Спорт
Македонската фудбалска репрезентација вчера забележа победа против Ерменија и го бетонира првото место во групата

Македонија вчера славеше во Ереван против Ерменија со 2:0 за печат на перфектниот октомври. Бојан Миосвски и Исник Алими беа стрелци на головите за нашата најдобра селекција. Македонската репрезентација одигра тактички перфектно во најголем дел од мечот против Ерменија, а во првиот момент кога почувствува пад и слабост кај домаќиниот, ладнокрвно зададе два удар и ги освои трите бода во Ереван.
Селекторот Благоја Милевски направи добри измени во вториот дел и тоа придонесе подобар проток на топката во последната третина, па во таква ситуација, видовме и два мајсторски погодоци за огромни три бода во Ереван.
Со погодоците на Бојан Миовски и Исник Алими, Македонија сега дојде на чекор од историски пласман во Лигата Б во Лигата на нации, но истовремено се избори и за историски успех во едни квалифиакции.
За првпат од нашето постоење, Македонија врза три победи во низа без да прими ниту еден гол, бидејќи покрај денешната победа против Ерменија, против истата селекција славевме пред еден месец на домашен терен (2:0), но и против Летонија во четвртокот (0:3).
Македонија има 10 бода, шест повеќе од Ерменија и Летонија. Само теорија може да не остави без првото место во групата.
Милевски на прес конференцијата исто така упати јасна порака до челниците на фудбалските клубови:
– „Овие момци се вистинска гордост, се вид тоа најдобро низ овие три претходни натпревари во Лигата на нации колку се вистински фудбалски големи. Преку овие свои настапи испраќаат пораки и сигнали до своите тренери во клубовите каде играат, добро да увидат што имаат во своите редови. Од 11 првотимци, па да не претеруваме можеби девет немаат минутажа во своите клубови, но на секој натпревар во репрезентацијата демонстрираат што знаат и умеат. Затоа ќе повторам, навистина и не се нормални. Знам дека некогаш сум тежок во своите очекувања, желби и барања од нив, што, пак, најдобро го знаат и моите во семејството… Но, знам и колку овие момци знаат дека на тој начин само заеднички го бараме само најдоброто за Македонија и македонскиот фудбал“
Спорт
Утре започнува првото коло во втората македонска фудбалска лига, според новите правила само шампионот обезбедува место во ПМФЛ

Утре од 17:00 часот стартува новата сезона во Втората македонска фудбалска лига со натпреварите од првото коло. Сезоната 2025/2026 се очекува да биде една од највозбудливите и најнепредвидливите досега. Дополнителна доза на неизвесност носат и промените во системот на натпреварување – од следната сезона лигата ќе брои две екипи помалку, а изменети се и правилата за промоција и испаѓање.
Според новите правила, само шампионот директно обезбедува место во Првата МФЛ. Тимовите што ќе завршат на втората и третата позиција ќе играат бараж за влез во елитата.
Најдраматичната борба, сепак, се очекува на дното од табелата: четирите последно пласирани екипи директно испаѓаат, додека тимовите од 9. до 11. место ќе мора да одиграат бараж-дуели со прваците од Третите лиги за опстанок.
Како главен фаворит за првата позиција и директна промоција се истакнува штипска Брегалница, но во борбата за елитата се вбројуваат и Беласица, Скопје, Шкендија Арачиново и Детонит Плачковица. Сепак, амбиции за висок пласман имаат сите клубови, особено со оглед на тоа што секој бод може да биде клучен за избегнување на испаѓање.
Сите натпревари ќе бидат достапни во живо преку YouTube-каналот на ФФМ.
Распоред за 1. коло – Втора МФЛ (23 август, 17:00 часот):
-
Вардар Неготино – Тетекс
-
Брегалница 2008 – Кожуф
-
Новаци – Победа
-
Каменица САСА – Осогово
-
Преспа – Шкендија Арачиново 77
-
Охрид Лихнидос – Беласица
-
Скопје – Слога 1934
-
Големо Коњари – Детонит Плачковица
Извор: ФФМ (Фудбалска федерација на Македонија)
Спорт
Србинот Меџедовиќ го заврши своето учество на „АТП“ турнирот откако загуби од францускиот тенисер Перикар

Српскиот тенисер Хамад Меџедовиќ го заврши својот настап на АТП турнирот во Винстон-Салем во четвртфиналната фаза, откако загуби од Французинот Џовани Мпеши Перикар со 2-0 во сетови (7:6 [8], 6:2).
Дуелот траеше еден час и 29 минути. Првиот сет мина без брејк-шанси, па беше решен во тајбрејк, каде што Меџедовиќ водеше со 5:1 и имаше четири сет-топки, но не успеа да ги искористи. Французинот ја презеде иницијативата и го освои тајбрејкот со 10:8, поведувајќи со 1-0 во сетови.
That's how you finish a match 🚀
Giovanni Mpetshi Perricard defeats Medjedovic 7-6 6-2 to storm into the semi-finals in Winston Salem!@WSOpen pic.twitter.com/CjdPh6E188
— Tennis TV (@TennisTV) August 22, 2025
Во вториот сет, српскиот тенисер не успеа да го одржи нивото на игра, што му овозможи на Мпеши Перикар со два брејка рутински да стигне до победата.
Мпеши Перикар ќе се бори за пласман во финалето против победникот од прекинатиот четвртфинален меч помеѓу Ботик ван де Зандшулп и кинескиот тенисер од монголско потекло, Бујунчаокете. Во моментот на прекинот, холандскиот играч водеше со 6:3, 4:3.
Спорт
Фудбалската репрезентација на Македонија до 16 години убедливо ја победи Црна Гора на пријателскиот меч одигран вчера на „Билјанини Извори“ во Охрид

Македонската фудбалска репрезентација до 16 години забележа убедлива победа од 3:0 против селекцијата на Црна Гора на пријателскиот натпревар кој вчера се одигра на теренот „Билјанини Извори“ во Охрид.
Младите македонски фудбалери покажаа доминација во текот на целиот меч. Иако во првото полувреме Масев, Ристиќ и Акики имаа неколку добри шанси, резултатот остана непроменет сè до 39. минута, кога Адриан Велески со продор и прецизен удар го отвори резултатот. Неколку минути подоцна, Марин Крстевски постигна прекрасен погодок со кој ја зголеми предноста на 2:0.
Во второто полувреме, по точно еден час игра, Крстевски мајсторски асистираше до Стефан Ристиќ, кој успешно реализираше за конечни 3:0. Во продолжението, Полимац и Емини имаа уште неколку шанси за гол, но црногорскиот голман беше на висина на задачата и спречи повисок пораз.
Вториот контролен дуел меѓу овие две репрезентации ќе се одигра на 21 август со почеток од 11:00 часот, повторно во Охрид.
Состав на Македонија (до 16 години):
Петар Талески, Михајло Павлов (82′ Далибор Марковиќ), Матеј Бочевски, Матеја Масев, Амар Акики (61′ Филип Ѓоргиоски), Александар Полимац (61′ Медин Емини), Стефан Ристиќ (76′ Ефе Раифи), Павел Стојанов (61′ Огнен Сивевски), Марин Крстевски (61′ Рон Мемеди), Илија Аксентиев (82′ Марио Стојчевски), Адриан Велески (76′ Благојче Седлоски).
Селектор: Иљами Исејни.
Состав на Црна Гора (до 16 години):
Дамјан Јанковиќ, Немања Нишавиќ (76′ Амар Суљевиќ), Немања Никочевиќ (61′ Алден Бајрамовиќ), Петар Мерсениќ (76′ Филип Хорхе), Андрија Нововиќ (61′ Лазар Булатовиќ), Лазар Грбовиќ (61′ Павле Јововиќ), Петар Вуковиќ (76′ Лука Влаховиќ), Данило Вуковиќ (61′ Лука Куч), Славко Конатар (76′ Дамјан Бесовиќ), Урош Самарџиќ, Никола Милачиќ (76′ Вук Каљевиќ).
Селектор: Владан Савиќ.
-
Хроника4 часа
Кичево и кичевско во тага по страшната трагедија која се случи вчера, каде по пад од четирицикл две малолетнички ги изгубија своите животи
-
Кичево1 ден
(ВИДЕО) Пожарот во с.Душогубица кичевско сеуште активен, опожарени се пчелни сандаци и куќа
-
Хороскоп2 дена
Хороскоп за четврток (21 август)
-
Хороскоп19 часа
Хороскоп за петок (22 август)
-
Култура23 часа
Бдение и Божествена Литургија по повод „Успение на Мајката Божја“ во кичевскиот Манастир „Св.Богородица Пречиста“, богослужение на човечка посветеност и небесната утеха, земната привременост и вечниот живот
-
Магазин1 ден
Nintendo Switch 2 поставува нов рекорд: продадени над 6 милиони конзоли за помалку од еден месец
-
Временска прогноза9 часа
Западните предели променливо облачно со засилен ветер и пороен дожд
-
Македонија1 ден
Запленета поголема количина цигари без бандероли и дробен тутун во Тетовo, лишени од слобода две лица