Осум инфлуенсери на TikTok поднесоа тужба против американскиот закон со кој ќе се забрани апликацијата освен ако не се продаде на американска компанија.

Инфлуенсерите велат дека на овој начин би ги изгубиле изворите на приходи, а со тоа и егзистенција.

Тие, исто така, велат дека законот навлегува во првиот амандман на САД, нарекувајќи ја загриженоста на пратениците „шпекулации“ и потсетувајќи дека судовите претходно блокирале некои обиди за забрана на TikTok.

Судот сериозно го сфаќа потенцијалното прекршување на Првиот амандман, но креаторите ќе мора да го убедат дека одвојувањето на TikTok од кинеската компанија ByteDance е поважно од прашањето за националната безбедност, за кое Белата куќа верува дека е загрозена.

Инфлуенсерите, меѓу кои Брајан Фајрбоу, Талија Кадет и Тимоти Мартин, истакнуваат дека TikTok се разликува од другите слични апликации поради можноста за изразување и дека не постои таква платформа на која можат да се „преселат“.

Тие ги претставуваат ефектите и алгоритмот на TikTok како „уникатни“, и сметаат дека „објавувањето видеа на TikTok е посебна форма на изразување, а содржината објавена на овој начин има поинакво значење од која било друга“.

Значи, генерално, нивниот аргумент е дека TikTok им служи за изразување, но и за заработка, и тие бараат од Апелациониот суд да го прогласи за неуставен законот што го принудува ByteDance да го продаде TikTok.

Google лансираше апликација која ќе ви помогне да го пронајдете изгубениот телефон.

Губењето на телефонот е како кошмар во денешниот свет, настанува паника, удирате по џебовите, се враќате по чекорите и стравот ви зазема кога ќе сфатите дека сте го изгубиле телефонот.

Меѓутоа, сега на тој кошмар му дојде крајот бидејќи Google конечно претстави опција која ќе не спаси во тие критични моменти.

На почетокот на април, Google ја лансираше мрежата „Find My Device“ за пронаоѓање телефони и други компатибилни уреди офлајн.

Ова првично е ограничено на САД и Канада, со целосна глобална експанзија планирана за крајот на јуни или почетокот на јули, при што некои региони веќе се воведуваат.

Кога Google ќе ја стартува мрежата Find My Device, вашиот телефон може да побара од вас да се согласите да се придружите, а вие мора да ја прифатите доколку сакате да бидете дел од мрежата, известува Android Police.

Целта на создавањето на оваа мрежа е колку повеќе членови има, толку се поголеми шансите да го најдете вашиот уред доколку го изгубите или ви го украдат.

Google моментално работи со различни производители за да ја донесе оваа функција на сите типови телефони.

/Informer

Поставен е нов рекорд за најбрзо продаваната видео игра PlayStation, објави Sony Interactive Entertainment.

Тоа е Helldivers 2, која се продаде во неверојатни 12 милиони примероци во првите 12 недели. Ова го собори рекордот на брзина на продажба што долго време го држеше видео играта God of War Ragnarok.

Helldivers 2 е посебена поради уште една работа – таа е првата видео игра која беше истовремено објавена и за PlayStation и за PC, а продажбата на верзијата наменета за играње на компјутери помина подобро.

Оваа видео игра е седма најуспешна од кујната на Sony кога станува збор за приходите, но како што е забележано од веб-страницата HCL, резултатот од продадени 12 милиони примероци се броел до 5-ти мај.

Ова е важно бидејќи по тој датум играта беше отстранета од продажба на многу пазари каде што PlayStation Network (PSN) не беше поддржана. Можеби, значи, 12 милиони играчи навистина ја купиле играта, но прашање е колку од нив ја задржале.