Социјални мрежи
„Мета“ и „Facebook“ конечно ќе овозможат поголема контрола врз „News Feed“ – новостите на почетна

Мета која е сопственик на Facebook, тестира нови начини на кои корисниците ќе можат да управуваат со содржината што ја гледаат во нивниот Facebook News Feed, иако во последновреме како да се поигруваат со дневните новости во „news feed“ секцијата, имено се прикажува она што најчесто и не сакаме да го гледаме..
Тестот првично е достапен за мал број корисници и им овозможува да ги приспособат своите приоритети за да ја зголемат или намалат количината на содржина што ја гледаат од одредени пријатели, членови на семејството, групи и страници со кои се поврзани на платформата.
Фејсбук го промени начинот на кој News Feed ја прикажува содржината неколку пати во текот на годините и сè уште не одлучил која содржина треба да има приоритет и зошто.
Не е познато како компанијата го контролира News Feed, но во септември објави извештај во кој посочува дека на јавноста ќе и понуди подобар увид за тоа каква содржина ја потиснува.
Мета посочува дека новиот тест е обид да им се понуди на корисниците поголема контрола на News Feed, за да можат да гледаат повеќе содржини што ги сакаат, а помалку што не им треба.
Социјални мрежи
Инстаграм најавува нова функција

За време на неодамнешниот настан „АМА“ со корисниците, шефот на Инстаграм Адам Мосери јасно стави до знаење што треба да добие популарната апликација. Според него, „Instagram“ треба да имплементира мала, но важна карактеристика што веќе ја имаат неговите конкуренти како „TikTok“ и „YouTube“ – „picture-in-picture“ (PIP).
Ова значи дека корисниците на Инстаграм наскоро би можеле да вршат повеќе дејства на нивните уреди додека истовремено ги гледаат „Reels“ и другите содржини на апликацијата.
Дополнително,Инстаграм работи на подобрување на својата функција за пребарување оваа година, вклучувајќи ја и можноста за пребарување на содржина, а не само на други сметки, пренесува kurir.rs
Социјални мрежи
ТикТок наскоро повторно ќе биде активна за „Андроид“ корисниците ширум Америка

Платформата TikTok најави дека ќе им овозможи на американските корисници на Android да ја преземаат и користат апликацијата преку пакети достапни на нејзината официјална веб-страница, заобиколувајќи ги ограничувањата наметнати во земјата.
Апликацијата не беше вратена во продавниците на Google и Apple откако на 19 јануари стапи на сила американскиот закон со кој се бара нејзиниот кинески сопственик, ByteDance, да го продаде TikTok или ќе се соочи со забрана поради национална безбедност, објави Ројтерс.
Американскиот претседател Доналд Трамп, кој ја презеде функцијата ден по стапувањето на сила на законот, потпиша извршна наредба со која забраната се одложува за 75 дена.
Трамп рече дека е во разговори со неколку заинтересирани страни за продажба на TikTok и дека ќе донесе одлука за иднината на платформата овој месец.
Инаку, TikTok моментално има околу 170 милиони корисници во САД. Претходно оваа недела, Трамп потпиша извршна наредба со која се наредува создавање на суверен богат фонд во текот на следната година, што укажува дека фондот би можел да биде потенцијален купувач на апликацијата.
Американските власти предупредуваат дека додека TikTok е под контрола на ByteDance, може да има злоупотреба на податоците на американските корисници.
Сепак, TikTok тврди дека тврдењата за нејзините врски со Кина се лажни, пренесува Танјуг.
Социјални мрежи
„WhatsApp“ воведува нова функција која ќе ги воодушеви корисниците, ова корисниците ги нервира со години

WhatsApp работи на нова функција која им овозможува на корисниците да додаваат и управуваат со повеќе сметки во една апликација. Функцијата, откриена во најновата бета верзија на WhatsApp за iOS 25.2.10.70, сè уште е во развој.
Тоа треба да го олесни користењето на популарната апликација за оние кои користат WhatsApp со повеќе од еден телефонски број за лична и професионална употреба. Можноста за користење на повеќе сметки првпат беше воведена во бета верзијата на апликацијата Android, наменета за тестери, а сега истата функција се проширува и на корисниците на iOS.
Главната цел на неговото воведување е да се елиминира потребата од користење на повеќе уреди или паралелни апликации за ракување со различни сметки на WhatsApp. И кога конечно ќе се имплементира, ќе им овозможи на корисниците да додаваат сметки директно преку поставките на апликацијата, без никакви заобиколувања.
Корисниците ќе можат да ги чуваат сите свои разговори организирани во една апликација, додека нивните сметки ќе бидат одвоени. Известувањата, разговорите, резервните копии и поставките ќе останат посебни за секоја сметка и ќе работат независно во апликацијата, пренесува SmartLife
-
Хороскоп1 ден
Месечен Хороскоп (април)
-
Спорт2 дена
ФФМ упати експресно соопштение во врска со нечовечкото однесување на навивачите на ФК Шкендија
-
Временска прогноза9 часа
Попоски: Влегуваме во период на температури во минус, студ и снег, невообичаено за месец април – ова се информациите
-
Македонија15 часа
МВР: Кривична пријава против 10 полициски службеници од Единицата за брзо распоредување за злоупотреба на службена положба и овластување
-
Македонија18 часа
Поскапуваат дизелот и бензинот, ова е новата цена од вечерва
-
Временска прогноза2 дена
Повторно доаѓа нова тура на обилни врнежи од дожд и невреме над Македонија
-
Хороскоп8 часа
Хороскоп за среда (2 април)
-
Скопје2 дена
(ВИДЕО) МВР: Санкциониран возачот кој управуваше возило по тротоар на Бит Пазар и ја загрози безбедноста на пешаците