Следете не

Кичево

(ГАЛЕРИЈА) Кичево денес гласно го прослави „Лазаревото Воскресение“, среќа и радост на едно место!

Објавено пред

на

Денес празнуваме еден невообичаен настан во кој се опишува победата над најголемиот страв на човекот – смртта, со кој воедно се навестува победата на Христос над Адот. Имено, станува збор за воскресението на четиридневниот мртовец Лазар, наречен уште и пријател Христов.

За личноста на Свети Лазар дознаваме од денешното евангелско четиво, кое ни укажува дека тој бил од Витанија, брат на сестрите Марта и Марија. Лазар тешко се разболел и умрел. Исто така и канонот за овој празник го покажува Христа како навистина близок пријател на Лазара: Си просолзил над пријателот, Спасителе мој. „Како што другаруваше со Лазар, Христос сака да другарува и со целото човештво. Поради таа причина и дојде – да го разбуди човештвото од гревовниот сон, кој го разделува од Него. Лазар, пријателот наш, заспал; целото човештво заспало, но ќе отидам да го разбудам (Јован 11,11). Кога Христос, пак, дошол на гробот на Лазар, Го предупредиле дека Лазар е веќе четири дена во гробот и дека можеби веќе и неговото тело е во фаза на распаѓање. Но, Дарителот на животот на сите, како на привремено заспан човек му се обратил и рекол: Лазаре излези надвор!, и Лазар веднаш излегол завиткан со платно на рацете и нозете и со бела крпа врз главата. Тоа ни кажува дека смртта на човекот е само привремена, затоа што Бог сака да биде со нас во вечноста“ (Епископ Партениј Бигорски).

На нашите простори за Лазаревото Воскресение постојат голем број на традиции и обичаи. Повеќето од нив се окарактеризирани како народни, затоа што се однесуваат главно на сегашниот живот на човекот и содржат најразлични текстови за разни благослови: за стапување во брак на девојките и момчињата, благослови за здравје и благосостојба на домаќинот на куќата, сето тоа проследено со разновидни песни и ора. Сепак, постојат и прекрасни традиции главно од теолошки карактер, како што е денешната традиција, која датира од многу поодамна и била многу застапена на нашиве простори, а тоа е традицијата на собирање на врбови гранчиња.

Според древното предание на Христијаните во пресрет на Лазарева сабота, кога нашиот Спасител Господ Исус Христос го воскреснал веќе четири дена упокоениот и положен во гроб Лазар, постоел обичај домаќинките да прават т.н. Лазаринки или Лазаринчиња, во негов спомен.

Лазаринките се благи колачи, чијшто состав потсеќа на коливото кое се прави и принесува во спомен на упокоените. Формата го симболизира четиридневниот Лазар, упокоен и завиткан во погребни повои.
Во сабота наутро жените ги носеле Лазаринките во храмот и откако ќе завршела светата Литургија им раздавале на присутните, а особено на децата, од традиционално направените Лазаринки, со голема љубов и побожност.

Во истиот ден на Лазарева сабота децата, организирани од училиштата и родителите, се упатувале во парковите и блиските шуми, собирајќи гранчиња од врба и цвеќиња, коишто ги носеле во храмот пеејќи христијански каланди за Лазар, како и празничниот тропар „Општее воскресение“.
Врбовите гранчињата се расфрлале низ храмот и им се раздавале на верните од страна на свештеникот во спомен на празникот Цветници, односно Христовото славно влегување во Ерусалим, смирено седнат на осле, а со разнобојните цвеќиња богато ги украсувале иконите и вратите на храмот. Некои од Христијаните си ги украсувале и своите домови за благослов од Бога, за родна година.

Во продолжение проследете ја нашата официјална галерија преку нашиот објектив, додека официјалното видео од овој радосен настан ќе го објавиме наскоро…

* Сите кои ја сакаат фотографијата приватно, можат да ни пишат приватна порака на нашата фејсбук фан страна и истата со почит ке ви ја испратиме.

Кичево

(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“

Објавено пред

на

©porta.mk

Вчера во НУ ЦК „Кочо Рацин“ – Кичево се реализираше традиционалниот „Велигденски концерт“ на КУД „Рацин“ – „Писмо дојде“ со кореографска режија на Антонио Стојчески и Анастасија Бошковска, проект поддржан од Министерство за Култура и Туризам. Публиката повеќе од еден час имаше можност да ужива во одличните изведби на играорците при културно уметничкото друштво, водени од оркестарот под раководство на Јован Митрески. 

Официјални гости на манифестацијата беа ученици од државно музичко балетско училиште „Илија Николовски-Луј“ од Скопје. На концертот беа претставени повеќе етнички предели од брсјачката и јужно македонската етнографска целина, од етничките предели Воден, Меглен, Леринско поле, Долна Преспа и Костурско, а пред публиката беа изведени и повеќе сценски адаптации и поеднечни традиционални ора и ороводни песни како што се Левото, Машкото, Сулејманово, Рајко, Софкино и многу други.

Програмата на концертот ја водеше г-ѓа Оливера Ширговска. Величествената манифестација со свој говор ја отвори директорот на установата г-дин Мазлам Османи кој посака топло добредојде на бројната публика.

– „Велигден“ како еден од најголемите Христијнски празници претставува симбол на победата светлината и надежта неговата порака е вечна инспирација за сите нас, да останеме посветени на добрината, човечноста и заедништвото. Нашиот Центар за Култура има чест и обврска да ја негува традицијата, да создава мостови помеѓу уметноста и заедницата и да биде чувар на духовните вредности кои не обединуваат.

Вечерашната програма е израз на таа посветеност, преку музиката и уметничкиот израз ние ја славиме убавината на животот и силата на верата.

– Дозволете ми во оваа свечена прилика да упатам посебна благодарност до Министерството за Култура и Туризам за нивната континуирана поддршка и доверба што ни ја укажуваат со поддршка на сите културни активности кои ги организира нашата институција, исто така изразувам искрена благодарност до сите вработени во Центарот за Култура кои со својата професионалност посветеност и ентузијазам се темелот врз кои се градат сите наши успеси, нивната работа која е најчесто зад сцената е незаменлива и вредна за најдлабоко почитување, а исто така сакам да упатам благодарност и до кореографите Антонио Стојчески и Анастасија Бошковска, оркестарот на Јован Митрески како и родителите за нивното присуство, заврши г-дин Османи, директор на ЦК „Кочо Рацин“

– На крај од концертот г-ѓа Ширговска по повод 20 години јубилеј на КУД „Рацин“ од Кичево кој оваа година одбележува во успешно творење, промовирање и зачувување на културното наследство, а во чест на овој важен момент најави голем јубилеен концерт на кој ќе се прослави нивната богата историја посветеност и љубов кон фолклорот и уметноста, а воедно оваа пролет односно на 27-ми и 28-ми мај продолжува и Меѓународниот фолклорен фестивал на песни и ора „Д-р Владимир Полежиноски“ со гости од Турција, Украина, Полска, Бугарија, Албанија, Косово, Црна Гора и БиХ, секако покрај домашните културно уметнички друштва.

Во оваа прилика им честитаме за досегашните успеси и им посакуваме уште многу години плодна работа и уметнички достигнувања.

Во продолжение, Порта.мк се погрижи и овој концерт да добие трајна вредност и во целост да ви го пренесе, така што останува само да уживате во нешто повеќе од еден час, македонска традиција и уметност.

  • Вечна да биде традицијата!

/Д.Б.

Прочитај повеќе...

Кичево

ОВР Кичево во текот на вчерашниот ден со полни раце работа!

Објавено пред

на

©porta.mk

На 25.04.2025 во 23.50 часот во угостителски објект  на булевар „Ослободување“ во Кичево, полициски службеници од ОВР Кичево ги приведоа З.Ѓ.(47) и Р.Ѓ.(45), двајцата од Кичево, затоа што го нарушиле јавниот ред и мир и агресивно се однесувале кон полициските службеници кои преземале службени дејствија. По целосно документирање на настанот, ќе биде поднесена соодветна пријава.

На 25.04.2025 во 18.20 часот, полициски службеници од ОВР Кичево го приведоа Е.Ф.(36) од Кичево, кој бил баран по потерница врз основа на судска наредба од Основниот суд Кичево за издржување затворска казна за сторено кривично дело „кражба“ по член 236 од Кривичниот законик. Лицето е спроведено во Казнено – поправната установа Затвор Битола за издржување казната, известува портпаролот на СВР Охрид, Стефан Димоски.

Прочитај повеќе...

Кичево

(ФОТО) „Атва Маркети“ во Кичево отвори нова пекара со највкусниот асортиман на бели пецива

Објавено пред

на

Почитувани Потрошувачи, повелете и посетете ја новата пекара во АТВА МАРКЕТ 10 на ул. 11 Септември бр 76 каде ве очекуваат голем асортиман на бели пецива за сечиј вкус.

Посетете ја уште веднаш!

АТВА Маркети, дел од вашиот живот!

Погледнете ТУКА како изгледа

Прочитај повеќе...

Facebook

Последни објави

Хороскоп10 часа

Хороскоп за вторник (29 април)

ОВЕН Иако сте родени како борец, поседувате срце на некој кој посакува мир. Денес ќе посакувате да водите а со...

Мобилни уреди12 часа

За новите уреди на „iPhone“, реномираниот бренд би можел да има нов редизајн

Првиот iPhone беше претставен на 9 јануари 2007 година, на конференцијата Macworld во Сан Франциско, а беше пуштен во продажба...

Магазин17 часа

„Сите за Кочани – Трчаме заедно!“ – „Денот на Европа“ со хуманитарна трка во седум македонски градови, наменета за погодените од трагедијата во Кочани

Оваа година, Делегацијата на Европската Унија и мрежата на Јуроп хаус ќе го одбележат „Денот на Европа” со организирање на...

Занимливости17 часа

Светскиот гигант „Google“ ќе ги враќа вработените во своите канцеларии, работењето од дома ќе стане минато

Технолошкиот гигант „Google“ на голем број вработени им издаде соопштение во кое се бара истите да се вратат во канцеларија...

Македонија19 часа

Од ноќеска поскапуваат нафтените деривати, ова е новата цена!

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V), се зголемуваат за 2,00 ден/лит, во...

Хороскоп1 ден

Хороскоп за понеделник (28 април)

ОВЕН Целото ваше внимание е насочено кон некој семеен проблем. Денес ќе се случи конечната кулминација на сето тоа а...

Скопје2 дена

СВР Скопје изрече 96 санкции, 41 од нив биле за возење со брзина поголема од дозволената

Денеска (27.04.2025) од страна на Одделението за безбедност на патниот сообраќај при СВР Скопје во периодот од 08:30 до 16:00...

Спорт2 дена

ФФМ со експресно соопштение ја извести јавноста во врска со случајот ФК Гостивар

На денешниот натпревар од Прва МФЛ меѓу ФК Гостивар и ФК Работнички бевме сведоци на срамен чин – свесно и...

Здравје и убавина2 дена

Мувлата на овошјата може да доведе до несакани последици по здравјето на човекот

Ако мувла зафатила само еден дел од вашата храна, најверојатно мислите дека е безбедно да го отстраните тој дел и...

Кичево2 дена

(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“

Вчера во НУ ЦК „Кочо Рацин“ – Кичево се реализираше традиционалниот „Велигденски концерт“ на КУД „Рацин“ – „Писмо дојде“ со...

НАЈЧИТАНИ