Следете не

Спорт

Македонија до 21 ги стартува подготовките за Грузија и Австрија, Рамани истакна дека време е да се вратиме на победите и добрите игри

Објавено пред

на

©ФФМ

Младата репрезентација на Македонија до 21 година во октомври ја очекуваат два тешки натпревари против селекциите на Грузија и Австрија. На 16. ноември силите ќе ги одмериме со Грузија, на домашен терен, во рамките на четвртото коло од квалификациите за пласман на ЕП 2025 што ќе се одржи во Словачка.

Пет дена подоцна, ќе се соочиме со Австрија на гостински терен во контролен натпревар кој ќе биде одигран во Риед. Репрезентацијата на Македонија предводена од селекторот Драги Канатларовски денеска официјално ќе ги започне подготовките за претстојните два меча со Грузија и Австрија.

Еден од нашите клучни играчи во средниот ред и играч на лидерот Шкупи, Хамза Рамани, даде свое водување и коментар за претстојните мечеви.

Одлично ги стартувавме овие квалификации, одигравме фантастичен меч против еден од фаворитите во групата, селекцијата на Шведска. Натпревар во кој успеавме да победиме и да освоиме три бодови на многу тежок терен. Во второто коло на домашен терен загубивме од Холандија, но одигравме на ниво и можеме да жалиме за големите прилики што не успеавме да ги искористиме. На мечот со Молдавија, тргнавме со голема доверба и од стартот верувавме дека ќе ги освоиме сите три бодови, но се случи спротивното, направивме многу грешки со кои практично им ја поклонивме победата.

– Никако не смее да си дозовлиме да подцениме ниту една репрезентација. Ова се квалификации и нема лесен противник.На сите натпревари треба да пристапиме став и да дадеме се од себе.

– Мечот со Грузија од квалификациите за нас е од голема важност. Треба да бидеме максимално фокусирани и посветени во текот на сите деведесет минути, да оставиме срце на терен. Само така можеме да се надеваме на позитивен резултат.

– По негативниот резултат со Молдавија, се надевам дека веќе на следниот меч ќе се вратиме на победите и играта која не красеше на првите два натпревари. Се надевам и верувам дека ќе успееме да излеземе како победници на дуелот со Грузија.

– Имаме одлична атмосфера во репрезентацијата. Верувам дека само позитивните резултати може да ја кренат уште повеќе нашата мотивација и да освежат дополнително атмосферата во тимот, која е на високо ниво.

Спорт

ФФМ и DoubleTree by Hilton – Skopje го официјално партнери, Јандреоски: „Навистина ни е драго што го формализираме ова партнерство со хотел кој веќе е важен дел од нашите репрезентативни активности“

Објавено пред

на

Фудбалската федерација на Македонија (ФФМ) и DoubleTree by Hilton – Skopje го официјализираа своето ново партнерство кое претставува значаен чекор во унапредувањето на условите и поддршката за македонските фудбалски репрезентации.

Договорот за соработка постигнат од претседателот на ФФМ, Масар Омерагиќ и сопственикот на Double Tree by Hilton – Skopje, Ајдован Адемоски го потпишаа генералниот секретар на ФФМ, Леонид Јандреоски и генералниот директор на DoubleTree by Hilton Skopje, Ѓоре Велковски, потврдувајќи ја заедничката посветеност на градење долгорочна и продуктивна соработка.

Повеќе прочитајте на официјалниот натпис од ФФМ, во продолжение ТУКА

Прочитај повеќе...

Спорт

Младата женска репрезентација на Македонија во фудбал до 16 години ја победи Бугарија во пенал рулетот, избраничките на Милеска со тоа остварија прва победа!

Објавено пред

на

©ФФМ

Женската репрезентација на Македонија до 16 години оствари победа над соодветната селекција на Бугарија по подобро изведување на пенали (4:2) во првото коло од Уефа развојниот турнир што се одржува во Албанија.

Натпреварот заврши 1:1, а во пенал серијата избраничките на селекторот Катерина Милеска беа многу посигурни и на крајот се радуваа на првата победа на развојниот турнир.

Селекцијата на Бугарија имаше предност од 1:0 во 47. минута, благодарение на голот на Емма Варбанов. Ана Марија Цветковска во 86. минута го израмни резултатот на 1:1.

Во пенал серијата, во нашата репрезентација погодија Розита Пецева, Ана Марија Цветковска, Тамара Лазеска и Елена Наумовска. Во селекцијата на Бугарија, прецизни од белата точка беа Зорнитса Коева и Јоанна Георгиева.

Вториот дуел од развојниот турнир го играме на 15. април против Грузија, во истиот термин, од 11:30 часот.

Македонија: Евгенија Велјановска, Лина Мицовска, Бесарта Фида, Розита Пецева, Елена Наумовска, Ана Марија Цветковска, Блехана Алиевска, Марија Велиновска, Елиза Ибрахими, Ема Наневска, Сара Димитровска

Селектор: Катерина Милеска

Извор: ФФМ

Прочитај повеќе...

Спорт

Фудбалската федерација на Македонија го истакна својот најнов партнер и соработник

Објавено пред

на

©ФФМ

Фудбалската федерација на Македонија (ФФМ) со гордост го најавува најновото партнерство со еден од најпрепознатливите домашни брендови – Витаминка Прилеп. Соработката претставува поврзување на нашиот фудбал со компанија која претставува составен дел од животите на неколку генерации.

Витаминка ќе обезбеди финансиска поддршка за ФФМ за активности насочени пред се кон младинскиот фудбал и Детска лига. Визијата е заедничка: поддршка на младинскиот развој и здравиот начин на живот.

Производите на Витаминка, особено оние наменети за деца, ќе бидат дел од промотивните активности на ФФМ, со посебен фокус на ФФМ Детската лига – најголемата платформа за младински фудбал во државата, која инспирира илјадници деца да го следат својот спортски сон.

– „Чест ни е да ја претставиме Витаминка како нов член на фудбалското семејство на ФФМ. Како компанија која има долгогодишна традиција и грижа за здравјето на децата, Витаминка е идеален партнер во нашата мисија за поттикнување на детскиот фудбал и поддршка за младинскиот спорт. Заедно ќе создаваме услови за здрав раст и спортски развој на идните генерации.“ – истакна првиот човек на ФФМ, г-дин Масар Омерагиќ

Повеќе прочитајте на официјалниот натпис на ФФМ во продолжение ТУКА

Прочитај повеќе...

Facebook

Последни објави

Хороскоп4 часа

Хороскоп за вторник (22 април)

ОВЕН Денот е идеален за решавање на сите незавршени работи како и за дискусии поврзани со финансиски проблеми со личност...

Култура6 часа

(ФОТО+ВИДЕО) Во Бигорскиот Манастир и оваа година величествена прослава за Воскресение Христово – Света Пасха

Во болскотот на оваа ноќ посветла од сите дни, кога сета твар замолчува пред славата на непобедливата Светлина, Свештената Бигорската...

Технологија10 часа

„Google“ со бесплатен „AI Premium“ план за студентите со времетраење од една година

Google одлучи да им олесни на студентите – барем технички. Компанијата објави дека сите студенти кои ќе се пријават може...

Хороскоп1 ден

Хороскоп за понеделник (21 април)

ОВЕН Не сте осамени, имате на кого да се потпрете и се обидувате да најдете најдобар можен начин да се...

Свет1 ден

Најстариот активен американски астронаут Дон Петит се врати на Земјата од Меѓународната вселенска станица (ISS) на својот 70-ти роденден.

Вселенската капсула Сојуз МС-26, која ги превезуваше Петит и неговите руски колеги Алексеј Овчинин и Иван Вагнер, падна со падобран...

Кичево2 дена

(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници

И оваа господова 2025 година Православните Христијани од речиси сите страни на градот вчера дојдоа во градскиот храм Св.Петар и...

Македонија2 дена

Жител на Крива Паланка возел 142 км/ч на место обележано до 70 км/ч

На 19.04.2025 во 11.30 часот на патот кон с.Гиновце, општина Ранковце, полициски службеници од ОВР Крива Паланка го лишиле од...

Македонија2 дена

На пат Гостивар-Кичево бил лишен од слобода возач кој престигнувал подолга колона

На 19.04.2025 во 12.10 часот полициски службеници од ПС Гостивар на магистралниот пат Гостивар-Кичево, во близина на каменоломот, го лишиле...

Култура2 дена

Ова се најубавите Велигденски пораки, сподели радост, посакај здравје и среќа!

Велигден е најубавиот православен празник, а ова се најубавите пораки кои ги пронајдовме и ги споивме во еден натпис, достапни...

Култура2 дена

Радувајте се Православни Христијани, Христос Воскресна – Навистина Воскресна !!!

Овој празник е спој на верата и традицијата, негувана од памтивек, а почнува на Велики четврток уште пред изгрејсонце кога...

НАЈЧИТАНИ