Спорт
(ФОТО) Вчера Македонија остави срце на терен против Англија една од најмоќните репрезентации на модерниот фудбал, Милевски задоволен од прикажаното..

Македонската репрезентација одигра 1:1 со Англија, една од најмоќните селекции во модерниот фудбал. Преполн стадион, блескава атмосфера. Со овој меч го завршуваме циклусот за квалификациите на ЕУРО 2024, додека со деби-резултатот нашата селекција остана непоразена во Скопје воопшто од Англија.
Поведовме први со голот на Енис Барди од белата точка во 41-та минута, иако истиот беше досуден по преглед од ВАР собата, со тој поволен резултат заврши првото полувреме, додека во вториот дел во 59-та минута преку нововлезениот Хари Кејн топката удри во Атанасов и заврши во гол-мрежата на Димитриевски.
– На прес конференцијата Милевски истакна дека е задоволен од прикажаната игра, но ја пофали и играта во Италија, уште еднаш им честита на своите момчиња за борбеноста на терен, додека неговиот колега од Англиската репрезентација Герет Саутгејт изјави дека според него немало пенал за Македонија:
– „Немаше пенал за Македонија. Можеби многу повеќе наликуваше стартот на Мегваер, отколку ова што го досудија судиите со помош на ВАР. Но, нема да коментирам повеќе околу тоа. Ние имавме целосна контрола, доминиравме во поле, ни недостуваше тоа завршно додавање, но можеби и поради тврдиот терен кој е нов и не дозволуваше многу креација. Сепак, ние лесно и успешно се квалификувавме за ЕВРО 2024, а формата ќе ја темпираме за завршното натпреварување“
Порта.мк го проследи овој меч и истиот ви го пренесува преку фотографија од нашиот објектив:
Спорт
Утре започнува првото коло во втората македонска фудбалска лига, според новите правила само шампионот обезбедува место во ПМФЛ

Утре од 17:00 часот стартува новата сезона во Втората македонска фудбалска лига со натпреварите од првото коло. Сезоната 2025/2026 се очекува да биде една од највозбудливите и најнепредвидливите досега. Дополнителна доза на неизвесност носат и промените во системот на натпреварување – од следната сезона лигата ќе брои две екипи помалку, а изменети се и правилата за промоција и испаѓање.
Според новите правила, само шампионот директно обезбедува место во Првата МФЛ. Тимовите што ќе завршат на втората и третата позиција ќе играат бараж за влез во елитата.
Најдраматичната борба, сепак, се очекува на дното од табелата: четирите последно пласирани екипи директно испаѓаат, додека тимовите од 9. до 11. место ќе мора да одиграат бараж-дуели со прваците од Третите лиги за опстанок.
Како главен фаворит за првата позиција и директна промоција се истакнува штипска Брегалница, но во борбата за елитата се вбројуваат и Беласица, Скопје, Шкендија Арачиново и Детонит Плачковица. Сепак, амбиции за висок пласман имаат сите клубови, особено со оглед на тоа што секој бод може да биде клучен за избегнување на испаѓање.
Сите натпревари ќе бидат достапни во живо преку YouTube-каналот на ФФМ.
Распоред за 1. коло – Втора МФЛ (23 август, 17:00 часот):
-
Вардар Неготино – Тетекс
-
Брегалница 2008 – Кожуф
-
Новаци – Победа
-
Каменица САСА – Осогово
-
Преспа – Шкендија Арачиново 77
-
Охрид Лихнидос – Беласица
-
Скопје – Слога 1934
-
Големо Коњари – Детонит Плачковица
Извор: ФФМ (Фудбалска федерација на Македонија)
Спорт
Србинот Меџедовиќ го заврши своето учество на „АТП“ турнирот откако загуби од францускиот тенисер Перикар

Српскиот тенисер Хамад Меџедовиќ го заврши својот настап на АТП турнирот во Винстон-Салем во четвртфиналната фаза, откако загуби од Французинот Џовани Мпеши Перикар со 2-0 во сетови (7:6 [8], 6:2).
Дуелот траеше еден час и 29 минути. Првиот сет мина без брејк-шанси, па беше решен во тајбрејк, каде што Меџедовиќ водеше со 5:1 и имаше четири сет-топки, но не успеа да ги искористи. Французинот ја презеде иницијативата и го освои тајбрејкот со 10:8, поведувајќи со 1-0 во сетови.
That's how you finish a match 🚀
Giovanni Mpetshi Perricard defeats Medjedovic 7-6 6-2 to storm into the semi-finals in Winston Salem!@WSOpen pic.twitter.com/CjdPh6E188
— Tennis TV (@TennisTV) August 22, 2025
Во вториот сет, српскиот тенисер не успеа да го одржи нивото на игра, што му овозможи на Мпеши Перикар со два брејка рутински да стигне до победата.
Мпеши Перикар ќе се бори за пласман во финалето против победникот од прекинатиот четвртфинален меч помеѓу Ботик ван де Зандшулп и кинескиот тенисер од монголско потекло, Бујунчаокете. Во моментот на прекинот, холандскиот играч водеше со 6:3, 4:3.
Спорт
Фудбалската репрезентација на Македонија до 16 години убедливо ја победи Црна Гора на пријателскиот меч одигран вчера на „Билјанини Извори“ во Охрид

Македонската фудбалска репрезентација до 16 години забележа убедлива победа од 3:0 против селекцијата на Црна Гора на пријателскиот натпревар кој вчера се одигра на теренот „Билјанини Извори“ во Охрид.
Младите македонски фудбалери покажаа доминација во текот на целиот меч. Иако во првото полувреме Масев, Ристиќ и Акики имаа неколку добри шанси, резултатот остана непроменет сè до 39. минута, кога Адриан Велески со продор и прецизен удар го отвори резултатот. Неколку минути подоцна, Марин Крстевски постигна прекрасен погодок со кој ја зголеми предноста на 2:0.
Во второто полувреме, по точно еден час игра, Крстевски мајсторски асистираше до Стефан Ристиќ, кој успешно реализираше за конечни 3:0. Во продолжението, Полимац и Емини имаа уште неколку шанси за гол, но црногорскиот голман беше на висина на задачата и спречи повисок пораз.
Вториот контролен дуел меѓу овие две репрезентации ќе се одигра на 21 август со почеток од 11:00 часот, повторно во Охрид.
Состав на Македонија (до 16 години):
Петар Талески, Михајло Павлов (82′ Далибор Марковиќ), Матеј Бочевски, Матеја Масев, Амар Акики (61′ Филип Ѓоргиоски), Александар Полимац (61′ Медин Емини), Стефан Ристиќ (76′ Ефе Раифи), Павел Стојанов (61′ Огнен Сивевски), Марин Крстевски (61′ Рон Мемеди), Илија Аксентиев (82′ Марио Стојчевски), Адриан Велески (76′ Благојче Седлоски).
Селектор: Иљами Исејни.
Состав на Црна Гора (до 16 години):
Дамјан Јанковиќ, Немања Нишавиќ (76′ Амар Суљевиќ), Немања Никочевиќ (61′ Алден Бајрамовиќ), Петар Мерсениќ (76′ Филип Хорхе), Андрија Нововиќ (61′ Лазар Булатовиќ), Лазар Грбовиќ (61′ Павле Јововиќ), Петар Вуковиќ (76′ Лука Влаховиќ), Данило Вуковиќ (61′ Лука Куч), Славко Конатар (76′ Дамјан Бесовиќ), Урош Самарџиќ, Никола Милачиќ (76′ Вук Каљевиќ).
Селектор: Владан Савиќ.
-
Хроника1 ден
Кичево и кичевско во тага по страшната трагедија која се случи вчера, каде по пад од четирицикл две малолетнички ги изгубија своите животи
-
Кичево2 дена
(ВИДЕО) Пожарот во с.Душогубица кичевско сеуште активен, опожарени се пчелни сандаци и куќа
-
Хороскоп2 дена
Хороскоп за петок (22 август)
-
Хороскоп17 часа
Хороскоп за сабота (23 август)
-
Култура2 дена
Бдение и Божествена Литургија по повод „Успение на Мајката Божја“ во кичевскиот Манастир „Св.Богородица Пречиста“, богослужение на човечка посветеност и небесната утеха, земната привременост и вечниот живот
-
Кичево1 час
Кичево: Најавени градежни работи кон месност Крушино, за тоа време ќе има времен прекин на сообраќај
-
Македонија17 часа
Времен прекин на сообраќај утре и задутре поради меѓународниот ФИС ролер-ски натпревар „Тодор Проески“
-
Македонија1 ден
Уште една измама со лажна сообраќајка, тетовчанка измамена за огромна сума на евра и швајцарски франци