𝗞 𝟮𝟬𝟮𝟳 💙❤️ pic.twitter.com/y8xkzBnuXW

— FC Barcelona (@FCBarcelona_es) May 21, 2025

Фактот што договорот бил постигнат без големи пречки, но сепак објавен по крајот на сезоната, покажува професионалност и фокус од страна на Флик. Тоа е стил на лидер кој не сака личните работи да го засенат тимскиот успех.

Ќе биде интересно да се види како ќе продолжи неговата приказна со Барселона во наредните сезони — особено со оглед на тоа што клубот се обидува да направи долгорочен проект со јасна фудбалска визија.

Hansi Flick arrives to sign new deal! 🔒✍🏻 pic.twitter.com/2cWV06i47i

— Fabrizio Romano (@FabrizioRomano) May 21, 2025