Свет
МЕДИУМСКА ВОЈНА: Експлозија на лажни вести и снимки од Украина!

Огромна количина на снимки, фотографии и настани кои немаат никаква врска со реалноста ги преплавија социјалните мрежи ширум светот
Руската инвазија на Украина, освен вистинската, крвава војна, во која војниците и цивилите умираат подеднакво, се води паралелно со две други војни – едната е сајбер, а другата е медиумската, каде борбите се префрлија од телевизиските екрани на социјалните мрежи.
Духот на Киев
Токму војната на социјалните мрежи експлодираше во Украина, каде што бројните снимки, фотографии и настани кои немаат никаква врска со реалноста станаа реалност. На ова треба да се додадат измислени приказни и пораки од украински јавни личности кои почнале да се сликаат со автоматско оружје во рацете, со порака дека ги чекаат руските војници кога ќе им провалат во вилите.
Во медиумите најмногу одекна приказната за „духот на Киев“, кој се појави на небото над главниот град на првиот ден од инвазијата и успеа да собори дури шест руски авиони за само еден ден! Така, на социјалните мрежи се рашири приказната за митскиот пилот кој храбро се спротивставува на куп руски авиони со ловецот „Миг-29“ и ги урива сите.
Според таа приказна, само еден „миг-29“ успеал да собори дури шест руски авиони за еден ден. Ова е моментално најголемиот воздушен ас од 1991 година и од 1945 година, напишаа корисниците на Твитер.
Лажна жртва
Дури шест весници од Запад објавија насловни страници со слика на повредена и расплакана жена, руска жртва на војната во Украина! Се испостави дека се работи за жена од областа Чернобил на која во станот и експлодирала плинска боца во 2012 година!
Бомбардери
Една од првите вести за руската инвазија беше летот на руски стратешки бомбардери ТU-22 над Киев. Се испостави дека оваа вест е лажна и дека видеото датира од 2020 година, кога се одржа воена парада, која беше одложена поради пандемијата и дека овие бомбардери не учествувале ниту на првиот ден од инвазијата на Украина.
Слетување со падобран
Една од најпопуларните објави на Твитер беше видеото од масовното слетување на падобран. И тоа беше на првиот ден од инвазијата, кога руските падобранци слетаа во близина на Одеса, а потоа и во Харков. Се испостави дека снимката е направена уште во 2016 година, според некои во 2018 година, за време на руската воена вежба.
Ракета во зградата
Ракета погоди солитер во Киев, која разнесе неколку станови, се уште е предмет на спор меѓу Русите и Украинците. Веднаш по експлозијата, Твитер беше преплавен со наводни снимки од камерите од становите кога се случи експлозијата, се покажа дека тоа е Бејрут од 2020 година, кога експлодираше пристанишниот склад.
Последен во низата лажни снимки беше падобран кој слета на Киев. Имено, во саботата вечерта се појави слика од Киев во самрак, кога на небото се забележани бели траги за кои се наведува дека се руски падобранци. Подоцна се испостави дека тоа се траги од ракети за противвоздушна одбрана.
Инаку, претседателката на Европската комисија Урсула фон дер Лајен синоќа изјави дека руските државни медиуми Russia Today и Sputniк ќе бидат забранети во Европската унија, за да се спречи, како што рече, ширење „лаги“ за руската инвазија на Украина.
Две верзии, без потврда
Русите го уништиле „Ан-225“?
На социјалните мрежи се прошири веста дека руските сили го уништиле најголемиот авион на светот „Ан-225“ за време на битката за аеродромот „Хостомељ“, кој го користела компанијата „Антонов“. Инаку, пред два дена имаше информација дека кога Русите го окупирале тој аеродром, авионот „Ан-225“ останал недопрен и неоштетен, потоа дека авионот бил префрлен во Русија, што е лажна вест, а потоа и дека авионот бил под напад.Уништени руски беспилотни летала. Засега ниту една од верзиите не е официјално потврдена.
/kurir.rs/
Свет
„Google“ со сериозна инвестиција на центри за податоци и вештачка интелигенција во Велика Британија

Американската компанија Гугл денеска објави план за инвестиција од пет милијарди фунти (околу 5,78 милијарди евра) во Велика Британија во наредните две години. Средствата главно ќе бидат насочени кон развој на центри за податоци и истражување во областа на вештачката интелигенција (ВИ), а веста доаѓа непосредно пред посетата на американскиот претседател Доналд Трамп на Лондон.
Според соопштението на компанијата, инвестицијата ќе ги покрие капиталните трошоци, истражувањето и развојот, вклучувајќи ја и работата на Гугл ДипМајнд, британската лабораторија за ВИ во сопственост на технолошкиот гигант.
Како дел од оваа стратегија, денес беше пуштен во употреба нов центар за податоци во Волтам Крос, северен Лондон, во кој Гугл претходно вложи околу една милијарда долари (850 милиони евра).
Портпарол на компанијата за агенцијата АФП, кој сакаше да остане анонимен, изјави дека новата инвестиција ќе претставува надополнување на претходното финансирање.
Во меѓувреме, Велика Британија се подготвува за втората државна посета на Трамп, која ќе се одржи в среда и четврток. Првата официјална посета беше во 2019 година, за време на неговиот прв претседателски мандат. Според британските медиуми, Трамп ќе биде придружуван од делегација составена од високи претставници на технолошкиот и финансискиот сектор, а се очекуваат и нови инвестиции и потпишување на технолошки договор со Лондон.
Во пресрет на посетата, британската влада веќе најави дека американските банки вложуваат повеќе од една милијарда фунти во земјата, а во понеделник потврди и договор со САД за забрзување на процесот на одобрување и верификација на нуклеарни проекти.
Откако започна војната во Украина, Велика Британија значително ги засили напорите за намалување на зависноста од јаглеводородите, при што нуклеарната енергија стана стратешки приоритет. За време на посетата на Трамп, официјално ќе биде потпишано и новото партнерство меѓу Лондон и Вашингтон – „Атлантско партнерство за напредна нуклеарна енергија“, пренесе Бета.
Свет
Денес во Киргистан беше регистриран силен земјотрес

Во Киргистан денеска е регистриран земјотрес со јачина од 4,1 степени според Рихтеровата скала, информира Европско-медитеранскиот сеизмолошки центар. Потресот бил лоциран на околу 12 километри југоисточно од главниот град Бишкек, на длабочина од приближно 12 километри.
Очевидци сведочат дека земјата се тресела околу две до три минути, пренесе ТАСС.
Досега нема информации за повредени лица или материјални оштетувања.
Свет
(ВИДЕО) „Ден на жалост“ во Португалија по страшната трагедија каде од шините излета жичара и одзеде најмалце 15 животи, неофицијално има и странци

Португалија денеска тагува по трагедијата што го потресе главниот град Лисабон, откако 15 лица ги загубија животите, а најмалку 18 завршија во болница по излетувањето од шините на историската жичница „Глорија“. Петмина од повредените се во критична состојба, соопштија службите за итни интервенции.
Несреќата се случила вчера околу 18 часот по локално време, на ридската траса која ја поврзува централниот плоштад Рестаурадорес со познатиот кварт Баиро Алто. Властите потврдија дека меѓу загинатите има и странски туристи, но нивната националност сè уште не е официјално објавена.
Градоначалникот на Лисабон, Карлос Моедас, по посетата на повредените во болница изјави дека градот минува низ „еден од најтешките моменти во поновата историја“. Претседателот Марсело Ребело де Соуза, пак, упати сочувство до семејствата и најави дека државата ќе ја утврди целосната одговорност за трагедијата.
#ALERTA Se descarriló el Funicular de Lisboa, el Elevador da Glória, que realiza un recorrido por la zona vieja; obligado al viajar a Portugal. Al menos 15 muertos y 18 heridos. Con mas de 100 años de historia, no le daba mantenimiento el municipio. Turistas, muchas víctimas pic.twitter.com/7ou9NYCppb
— Víctor Sánchez Baños (@vsanchezbanos) September 3, 2025
Истрагата за причините е во тек и во неа се вклучени повеќе институции – управувачката компанија „Карис“, Националниот орган за безбедност во сообраќајот и криминалната полиција. Од „Карис“ тврдат дека жичницата редовно била подложувана на инспекции, но очевидци изјавиле дека пред судирот со зграда на стрмната улица најверојатно дошло до дефект на сопирачките.
На снимки споделени на социјалните мрежи се гледа целосно превртено и оштетено возило во препознатливата жолта боја, а сведоци раскажуваат дека неколку патници биле извлечени од урнатините со помош на спасувачките екипи.
Жичницата „Глорија“, која работи веќе 140 години, е еден од симболите на Лисабон и претставува омилена атракција за туристите.
Трагедијата предизвика и меѓународни реакции. Претседателката на Европската комисија, Урсула фон дер Лајен, и шпанскиот премиер Педро Санчез испратија пораки на поддршка и солидарност со португалскиот народ.
-
Хороскоп2 дена
Хороскоп за вторник (16 септември)
-
Хороскоп22 часа
Хороскоп за среда (17 септември)
-
Скопје1 ден
(ВИДЕО) Снимка од подметнувањето на пожарот во Пинтија, каде ние човечноста?!
-
Македонија1 ден
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Музика13 часа
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Временска прогноза2 дена
По ладни утра проследени со ладен воздух од северен правец
-
Свет1 ден
„Google“ со сериозна инвестиција на центри за податоци и вештачка интелигенција во Велика Британија
-
Македонија1 ден
„СОЗР“ стави крај на злоупотребите на службените возила и зголемување на транспарентноста од денес граѓаните можат да пријавуваат случаи на незаконита употреба на службени возила