Храна
Мени за Велики Петок: Ден за лесни оброци и големи молитви

Велики петок е еден од најтажните денови во христијанството. На овој ден, Исус Христос бил распнат на крстот на Голгота.
Овој празник е ден на голема жалост, па затоа се одбележува со строг пост, воздржување од веселби и прослави, а според традицијата, на овој ден не треба да се извршуваат никакви обврски, ни надвор ни во домот. Црковните ѕвона не ѕвонат на овој ден.
Ви предлагаме 5 јадења на вода што можете да ги јадете на Велики петок…
Палента на вода:
Направете палента со малку вода и сол. Во посебно тенџере продинстајте малку кромид и лук, прелејте ги со доматен сок во кој сте додале малку оригано и сол, па оставете сето тоа да зоврие. Прелејте ја палентата со доматниот сос и уживајте!
Крем-чорба:
Состојки: 2 компири, 2 моркови, 1 главица кромид, 300 грама спанаќ и 2 чешниња лук.
Приготвување: Ставете го зеленчукот во тенџере, прелејте го со вода и посолете. Варете го на тивок оган околу 1 час. Со миксер изматете го зеленчукот. Послужете го со коцки сув леб.
Пита со ориз и праз:
Состојки: 1 праз, 300 грама варен ориз, сол и бибер, кисела вода и 1 пакување кори за пита.
Приготвување: Исечкајте го празот, па динстајте го на малку вода. Кога ќе се издинста, додајте му варен ориз и зачини.
Одвојте еден лист од корите за пита, па наросете ја со неколку капки кисела вода, потоа на неа стуткајте уште еден лист кора за пита, па обилно филувајте го со ориз и праз, завиткајте и ставете ги во тепсија. Кога ќе ги наредите и останатите кори, посипете се’ со кисела вода и ставете во рерна да се пече околу 20 минути на 200 степени.
Грав на вода:
Состојки: ½ килограм бел грав, 250 грама кромид, 1 морков, 1 сува пиперка, 2 лажици брашно, сува пиперка и сол.
Навечер, потопете го гравот во вода да отстои прекуноќ. Утредента исцедете го, прелејте го со друга вода и ставете го да зоврие. Повторно исцедете го и прелејте го со вода. Додајте исечкан кромид, морков, сува пиперка и варете додека гравот не се свари како што треба. Разматете брашно во малку вода, додајте малку сув пипер, па сето тоа додајте го во гравот што врие. Посолете по вкус и тргнете го јадењето од оган.
Рижото од зеленчук:
Состојки: 150 грама грашок, 150 грама моркови, 150 грама пченка, 1 шолја бел ориз сол, бибер, свеж магдонос и куркума (по желба).
Приготвување: Сварете го зеленчукот во малку вода, па кога ќе биде речиси готов, додајте добро измиен ориз. Оставете го сето тоа да врие десетина минута, а потоа тргнете го од рингла. Додајте сол, бибер и свеж магдонос и промешајте. Може да додадете и куркума по желба.
Магазин
Кремасто рижото со печурки – совршен избор за ручек

Состојки:
- 200 гр свежи печурки (или мешани по избор)
- Сол, бибер, свеж магдонос
- 50 гр путер (по можност несолен)
- 1 главица кромид
- 2 чешниња лук
- 1 чаша (околу 200 гр) ориз арборио
- 500 мл пилешка или зеленчукова супа (за вегетаријанска верзија)
- Дополнителна вода или супа по потреба
- Пармезан (изобилно)
Подготовка
1. Подготовка на печурките
Исчистете и ситно исечкајте ги печурките. Пропржете ги во тава на средна температура без премногу маснотии, додека не омекнат и не ја испуштат сопствената течност. Зачинете ги со сол, бибер и свеж магдонос. Тргнете ги на страна.
2. Основа за рижото
Во истото тавче растопете го путерот, па додајте ситно исечкан кромид и лук. Пржете додека кромидот не стане стаклест и нежен, ослободувајќи ја својата сладост и арома.
3. Додавање на оризот
Додадете го оризот арборио и кратко пропржете додека не стане малку проѕирен и не ги впие аромите. Почнете постепено да ја додавате супата, по малку, со постојано мешање. Кога оризот ќе ја впие течноста, додадете уште супа. Овој процес треба да биде постепен за да се постигне карактеристичната кремаста текстура на рижото.
Кога оризот е речиси омекнат, вратете ги печурките во тавата за да се соединат вкусовите.
4. Финални чекори
На крајот, додадете уште малку путер за дополнителна кремастост и изрендајте изобилно пармезан. Нежно измешајте додека кашкавалот не се стопи и соедини со останатите состојки. По потреба, додадете дополнително сол и бибер.
Совети за совршено рижото
✔ Често мешајте – мешањето помага да се ослободи скробот од оризот, што му дава на рижото кремаста текстура. ✔ Не го плакнете оризот – за разлика од другите јадења, овде скробот е клучен за вистинскиот резултат. ✔ Користете топла супа – додавањето ладна течност го забавува готвењето и ја менува текстурата. ✔ Додадете сирење и путер на крајот – за да се задржи нивниот полн вкус и да му дадат финален сјај на јадењето.
Без разлика дали го правите за себе или го споделувате со некој близок, кремастото рижото со печурки секогаш ќе биде вистински избор! Уживајте во готвењето и во секој залак!
Извор: LIZ
Магазин
Рецепт од нашите баби: Како да направите домашно кисело млеко?

Иако денес киселото млеко лесно се наоѓа во продавниците, вкусот на домашното кисело млеко не враќа во детството. Процесот на подготовка е едноставен, бара минимално време, а резултатот е природен, вкусен и здрав производ кој не може да се спореди со индустриските варијанти.
Освен што има богат и кремаст вкус, киселото млеко е одличен извор на протеини и пробиотици, кои го подобруваат варењето на храната и ја одржуваат балансот на цревната микрофлора.
Состојки:
- 3 литри млеко (по можност со 3,8% маснотии)
- 1 лажичка шеќер
- 350 г кисела павлака
Начин на подготовка:
- Во млекото додадете шеќер и оставете го да зоврие.
- Потоа исклучете го огнот и оставете го малку да се излади. Оптималната температура е ако можете да го држите прстот во млекото 10 секунди без да ве пече. Некои баби ја проверувале температурата и со лактот – ако не е премногу жешко, значи дека е подготвено.
- Одвојте околу 300 мл топло млеко во посебен сад и додајте ја павлаката. Измешајте добро додека не добиете мазна смеса.
- Истурете ја оваа смеса во остатокот од топлото млеко и убаво измешајте со лажица.
- Префрлете го млекото во сад во кој ќе се закисели. Најдобро е да користите глинена тегла, но може и друг сад.
- Покријте го садот со кујнска крпа и оставете го преку ноќ на собна температура.
- Следното утро, ставете го киселото млеко во фрижидер и оставете го 24 часа пред да го консумирате.
Совет:
Некогаш мајките додаваа кора од леб во млекото за да помогнат во згуснувањето. Доколку користите млеко со помала масленост, ова е одличен начин да добиете погуста текстура.
Со овој рецепт, ќе подготвите вкусно, природно и здраво домашно кисело млеко, исто како што правеле нашите баби!
Извор: RadioSA
Храна
(ВИДЕО) Мудар начин како да ја воочите разликата помеѓу природна и вештачка храна

Ова е начинот да забелижите која храна е природна а која вештачка, имено вештачката или ГМО храна е поубава, позаоблена, посјајна, со еднаква големина и изглед, со сјајна боја, без модринки и оштетени делови, без знаци за гниење…
Вештачкото месо, исто така, изгледа добро. Но, доколку обрнете внимание на црниот дроб и бубрезите ќе забележите дека тоа е лажна храна. Имено, ако бубрезите или црниот дроб од некои животни ви делуваат болно, не го купувајте тоа месо бидејќи тие животни најверојатно се хранети со ГМО сточна храна.
На кратко, вештачката храна содржи пестициди и хемиски вештачки ѓубрива, содржи генетски модифицрани организми и сл.
Што мислите, ја чувствуваат ли луѓето разликата меѓу обичната и органската храна?
-
Хороскоп24 часа
Хороскоп за четврток (3 април)
-
Хороскоп2 дена
Хороскоп за среда (2 април)
-
Кичево1 ден
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Временска прогноза2 часа
Ново ажурирање: Доаѓа екстремно ладно време за април, силен северен ветер и снег, невообичаено за овој период од годината
-
Хроника1 ден
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште
-
Македонија2 дена
Сообраќајно инфо: Намалена видливост поради магла на превој „Стража“
-
Автомобили1 ден
„Шкода“ го претстави својот освежен и подобрен модел на „Ениак“
-
Магазин1 ден
Nintendo е подготвен да ја претстави конзолата Switch 2