Храна
Мени за Велики Петок: Ден за лесни оброци и големи молитви

Велики петок е еден од најтажните денови во христијанството. На овој ден, Исус Христос бил распнат на крстот на Голгота.
Овој празник е ден на голема жалост, па затоа се одбележува со строг пост, воздржување од веселби и прослави, а според традицијата, на овој ден не треба да се извршуваат никакви обврски, ни надвор ни во домот. Црковните ѕвона не ѕвонат на овој ден.
Ви предлагаме 5 јадења на вода што можете да ги јадете на Велики петок…
Палента на вода:
Направете палента со малку вода и сол. Во посебно тенџере продинстајте малку кромид и лук, прелејте ги со доматен сок во кој сте додале малку оригано и сол, па оставете сето тоа да зоврие. Прелејте ја палентата со доматниот сос и уживајте!
Крем-чорба:
Состојки: 2 компири, 2 моркови, 1 главица кромид, 300 грама спанаќ и 2 чешниња лук.
Приготвување: Ставете го зеленчукот во тенџере, прелејте го со вода и посолете. Варете го на тивок оган околу 1 час. Со миксер изматете го зеленчукот. Послужете го со коцки сув леб.
Пита со ориз и праз:
Состојки: 1 праз, 300 грама варен ориз, сол и бибер, кисела вода и 1 пакување кори за пита.
Приготвување: Исечкајте го празот, па динстајте го на малку вода. Кога ќе се издинста, додајте му варен ориз и зачини.
Одвојте еден лист од корите за пита, па наросете ја со неколку капки кисела вода, потоа на неа стуткајте уште еден лист кора за пита, па обилно филувајте го со ориз и праз, завиткајте и ставете ги во тепсија. Кога ќе ги наредите и останатите кори, посипете се’ со кисела вода и ставете во рерна да се пече околу 20 минути на 200 степени.
Грав на вода:
Состојки: ½ килограм бел грав, 250 грама кромид, 1 морков, 1 сува пиперка, 2 лажици брашно, сува пиперка и сол.
Навечер, потопете го гравот во вода да отстои прекуноќ. Утредента исцедете го, прелејте го со друга вода и ставете го да зоврие. Повторно исцедете го и прелејте го со вода. Додајте исечкан кромид, морков, сува пиперка и варете додека гравот не се свари како што треба. Разматете брашно во малку вода, додајте малку сув пипер, па сето тоа додајте го во гравот што врие. Посолете по вкус и тргнете го јадењето од оган.
Рижото од зеленчук:
Состојки: 150 грама грашок, 150 грама моркови, 150 грама пченка, 1 шолја бел ориз сол, бибер, свеж магдонос и куркума (по желба).
Приготвување: Сварете го зеленчукот во малку вода, па кога ќе биде речиси готов, додајте добро измиен ориз. Оставете го сето тоа да врие десетина минута, а потоа тргнете го од рингла. Додајте сол, бибер и свеж магдонос и промешајте. Може да додадете и куркума по желба.
Храна
Дали знаете дека солената храна го зголемува апетитот?

Вообичаено се смета дека јадењето солена храна ја зголемува жедта. Сепак, ново истражување спроведено во рамки на симулација на мисија на Марс покажало изненадувачки резултати, космонаутите кои внесувале повеќе сол всушност задржувале повеќе вода и наместо да чувствуваат жед, чувствувале глад.
Научниците забележале дека испитаниците кои консумирале меѓу шест и дванаесет грама сол дневно пиеле помалку вода, додека нивната урина содржела повисока концентрација на сол.
Друго истражување, спроведено на глувци, дало дополнително објаснување за зголемениот апетит при повисок внес на сол.
Имено, кај глувците било забележано дека за да се исфрли вишокот сол без промена во количината на урина, организмот произведува повеќе уреа. Овој процес бара дополнителна енергија, што резултира со зголемена потреба за храна.
Храна
Дали храната без „глутен“ е подобра од обичната?

Австралиската гастроентеролог Сузан Магади нагласува дека храна без глутен е потребна само за луѓето кои имаат здравствени проблеми и не смеат да консумираат глутен. За останатите, таа не ја препорачува оваа практика. Според неа, целосното избегнување на глутен може дури и да биде ризично.
– „Надвор од случаите на целијакија, нема докази дека строгата безглутенска диета носи здравствени придобивки. Напротив, исклучувањето на интегрални житарки може да доведе до недоволен внес на влакна, што негативно влијае врз организмот,“ објаснува Магади.
Истражување објавено пред неколку години, кое ги следело навиките на неколку стотици луѓе во период од 26 години, покажало дека кај лицата без целијакија, исхраната без глутен не е неопходна. Дополнително, недоволниот внес на житарки може да го зголеми ризикот од кардиоваскуларни заболувања.
Сепак, многу лекари им советуваат на пациенти со хронична надуеност да избегнуваат храна што содржи глутен. Постојат тврдења дека човек може да биде чувствителен на глутен и без да има целијакија, и во такви ситуации елиминацијата на глутен е единственото решение. Но, оваа тема останува спорна бидејќи не сите експерти се согласуваат.
Заклучокот би бил едноставен: „Ако немате проблеми при консумирање глутен, нема причина да се откажете од него. Избегнувањето на глутен не ве прави ниту поздрави ниту послаби. Но ако почувствувате дека храната со глутен ви предизвикува непријатности и подобро се чувствувате со безглутенски производи, слободно продолжете во таа насока – но секогаш по консултација со лекар.“
Магазин
Тајната на вистинскиот италијански болоњезе сос

Болоњезе сос е едно од најпознатите јадења во светот, но вистинската тајна на неговиот вкус лежи во традицијата на градот Болоња. Ова кулинарско богатство, познато како рагу ала болоњезе, се подготвува со векови и претставува симбол на италијанската гастрономија.
За разлика од верзиите што често се подготвуваат надвор од Италија, оригиналниот болоњезе сос не се прави брзо, туку полека и со трпение. Главните состојки се мелено говедско и свинско месо, зеленчук (кромид, морков и целер), панчета, бело вино, млеко и малку домати. Она што го прави посебен е долгото варење на ниска температура – најмалку два до три часа – кое создава густ, кремаст и богат сос.
Иако денес многумина го служат со шпагети, италијанските готвачи препорачуваат таљателе, широки тестенини кои совршено ја впиваат аромата на сосот.
Како се готви вистински болоњезе сос?
Подготовката започнува со пржење на ситно исечкан зеленчук на тивок оган, додека не омекне. Потоа се додава панчетата за да ја ослободи својата арома, па меленото месо кое се пржи додека не ја смени бојата. Следува белото вино кое целосно треба да испари, а потоа се додаваат доматите, млекото и малку морско оревче. Од овој момент започнува најважниот дел – бавното варење.
„Тајната на болоњезе сосот е трпението,“ велат готвачите од Болоња. Долгото готвење му дава длабочина на вкусот и го претвора во сос каков што со векови ја освојува Италија и светот.
Болоњезе сос – повеќе од рецепт
Ова јадење не е само уште една комбинација на состојки, туку културно наследство кое ја претставува италијанската љубов кон храната. Вистинскиот болоњезе е доказ дека за добар вкус е потребно време, внимание и посветеност.
Извор: City Magazin
-
Lifestyle17 часа
Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher
-
Хроника21 час
ТАЖНА ВЕСТ: Панчо ја загуби животната битка како последица од пожарот во Кочани, почивај во мир наш „Шорти“
-
Хороскоп1 ден
Хороскоп за вторник (14 октомври)
-
Временска прогноза1 ден
Пред нас динамична Есен, снегот може да подрани оваа година
-
Македонија2 дена
Од вечерва поевтинуваат горивата, ова е новата цена за литар
-
Спорт1 ден
(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!
-
Спорт1 ден
Македонија одигра „реми“ со Казахстан на „Тодор Проески“, Барди нè спаси од сигурен пораз
-
Спорт2 дена
Димитриевски: Очекувам силна поддршка од трибините, „Целта е јасна, излегуваме на терен по победа“