Речиси и нема ден да не се случи да нема пријавено во ОВР Кичево напад на луѓе од незгрижени кучиња скитници.

Вчера: На 20.12.2022 во 09.30 часот во Полициската станица Кичево, А.Ј.(63) од Кичево пријавил дека на улица „Ужичка“ во Кичево бил каснат од куче скитник

Два дена поназад: На 18.12.2022 година во 15:30 часот, С.З.(62) од Кичево пријавил дека на улицата „Илиница“ во Кичево бил каснат од куче скитник.

– Иако на многу наврати се најавуваше решение на овој децениски проблем, се чини како проаѓа времето – ништо од таа работа.

Да се согледа реалната ситуација на терен, во една мини анкета ќе се согледаат само разочарани родители во страв да ги пуштат своите деца пеш на училиште, изнемоштени лица кои излегуваат на воздух – шетаат со стап како во камено време за во случај на напад, да се одбранат. Уште многу може да се пишува од терен, но што ни менува – ништо.

Ние и верувам никој од нас не сме против животинчињата, нив им треба згрижување, напротив од тој аспект самите чуваме по 2-3 кученца, ги храниме и одржуваме, сме давале поддршка и на најразлични иницијативи за ‘подарување кученца’, но што правиме со останатата глутница која сее потенцијален страв кај граѓаните?

Имено, вчера до нас стигна јавно видео снимано во центарот на град Кичево од г-дин Емир Абдул кое буквално те остава без коментар и уште еднаш си го поставуваме истото прашање (До кога?), треба ли по страшни работи да се случат за да се направи механизам или што и да е (Стационар) да се згрижат кучињата кои во зимскиот период пред нас ќе бидат сè по агресивни, без јадење и сл?

Уште еднаш пред да го гледате видеото, во име на граѓаните кои сè безпомошни, упатуваме апел надлежните да го решат овој проблем кој не бира возраст, боја и нација, за доброто на сите нас.