Спорт
Ландо Норис утре со пол-позиција за Големата награда на Австралија, шампионот Верстапен ќе стартува од третото место
Возачот на Мекларен, Ландо Норис, ја освои пол-позицијата за првата трка од сезоната во Формула 1 – Големата награда на Австралија. Британскиот возач беше побрз од неговиот тимски колега Оскар Пјастри за само 0,084 секунди во драматичните квалификации.
Актуелниот шампион во Ф1, Макс Верстапен, мораше да се задоволи со третото место откако ја задржа привремената пол-позиција во неговиот прв обид во последната рунда од квалификациите.
Сепак, Пјастре потоа ја воодушеви публиката во Мелбурн со сензационален круг за четири десетинки побрзо, но набргу потоа Норис уште еднаш го надмина тој резултат и го постави најдоброто време – 1:15.096.
Според РТС, Верстапен ќе ја започне трката пред Џорџ Расел, кој заврши четврти во Мерцедес. Одлични квалификации имаше и Јуки Цунода од Рејсинг Булс, кој го освои петтото место, додека Алекс Албон во Вилијамс ја продолжи одличната форма и постави шесто најбрзо време.
Возачите на Ферари, Шарл Леклер и Луис Хамилтон немаа најдобра сесија и ќе мора да стартуваат од седмата и осмата позиција. Пјер Гасли од Алпина заврши деветти, додека Карлос Саинз го заврши својот прв квалификациски настап во Вилијамс на десеттата позиција.
Астон Мартин доживеа неуспех, бидејќи Фернандо Алонсо и Ленс Строл беа елиминирани во вториот дел од квалификациите, завршувајќи на 12-то и 13-то место. Џек Дуан стигна до 14. позиција, а новиот шампион во Формула 2, Габриел Бортолето, дебитираше во Кик Заубер со 15. место.
Дебитантите имаа тешка квалификациска сесија – Оли Бирман не успеа да постави време поради проблеми со менувачот, додека Кими Антонели во Мерцедес заврши 16-ти.
Лиам Лосон мораше да се повлече рано на своето деби во Ред Бул на 18-та позиција, а Нико Хулкенберг (Кик Заубер) и Естебан Окон (Хас) беа меѓу најслабо пласираните, завршувајќи ги квалификациите на 17-то и 19-то место.
Големата награда на Австралија е една од најпрестижните трки во календарот на Формула 1, која традиционално се одржува на патеката Алберт Парк во Мелбурн.
Првпат стана дел од Формула 1 во 1985 година, кога се возеше во Аделаида, а од 1996 година беше префрлен во Мелбурн. Се карактеризира со комбинација на улици и тркачки асфалт, што придонесува за непредвидливост.
Трката е значајна и за возачите и за тимовите, бидејќи често ги поставува стандардите за остатокот од сезоната. Најуспешни возачи во историјата на оваа трка се Михаел Шумахер и Лекс Давинсон со четири триумфи, додека Ферари има постигнато најмногу победи меѓу тимовите, со 14.
Притиснете „Watch on YouTube“:
Големата награда на Австралија ќе се одржи утре.
Извор: autoblog.rs
Спорт
Кичевски ФК Напредок како во старите добри времиња, 4 погодоци против ФК Скендербегу на градски!
ФК Напредок во досегашниот дел од првенството одигра 3 и оствари 3 одлични победи.
Уште една одлична фудбалска претстава на нашите фудбалери предводени од шефот на стручниот штаб Бобан Дујковиќ.
Овој пат надиграна беше екипата на ФК Скендебегу со резултат 4:1 (2:0).
Стрелци на головите беа: О.Исмаили 1:0 во 14′,Н.Калевски 2:0 во 33′,М.Котевски 3:0 во 55′,А.Османи 3:1 во 66′ и за конечни 4:1 А.Божиноски во 83′.
Благодарност до публиката која е присутна во сè поголем број.
Одиме напред
Спорт
Милевски го истакна составот за квалификациските натпреварувања за СП, со Белгија и Казахстан, Ќамили и Митровски повредени, додека во составот се враќа Бабунски
А репрезентацијата на Македонија влегува во завршната етапа од квалификациите за Светското првенство 2026, кое ќе се одржи во САД, Канада и Мексико.
Во октомври националниот тим ќе одигра два решавачки натпревари – прво гостувањето против Белгија во Гент, а потоа и средбата со Казахстан во Скопје, како најава за ноемвриската завршница на квалификацискиот циклус.
Селекторот Благоја Милевски го соопшти списокот на играчи, без поголеми изненадувања. Поради повреди отпаднаа Лирим Ќамили и Димитар Митровски, додека во составот се враќа Давид Бабунски од редовите на Вардар.
Милевски се одлучи да ги повика следните фудбалери:
Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија)
Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија)
Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија)
Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија)
Извор: ФФМ
Спорт
(ФОТО) ФФМ донираше компјутери во ОУ „Аврам Писевски“ од с.Бардовци, малите дела носат големи промени!
Во насока на општествена одговорност и поддршка на одржливите практики, Фудбалската федерација на Македонија (ФФМ) во понеделникот донираше компјутери на основното училиште „Аврам Писевски“ во село Бардовци. Станува збор за техничка опрема која претходно беше во употреба во Федерацијата, а сега добива нова улога во образованието.
Оваа акција е усогласена со принципите на циркуларната економија што ги промовира УЕФА – Reduce, Reuse, Recycle, Recover – при што веќе користената опрема повторно се става во функција, обезбедувајќи им подобри можности за учење и дигитален развој на учениците.
Со вакви чекори се постигнуваат три цели: Заштита на животната средина преку намалување на електронскиот отпад, унапредување на наставниот процес преку подобра техничка поддршка и поттикнување на дигиталната писменост кај младите.
ФФМ е уверена дека малите дела носат големи промени. Заедно можеме да се грижиме за природата и за генерациите што доаѓаат – затоа што вистинската игра е за иднината!
Извор: ФФМ
Хороскоп за недела (5 октомври)
ОВЕН Ќе бидете склони да се заљубите оваа недела. Важно е да ја оставите гордоста настрана и да и приоѓате...
Кичевски ФК Напредок како во старите добри времиња, 4 погодоци против ФК Скендербегу на градски!
ФК Напредок во досегашниот дел од првенството одигра 3 и оствари 3 одлични победи. Уште една одлична фудбалска претстава на...
(ФОТО) Директорот на БЈБ Јанев денес во посета на Кичево, Осломеј и Зајас
Во рамки на денешната работна агенда директорот на БЈБ г-дин Александар Јанев ги посети полициските одделенија во Зајас и Осломеј,...
Хороскоп за сабота (4 октомври)
ОВЕН Можно е денес да бидете под голем притисок и да не ви биде лесно сите задачи да ги извршите...
Трикот за совршено сварени јајца
Варените јајца се едни од наједноставните и најхранливи оброци – богати со протеини, витамини и минерали. Но, речиси секој барем...
Никогаш не ставајте ја оваа храна во замрзнувач
Замрзнувачот често е „спасител“ кога сакаме да зачуваме остатоци од јадење или да го продолжиме рокот на траење на храната....
Ferrari неприкосновен: Профит од 118.000 евра по автомобил
Ferrari уште еднаш го потврдува статусот на најпрофитабилен автомобилски бренд во светот. Според финансиските резултати за првата половина од 2025...
YouTube тестира нов мобилен изглед – корисниците поделени
YouTube започна со тестирање на нов мобилен интерфејс и промените се толку драстични што веднаш предизвикаа поделени реакции. Некои корисници...
Хороскоп за петок (3 октомври)
ОВЕН Околу Овенот ќе владее мир и ќе донесе хармонија во вашиот дом. Можеби се расправате со член на семејството...
ЕВН на терен: Непланиран прекин на електрична енергија на превој „Стража“ и кичевските села Вранештица, Цер и Црско, Кладник, Велмевци и Прострање.
„ЕВН Дистрибуција“ известува дека непланиран прекин на електрична енергија има на превој „Стража“, с.Вранештица, Цер и Црско, Кладник, Велмевци и...