Следете не

Спорт

Методи Максимов: Да ги заокружиме овие квалификации со добра игра и резултат

Објавено пред

на

Младата репрезентација на Македонија до 21 година на почетокот на јуни ќе ги одигра двата последни натпревари во рамките на квалификацискиот циклус за пласман на ЕП 2023 што ќе се одигра во Романија и Грузија.

Во првиот дуел од јунските квалификации, во Скопје гостува незгодната селекција на Ерменија. Натпреварот од 9. коло во групата Х од квалификациите, Македонија и Ерменија ќе го одиграат на тренинг центарот „Петар Милошевски”, на 2. јуни, со почеток од 17. часот.

Еден од најдобрите поединци на Работнички во завршената сезона во ПМФЛ и фудбалер кој се очекува да блесне во дресот на младата селекција во следниот квалификациски циклус, Методи Максимов даде свое видување и анализа за претстојните предизвици на младиот национален состав.

– Оваа селекција на Македонија поседува квалитет, можевме да освоиме многу повеќе бодови, одигравме неколку меча под нашето ниво, реално можевме да се бориме за многу поголеми цели. Овој квалификациски циклус имаше и свои позитивни работи, одигравме неколку одлични натпревари, против незгодни селекции како Ерменија и Украина. На мечот со Ерменија постигнав погодок, а Македонија славеше победа, се надевам дека одличната игра на тој меч ќе можеме да ја повториме и на 2. јуни пред домашните навивачи. На натпреварот со Ерменија ќе пристапиме со една единствена цел, а тоа е победа на домашен терен. Мораме да бидеме максимално сконцентрирани во текот на сите 90 минути, да ја посакуваме победата и да се бориме за секоја топка. Тоа од нас го бара дресот со национален грб, се надевам дека ќе се претставиме во одлично светло и на вистински начин да ги завршиме овие квалификации. Се надевам дека на двата последни меча од квалификациите ќе одиграме најдобро како што знаеме и умееме. 

Во првиот дуел од квалификациите, во рамките на групата Х, одигран во Јереван помеѓу овие две селекции, Македонија славеше победа со 2:1, благодарени на погодоците на Марко Ѓорѓиевски и Методи Максимов.

Нашите млади фудбалери вчера во хотел Парк го имаа собирот со кој официјално го означија стартот на подготовките за квалификациските натпревари против Ерменија и Украина.

Спорт

Најдобриот српски тенисер Ѓоковиќ утре на Вимблдон ќе се сретне со Тим ван Ритовен

Објавено пред

на

Најдобриот српски тенисер Новак Ѓоковиќ и Холанѓанецот Тим ​​ван Ритовен утре ќе се сретнат во осминафиналето на Вимблдон, а нивниот меч е поставен како трет во низа на „Централниот терен“.

Тоа практично значи дека сигурно нема да започне пред 18:00 часот, бидејќи во 14:30 часот програмата ќе ја отворат Британката Хедер Вотсон и Германката Жил Нимаер.

Зад нив околу 16 часот на терен ќе бидат Италијанецот Јаник Синер и Шпанецот Карлос Алкараз.

Прочитај повеќе...

Спорт

Само Сејдини од ФФМ не ги заборави спортските новинари за 2-ри јули

Објавено пред

на

Денешниот ден, 2 јули е ден на спортските новинари, кај нас во Македонија, станува професија која е сè повеќе потценета, прекрасна е, но спортските новинари кај нас се во „изумирање“ …

Спортското новинарство е „жртва“ на политиката, кај нас во Македонија има над 30 специјализирани спортски канали, Аренаспорт, Спортклуб и Еуроспорт се емитуваат преку разни ТВ платформи, и ниту еден не е на македонски јазик …

Посебна приказна се националните ТВ куќи, МКРТВ се бори за место „под сонцето“, но ги губи битките со големите и специјализирани спортски канали во конкуренција обезбедување на ТВ права

МКРТВ треба да се потруди во „едукативниот“ дел од националниот спорт, и секако во критериумот на изборот на новинари, образованието за жал е се помалку важно во изборот кој е спортски новинар, има место во националниот сервис за новинари без факултетско образование, нема критериум во изборот кој смее и кој не смее да биде дел од националниот сервис, затоа ја плаќаме цената на „важноста“ на спортскиот новинар во општествениот живот, новинари без факултетско образование се дел од сервисот кој треба да биде пример и правец во новинарството, секако и спортското …

На претседателот на ФФМ му благодариме што еден од ретките кои се сети на спортските новинари, предводникот на „куќата на фудбалот“ е еден од ретките кои со посебно внимание се однесува кон „седмата сила“, ти БЛАГОДАРИМЕ, пишуваат нашите пријатели од Makfudbal.mk, еден од најдобрите спортски портали во земјава.

Прочитај повеќе...

Спорт

Заштитата од местење на натпревари е една од важните обврски во македонскиот фудбал. ФФМ преку Комисијата за безбедност и интегритет ќе се справува со проблемот

Објавено пред

на

Фудбалската Федерација на Македонија преку Комисијата за безбедност и интегритет целосно е насочена кон откривање и заштита на еден од најголемите проблеми во модерниот фудбал – местењето на натпревари. Ризик кој влијае негативно, а зазема се поголема сила во светот на фудбалската игра. Оттука, ФФМ преку Комисијата за безбедност и интегритет преку низа кампањи, семинари и предавања ги охрабрува луѓето кои се вклучени фудбалот да зборуваат против местење на натпревари и да ја подигнат свеста преку доверливите платформи за известување на ФФМ, УЕФА и ФИФА.

Во однос на ова прашање, нашата федерација презема конкретни чекори, односно учествува и организира едукативни предавања во координација со УЕФА и ФИФА за рано препознавање и спречување на местењето на фудбалски натпревари.

Целта е единствена, а тоа е да се заштити интегритетот на самата фудбалска игра.

Сите во фудбалот кои на било каков начин доаѓаат во ситуација поврзана со местењето на натпревари треба да се  спротивстават и да пријават каков било пристап со можност да се „намести” натпревар преку доверливи платформи за известување.

Во 2021/2022, Комисијата за безбедност и интегритете при ФФМ организираше десетина едукативни семинари, обуки и предавања за заштита од местење на натпревари. Беа опфатени сите национални репрезентации, како и судиите и контролори во МФЛ.

Целта на предавањата е да им се даде важна информација на фудбалерите, судиите и останатите учесници во фудбалската игра за начинот на кој функционира целиот систем и процес на местење на натпревари, големото негативно влијание врз фудбалот, како и откривањето и превенцијата од него.

– Активностите кои ги реализиравме во оваа насока, ни даваат за право да веруваме дека заедно и конструктивно можеме да ги решаваме предизвиците и дека нашите заеднички предлози и насоките кои ги добиваме од УЕФА и ФИФА во однос на ова прашање, фудбалерите, судиите, но и сите останати кои се поврзани со фудбалската игра, ќе ги пренесат во своите клубови, тела и организации. Верувам дека со спроведувањето на низата семинари помогнавме разменувајќи искуство и знаење и дека пронајдовме најдобри методи за заштита од местење на натпревари. Сето тоа заради нашиот фудбал, но првенствено заради нашето општество, изјави Роберт Марковиќ од одделот за безбедност и интегритет при ФФМ.

Прочитај повеќе...

Facebook

Последни објави

Култура1 час

Утре е „Иванден“, празникот за лекување болести и за добивање потомство, за многу години да е!

Меѓу поголемите летни празници што македонскиот народ ги празнува со многу обичаи и верувања спаѓа и празникот во народот познат...

Македонија8 часа

РКЕ денес одлучи цените на горивата да останат непроменети

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло...

Свет8 часа

Хакери украле податоци на милијарда кинески граѓани

Хакерски напади на сите страни. Звучи сензационално, па дури и малку нереално, но тоа е токму реалноста. Само неколку дена...

Гејминг8 часа

Diablo Immortal сè уште заработува повеќе од милион долари дневно

Досега дури и птиците на гранката знаат дека обожавателите на Diablo воопшто не се задоволни кога станува збор за играта...

Кичево9 часа

Викенд програма @Република 96250

Петок (08/07/2022) во Клуб Република 96250 уживајте во електронските звуци предводени од „Andreja Salpe“ со почеток во 21:00 часот. „The...

Магазин9 часа

TikTok се откажува од своите планови

Додека TikTok изгледа како незапирлива машина за забава, барем еден дел од понудата на компанијата не работи како што се...

Магазин9 часа

PayPal ги прекинува бесплатните Friends & Family плаќања за деловни сметки

PayPal одлучи да ја ограничи функцијата што им овозможува на корисниците да добиваат пари без да плаќаат дополнителни провизии. Од...

Автомобили9 часа

Автомобилите на Tesla конечно се подготвени за македонските патишта, ја добија опцијата за откривање дупки

Компанијата Tesla започна со испорачување на нова софтверска надградба која, барем теоретски, би можела значително да го подобри квалитетот и...

Хроника10 часа

Во близина на авто-камп Струга во охридско езеро, било забележано удавено лице

Вчера на ден 05.07.2022 во 14.50 часот во СВР Охрид  пријавено е дека на плажа во близина на авто-камп кај...

На денешен ден22 часа

6 јули – На денешен ден

1415.- Чешкиот реформатор Јан Хус бил запален како еретик на клада во Констанца за неговото теолошко-полемичко дело „За црквата“. Бил...

НАЈЧИТАНИ